ഫറോക്കിൽ പുതിയ പാലത്തിന് 55 കോടിയുടെ ഭരണാനുമതി

ഫ​റോ​ക്ക്: പ​ഴ​യ പാ​ല​ത്തി​ന് സ​മാ​ന്ത​ര​മാ​യി പു​തി​യ പാ​ലം നി​ർ​മി​ക്കു​ന്ന​തി​ന് കേ​ന്ദ്ര ഉ​പ​രി​ത​ല ഗ​താ​ഗ​ത മ​ന്ത്രാ​ല​യം 55 കോ​ടി രൂ​പ​യു​ടെ ഭ​ര​ണാ​നു​മ​തി ല​ഭ്യ​മാ​ക്കി​യ​താ​യി പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് അ​റി​യി​ച്ചു. സേ​തു​ബ​ന്ധ​ൻ പ​ദ്ധ​യി​ലു​ൾ​പ്പെ​ടു​ത്തി സെ​ൻ​ട്ര​ൽ റോ​ഡ് ഇ​ൻ​ഫ്രാ​സ്ട്ര​ക്ച​ർ ഫ​ണ്ട് (സി.​ഐ.​ആ​ർ.​എ​ഫ്) സം​സ്ഥാ​ന​ത്ത് ഏ​ഴു പാ​ല​ങ്ങ​ൾ​ക്കാ​യി 167 കോ​ടി രൂ​പ​യാ​ണ് അ​നു​വ​ദി​ച്ച​ത്.

ചാ​ലി​യാ​റി​ന് കു​റു​കെ പ​ഴ​യ പാ​ല​ത്തി​ന് സ​മാ​ന്ത​ര​മാ​യി നി​ല​വി​ലെ പാ​ല​ത്തി​ന്റെ കി​ഴ​ക്കു​ഭാ​ഗ​ത്താ​യി ആ​ധു​നി​ക രീ​തി​യി​ൽ എ​ക്സ്ട്രാ ഡോ​സ് കേ​ബി​ൾ രീ​തി​യി​ലു​ള്ള പാ​ല​മാ​ണ് നി​ർ​മി​ക്കു​ക. പു​ഴ​യി​ലെ നീ​രൊ​ഴു​ക്കി​നും ജ​ല​ഗ​താ​ഗ​ത​ത്തി​നും ത​ട​സ്സ​മി​ല്ലാ​തെ മൂ​ന്നു സ്പാ​നോ​ടു​കൂ​ടി 280 മീ​റ്റ​ർ നീ​ള​ത്തി​ലാ​ണ് പാ​ലം നി​ർ​മി​ക്കു​ക. 15 മീ​റ്റ​ർ വീ​തി​യു​മു​ള്ള പാ​ല​ത്തി​ന് ഇ​രു​ഭാ​ഗ​ത്തും 150 മീ​റ്റ​ർ അ​​പ്രോ​ച്ച് റോ​ഡും നി​ർ​മി​ക്കും.

പാ​ല​ത്തി​ൽ ഇ​രു​ഭാ​ഗ​ത്തും കേ​ബി​ൾ ഡെ​റ്റോ​ടു​കൂ​ടി​യ ന​ട​പ്പാ​ത​യും നി​ർ​മി​ക്കും. പൊ​തു​മ​രാ​മ​ത്ത് ദേ​ശീ​യ​പാ​ത വി​ഭാ​ഗ​ത്തി​നാ​ണ് നി​ർ​മാ​ണ​ച്ചു​മ​ത​ല. 18 മാ​സ​മാ​യി​രി​ക്കും നി​ർ​മാ​ണ കാ​ലാ​വ​ധി. ന​ട​പ​ടി​ക​ൾ പൂ​ർ​ത്തീ​ക​രി​ച്ച് എ​ത്ര​യും വേ​ഗം പ്ര​വൃ​ത്തി​യാ​രം​ഭി​ക്കാ​ൻ നി​ർ​ദേ​ശം ന​ൽ​കി​യ​താ​യും മ​ന്ത്രി അ​റി​യി​ച്ചു. ബ്രി​ട്ടീ​ഷു​കാ​രു​ടെ കാ​ല​ത്ത് നി​ർ​മി​ച്ച​താ​ണ് നി​ല​വി​ലു​ള്ള പാ​ലം. ച​രി​ത്ര​പ​ര​മാ​യി ഏ​റെ പ്രാ​ധാ​ന്യ​മു​ള്ള ഈ ​പാ​ലം ഈ​യി​ടെ​യാ​ണ് ന​വീ​ക​രി​ച്ച​ത്.

ടൂ​റി​സം പ്രാ​ധാ​ന്യം​കൂ​ടി ക​ണ​ക്കി​ലെ​ടു​ത്താ​ണ് പ​ഴ​യ പാ​ലം നി​ല​നി​ർ​ത്തു​ന്ന​ത്. സ​മാ​ന്ത​ര പാ​ലം വ​രു​ന്ന​തോ​ടെ നി​ല​വി​ലു​ള്ള പാ​ല​ത്തി​ലെ ഗ​താ​ഗ​ത​ക്കു​രു​ക്കി​ന് ശാ​ശ്വ​ത പ​രി​ഹാ​ര​മാ​വു​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു.