ഫറോക്കിൽ രണ്ട് ഫ്ലോട്ടിങ് ജെട്ടികൾ നിർമിക്കുന്നതിന് 71 ലക്ഷത്തിന്റെ ഭരണാനുമതി

ഫറോക്ക്: ടൂറിസം മേഖലയിൽ അടിസ്ഥാന സൗകര്യമൊരുക്കുന്നതിനായി ചാലിയാറിൽ രണ്ട് ഫ്ലോട്ടിങ് ജെട്ടികൾ നിർമിക്കുന്നതിന് ടൂറിസം വകുപ്പ് 71 ലക്ഷം രൂപയുടെ ഭരണാനുമതി നൽകിയതായി പൊതുമരാമത്ത് മന്ത്രി പി.എ. മുഹമ്മദ് റിയാസ് അറിയിച്ചു.

ചാലിയാറിലൂടെ ടൂറിസം ബോട്ടുകളുടെ സഞ്ചാരത്തിന് സൗകര്യമൊരുക്കുന്നതിനാണ് ചാലിയാറിൽ പുതിയ പാലത്തിന് സമീപം മമ്മിളിക്കടവിലും പഴയ പാലത്തിനു സമീപവും ജെട്ടികൾ നിർമിക്കുന്നത്. ഡി.ടി.പി.സിക്കാണ് നിർമാണ ചുമതല. ആറു മാസത്തിനുള്ളിൽ ഇരു ജെട്ടികളും യാഥാർഥ്യമാകും.