ഈ ​അ​നാ​സ്ഥ​ക്ക് എ​ന്താ​ണ് മ​രു​ന്ന്​?

കോ​ഴി​ക്കോ​ട്: റേ​ഡി​യോ​ള​ജി​സ്റ്റ്, ചെ​സ്റ്റ്​ ഫി​സി​ഷ്യ​ൻ തു​ട​ങ്ങി​യ വി​ദ​ഗ്ധ​രു​ടെ സേ​വ​നം ഇ​ല്ലാ​തെ ഫ​റോ​ക്ക് ഇ.​എ​സ്.​ഐ റ​ഫ​റ​ൽ ആ​ശു​പ​ത്രി. മ​ല​ബാ​റി​ലെ വി​വി​ധ ജി​ല്ല​ക​ളു​ടെ റ​ഫ​റ​ൽ ആ​ശു​പ​ത്രി​യാ​യ ഇ​വി​ടേ​ക്ക് ചി​കി​ത്സ കി​ട്ടു​മെ​ന്ന് പ്ര​തീ​ക്ഷി​ച്ച് എ​ത്തി​യാ​ലും റ​ഫ​ർ ചെ​യ്യ​ൽ മാ​ത്ര​മേ ന​ട​ക്കൂ.

സി.​ടി സ്​കാ​നും അ​ൾ​ട്രാ​സൗ​ണ്ട് സ്കാ​നും മു​ട​ങ്ങി​യ​തോ​ടെ ഡോ​ക്ട​ർ​മാ​ർ​ക്കു മു​ന്നി​ൽ മ​റ്റ് മാ​ർ​ഗ​മി​ല്ല. റേ​ഡി​യോ​ള​ജി​സ്റ്റ് അ​വ​ധി​യി​ൽ പ്ര​വേ​ശി​ച്ച​തോ​ടെ ആ​ശു​പ​ത്രി​യി​ലെ സി.​ടി സ്കാ​ൻ പ്ര​വ​ർ​ത്ത​നം മു​ട​ങ്ങി. ഇ​തോ​ടെ കോ​ടി​ക​ൾ ചെ​ല​വ​ഴി​ച്ച് സ്ഥാ​പി​ച്ച സി.​ടി സ്കാ​ൻ നോ​ക്കു കു​ത്തി​യാ​യി. ആ​ശു​പ​ത്രി​യി​ലെ അ​ൾ​ട്രാ​സൗ​ണ്ട് സ്കാ​ന​ർ പ​ണി​മു​ട​ക്കി​ലാ​യി​ട്ട് വ​ർ​ഷ​ങ്ങ​ളാ​യി. ക​ഴി​ഞ്ഞ ഫ്രെ​ബ്രു​വ​രി​മു​ത​ൽ റേ​ഡി​യോ​ള​ജി​സ്റ്റ് അ​വ​ധി​യി​ലാ​ണ്. ഇ​ട​ക്ക് ഏ​താ​നും ദി​വ​സം വ​ന്ന് ജോ​ലി​യി​ൽ ക​യ​റി വീ​ണ്ടും അ​വ​ധി​യി​ൽ പോ​വു​ക​യാ​യി​രു​ന്നു. റേ​ഡി​യോ​ള​ജി​സ്റ്റി​ന്റെ സേ​വ​നം ല​ഭ്യ​മ​ല്ലാ​ത്തി​നാ​ൽ ഇ​തും പ്ര​വ​ർ​ത്ത​ന ക്ഷ​മ​മാ​ക്കി​യി​ട്ടി​ല്ല.

നേ​ര​ത്തേ ആ​ശു​പ​ത്രി​യി​ൽ ആ​ഴ്ച​യി​ൽ മൂ​ന്നു​ദി​വ​സം ചെ​സ്റ്റ് ഫി​സി​ഷ്യ​ന്‍റെ ഒ.​പി സേ​വ​നം ല​ഭ്യ​മാ​ക്കി​യി​രു​ന്നു. ആ​ശു​പ​ത്രി​യി​ലേ​ക്ക് നി​യ​മി​ച്ച ചെ​സ്റ്റ് ഫി​സി​ഷ്യ​നെ എ​ര​ഞ്ഞി​പ്പാ​ലം ഇ.​എ​സ്.​ഐ ഡി​സ്പ​ൻ​സ​റി​യി​ലേ​ക്ക് സ്ഥ​ലം മാ​റ്റു​ക​യാ​യി​രു​ന്നു. ഇ​തോ​ടെ കോ​ഴി​ക്കോ​ട്, മ​ല​പ്പു​റം, വ​യ​നാ​ട്, ജി​ല്ല​ക​ളി​ലെ ഇ.​എ​സ്.​ഐ ഗു​ണ​ഭോ​ക്താ​ക്ക​ൾ​ക്ക് ഫ​റോ​ക്കി​ൽ ഇ.​എ​സ്.​ഐ റ​ഫ​റ​ൽ ആ​ശു​പ​ത്രി​യി​ൽ ല​ഭി​ച്ചി​രു​ന്ന സൗ​ക​ര്യ​വും നി​ല​ച്ചു.

ഇ​തി​നു​പു​റ​മേ ആ​ശു​പ​ത്രി​യി​ലെ സ​ർ​ജ​ൻ അ​സു​ഖം കാ​ര​ണം തി​ങ്ക​ളാ​ഴ്ച മു​ത​ൽ ലീ​വി​വാ​ണ്. ഇ​നി മു​ത​ൽ സ​ർ​ജ​റി​യും മു​ട​ങ്ങു​ന്ന അ​വ​സ്ഥ​യാ​ണ്. ഡോ​ക്ട​ർ​മാ​ർ അ​വ​ധി​യി​ൽ പോ​കു​മ്പോ​ൾ പ​ക​രം സം​വി​ധാ​ന​മൊ​രു​ക്കാ​ത്ത​താ​ണ് ആ​ശു​പ​ത്രി പ്ര​വ​ർ​ത്ത​ന​ത്തെ താ​ളം തെ​റ്റി​ക്കു​ന്ന​ത്. ഐ.​സി.​യു​വി​ൽ നാ​ല് ന​ഴ്സു​മാ​ർ വേ​ണം, എ​ന്നാ​ൽ ഒ​രു ന​ഴ്സ് മാ​ത്ര​മാ​ണു​ള്ള​ത്. ഓ​ഫി​സ് പ്ര​വ​ർ​ത്ത​നം നി​യ​ന്ത്രി​ക്കാ​ൻ ആ​വ​ശ്യ​ത്തി​ന് ക്ല​ർ​ക്കു​മി​ല്ല. അ​വ​ധി യ​ഥാ​സ​മ​യം ഡ​യ​റ​ക്ട്രേ​റ്റി​ൽ അ​റി​യി​ക്കു​ന്നു​ണ്ടെ​ന്നും ന​ട​പ​ടി​യാ​വാ​ത്ത​താ​ണ് പ്ര​ശ്ന​ത്തി​ന് ഇ​ട​യാ​ക്കു​ന്ന​തെ​ന്നു​മാ​ണ് വി​വ​രം. മാ​ത്ര​മ​ല്ല ജീ​വ​ന​ക്കാ​രു​ടെ കാ​ല​പ്പ​ഴ​ക്കം ചെ​ന്ന് ക്വാ​ട്ടേ​ഴ്സ് പു​ന​ർ​നി​ർ​മാ​ണ​ത്തി​നാ​യി ഒ​ഴി​പ്പി​ച്ച​തു ജീ​വ​ന​ക്കാ​ർ​ക്കും തി​രി​ച്ച​ടി​യാ​യി. ഏ​ഴ് ബ്ലോ​ക്കു​ക​ളി​ലാ​യി 68 ക്വാ​ട്ടേ​ഴ്സു​ക​ളാ​ണ് ഇ​വി​ടെ ഇ​ണ്ടാ​യി​രു​ന്ന​ത്.

ക്വാ​ട്ടേ​ഴ്സു​ക​ൾ ബ​ല​പ്പെ​ടു​ത്താ​നാ​യി​രു​ന്നു തീ​രു​മാ​ന​മെ​ങ്കി​ലും പു​തു​ക്കി​പ്പ​ണി​യാ​ൻ സെ​ൻ​ട്ര​ൽ പി.​ഡ​ബ്ല്യു.​ഡി നി​ർ​ദേ​ശി​ക്കു​ക​യാ​യി​രു​ന്നു. എ​ന്നാ​ൽ ഇ​തി​ന് ഇ​നി​യും ഇ.​എ​സ്.​ഐ കോ​ർ​പ​റേ​ഷ​ന്‍റെ അ​നു​മ​തി ല​ഭി​ച്ചി​ട്ടി​ല്ല. ഇ​തോ​ടെ ക്വാ​ട്ടേ​ഴ്സ് പു​തു​ക്കി​പ്പ​ണി​യ​ൽ പ്ര​വൃ​ത്തി നീ​ളു​മെ​ന്ന് ഉ​റ​പ്പാ​യി. വി​വി​ധ ജി​ല്ല​ക​ളി​ൽ​നി​ന്ന് കോ​ഴി​ക്കോ​ട്ട് ജോ​ലി​യെ​ടു​ക്കു​ന്ന​വ​രും കോ​ഴി​ക്കോ​ട്, വ​യ​നാ​ട്, മ​ല​പ്പു​റം ജി​ല്ല​ക​ളി​ലെ ഇ.​എ​സ്.​ഐ ഡി​സ്പെ​ൻ​സ​റി​ക​ളി​ൽ ജോ​ലി ചെ​യ്യു​ന്ന​വ​ർ​ക്കും താ​മ​സ​ത്തി​നു​ള്ള സൗ​ക​ര്യ​മാ​ണി​ത്. ഇ​ത് ഒ​ഴി​പ്പി​ച്ച​ത് കു​റ​ഞ്ഞ വേ​ത​ന​ത്തി​ൽ ജോ​ലി​ചെ​യ്യു​ന്ന​വ​രെ പ്ര​തി​ന്ധി​യി​ലാ​ക്കി​യി​രി​ക്കു​ക​യാ​ണ്.