കെ-റെയിൽ: ചെറുവണ്ണൂരിൽ ഉദ്യോഗസ്ഥരെ നാട്ടുകാർ തടഞ്ഞു

ഫ​റോ​ക്ക് (കോഴിക്കോട്​): ജ​ന​ങ്ങ​ളു​ടെ ക​ടു​ത്ത പ്ര​തി​ഷേ​ധം വ​ക​വെ​ക്കാ​തെ കെ-​റെ​യി​ൽ സ​ർ​വേ​ക്കെ​ത്തി​യ ഉ​ദ്യോ​ഗ​സ്ഥ​രെ സം​ഘ​ടി​ച്ചെ​ത്തി​യ നാ​ട്ടു​കാ​ർ ത​ട​ഞ്ഞു. ഒ​രു​വി​ധ മു​ന്ന​റി​യി​പ്പു​മി​ല്ലാ​തെ വീ​ടു​ക​ളു​ടെ വ​ള​പ്പി​ൽ ക​യ​റി ധി​ക്കാ​ര​പ​ര​മാ​യി സ​ർ​വേ​ക്ക​ല്ല് നാ​ട്ടാ​നെ​ത്തി​യ ഉ​ദ്യോ​ഗ​സ്ഥ​രെ കെ-​റ​യി​ൽ വി​രു​ദ്ധ ജ​ന​കീ​യ​സ​മി​തി പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ലാ​ണ്​ ത​ട​ഞ്ഞ​ത്.

വീ​ട്ടു​കാ​ർ​ക്ക് നോ​ട്ടീ​സോ മ​റ്റോ ന​ൽ​കി​യി​രു​ന്നി​ല്ല. വ​ൻ പൊ​ലീ​സ് സം​ഘം സ്ഥ​ല​ത്തു​ണ്ടാ​യി​രു​ന്നെ​ങ്കി​ലും നാ​ട്ടു​കാ​രു​ടെ പ്ര​തി​ഷേ​ധ​ത്തെ മ​റി​ക​ട​ക്കാ​നാ​യി​ല്ല. നാ​ട്ടി​യ സ​ർ​വേ​ക്ക​ല്ലു​ക​ൾ പി​ഴു​തെ​റി​യു​മെ​ന്ന് പ്ര​തി​ഷേ​ധ​ക്കാ​ർ അ​റി​യി​ച്ചു. ഉ​ദ്യോ​ഗ​സ്ഥ​രു​മാ​യി പ​ല​സ്ഥ​ല​ത്തും സം​ഘ​ർ​ഷ​മു​ണ്ടാ​യി.

ബു​ധ​നാ​ഴ്ച വൈ​കീ​ട്ട്​ മൂ​ന്നി​നാ​ണ്​ ചെ​റു​വ​ണ്ണൂ​ർ ചെ​റൂ​ക്ക​പ​റ​മ്പി​ൽ സം​ഘ​ർ​ഷ​മു​ണ്ടാ​യ​ത്. സ​ർ​വേ ന​ട​ത്താ​ൻ സ്വ​കാ​ര്യ​വ്യ​ക്തി​യു​ടെ ഭൂ​മി​യി​ലേ​ക്ക് അ​തി​ക്ര​മി​ച്ച് വ​ന്ന ഉ​ദ്യോ​ഗ​സ്ഥ​രെ പ്ര​ദേ​ശ​വാ​സി​ക​ൾ ത​ട​യു​ക​യും തി​രി​ച്ച​യ​ക്കു​ക​യും ചെ​യ്തു. തൊ​ട്ട​ടു​ത്ത വീ​ട്ടു​പ​റ​മ്പി​ൽ ക​ല്ല്നാ​ട്ടി​യെ​ങ്കി​ലും വ​ൻ സം​ഘ​ർ​ഷ​മു​ണ്ടാ​യി.

സ​ർ​വേ​ക്ക​ല്ല് നാ​ട്ടാ​ൻ അ​നു​വ​ദി​ക്കു​ക​യി​ല്ലെ​ന്ന​റി​യി​ച്ച് മു​ദ്രാ​വാ​ക്യം വി​ളി​ച്ചാ​ണ്​ സ​മി​തി പ്ര​വ​ർ​ത്ത​ക​ർ ത​ട​ഞ്ഞ​ത്. കെ-​റെ​യി​ൽ വി​രു​ദ്ധ ജ​ന​കീ​യ സ​മി​തി നേതാക്കളായ ഖ​യ്യൂം, സി.​പി. ഷാ​ന​വാ​സ്, മു​ജീ​ബ് ആ​റ്റി​യേ​ട​ത്ത്, എ. ​ഷി​യാ​സ്, എം. ​മു​സ്ത​ഫ, ടി. ​ര​മേ​ശ​ൻ, പി. ​അ​ക്ബ​ർ, ശ്രീ​നി​വാ​സ​ൻ, ബാ​ല​ൻ, നൗ​ഷാ​ദ് എ​ന്നി​വ​ർ നേ​തൃ​ത്വം ന​ൽ​കി.