ഫറോക്ക് ഇ.എസ്.ഐ ആശുപത്രിയിൽ ശസ്ത്രക്രിയ മുടങ്ങിയിട്ട് ഒരു മാസം

ഫ​റോ​ക്ക്: ഫ​റോ​ക്ക് ഇ. ​എ​സ്.​ഐ റ​ഫ​റ​ൽ ആ​ശു​പ​ത്രി​യി​ൽ ശ​സ്ത്ര​ക്രി​യ മു​ട​ങ്ങി​യി​ട്ട് ഒ​രു മാ​സം. സ​ർ​ജ​റി വി​ഭാ​ഗം ഡോ​ക്ട​ർ​ക്ക് സൂ​പ്ര​ണ്ടി​​ന്‍റെ താ​ൽ​ക്കാ​ലി​ക ചു​മ​ത​ല ന​ൽ​കി​യ​താ​ണ് ശ​സ്ത്ര​ക്രി​യ മു​ട​ങ്ങാ​ൻ കാ​ര​ണ​മാ​യ​ത്.

സ​ർ​ജ​റി വി​ഭാ​ഗം ഡോ​ക്ട​ർ കോ​ഴി​ക്കോ​ട്, മ​ല​പ്പു​റം , വ​യ​നാ​ട് ജി​ല്ല​ക​ളി​ൽ നി​ന്നു​ള്ള രോ​ഗി​ക​ൾ​ക്കാ​യി ചു​മ​ത​ല​യു​ള്ള ഏ​ക സ​ർ​ജ​നാ​ണ്. ഇ​ദ്ദേ​ഹ​ത്തെ​യാ​ണ് സൂ​പ്ര​ണ്ടാ​ക്കി നി​യ​മ​നം ന​ൽ​കി​യ​ത്. ല​ക്ഷ​ക്ക​ണ​ക്കി​ന് ഇ.​എ​സ്.​ഐ ഗു​ണ​ഭോ​ക്താ​ക്ക​ളു​ടെ മ​ല​ബാ​റി​ലെ ഏ​ക ഇ.​എ​സ്.​ഐ റ​ഫ​റ​ൽ ആ​ശു​​പ​ത്രി​യാ​യ ഫ​റോ​ക്ക് ഇ.​എ​സ്.​ഐ യി​ൽ ര​ക്ത​ബാ​ങ്കി​നാ​യു​ള്ള കാ​ത്തി​രി​പ്പും അ​ന​ന്ത​മാ​യി നീ​ളു​ക​യാ​ണ് .

ഒ​മ്പ​ത് മാ​സം മു​മ്പ് ഉ​ദ്ഘാ​ട​നം ക​ഴി​ഞ്ഞ ആ​ശു​പ​ത്രി​യി​ൽ ഐ.​സി.​യു ഇ​പ്പോ​ഴും അ​ട​ഞ്ഞു കി​ട​ക്കു​ക​യാ​ണ്. ക​ഴി​ഞ്ഞ വ​ർ​ഷം ഫെ​ബ്രു​വ​രി 17 നാ​ണ് അ​ന്ന​ത്തെ തൊ​ഴി​ൽ മ​ന്ത്രി ടി.​പി. രാ​മ​കൃ​ഷ്ണ​ൻ ഉ​ദ്ഘാ​ട​നം ചെ​യ്ത​ത്. ഉ​ദ്ഘാ​ട​നം ക​ഴി​ഞ്ഞ് മാ​സ​ങ്ങ​ൾ ക​ഴി​ഞ്ഞി​ട്ടും അ​ത്യാ​സ​ന്ന നി​ല​യി​ൽ എ​ത്തു​ന്ന രോ​ഗി​ക​ളെ പ​രി​ച​രി​ക്കാ​നോ ശ​സ്ത്ര​ക്രി​യ ക​ഴി​ഞ്ഞ രോ​ഗി​ക​ളെ ചി​കി​ത്സി​ക്കാ​നോ പോ​ലും ഉ​പ​കാ​ര​പ്പെ​ടാ​തെ ഐ.​സി.​യു സം​വി​ധാ​നം തു​റ​ന്നു പ്ര​വ​ർ​ത്തി​ക്കാ​ത്ത​ത് വ​ൻ പ്ര​തി​ഷേ​ധ​ങ്ങ​ൾ​ക്കി​ട​യാ​ക്കി​യി​ട്ടു​ണ്ട്.

ശ​സ്ത്ര​ക്രി​യ​ക​ൾ​ക്ക് ര​ക്ത​ത്തി​നാ​യി കോ​ഴി​ക്കോ​ട് ബീ​ച്ച് ആ​ശു​​പ​ത്രി​യെ സ​മീ​പി​ക്കു​ക​യാ​ണ് പ​തി​വ്. 1987 ജ​നു​വ​രി​യി​ലാ​ണ് കോ​ഴി​ക്കോ​ട്, മ​ല​പ്പു​റം, വ​യ​നാ​ട്, പാ​ല​ക്കാ​ട് ജി​ല്ല​യി​ലെ ഇ.​എ​സ്.​ഐ. ഗു​ണ​ഭോ​ക്താ​ക്ക​ൾ​ക്കാ​യി ഫ​റോ​ക്കി​ൽ ഇ.​എ​സ്.​ഐ റ​ഫ​റ​ൽ ആ​ശു​പ​ത്രി സ്ഥാ​പി​ത​മാ​യ​ത്.

അ​ന്നു​മു​ത​ൽ ര​ക്ത​ബാ​ങ്ക് ടെ​ക്നീ​ഷ്യന്റെ ത​സ്തി​ക ആ​ശു​പ​ത്രി​യി​ൽ ഉ​ണ്ടാ​യി​രു​ന്നെ​ങ്കി​ലും ര​ക്ത​ബാ​ങ്ക് ഇ​ല്ലാ​ത്ത​തി​നെ തു​ട​ർ​ന്ന് ടെ​ക്നീ​ഷ​നെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി​നി​യ​മി​ച്ചു. ഓ​പ​റേ​ഷ​ൻ വി​ഭാ​ഗ​ങ്ങ​ൾ​ക്കാ​യി ര​ണ്ട് തി​യ​റ്റ​റു​ക​ളാ​ണ് ആ​ശു​​പ​ത്രി​യി​ൽ പ്ര​വ​ർ​ത്തി​ക്കു​ന്ന​ത്. നൂ​റു കി​ട​ക്ക​ക​ളു​ള്ള കി​ട​ത്തി​ച്ചി​കി​ത്സ ആ​ശു​പ​ത്രി​യി​ൽ ര​ക്ത​ബാ​ങ്ക് വേ​ണ​മെ​ന്ന വ​ർ​ഷ​ങ്ങ​ളു​ടെ ആ​വ​ശ്യം ഇപ്പോഴും നടപ്പായിട്ടില്ല. സി.​ടി. സ്കാ​ൻ, അ​ൾ​ട്രാ​സൗ​ണ്ട് സ്കാ​ൻ, എ​ക്സ് റേ ​തു​ട​ങ്ങി​യ സൗ​ക​ര്യ​ങ്ങ​ൾ ആ​ശു​പ​ത്രി​യി​ലു​ണ്ടാ​യി​ട്ടും ര​ക്ത​ബാ​ങ്ക് ഇ​ല്ലെ​ന്ന കാ​ര​ണ​ത്താ​ലാ​ണ് പ്ര​സ​വ​സം​ബ​ന്ധ​മാ​യ ശ​സ്ത്ര​ക്രി​യ​ക​ൾ​ക്ക് ഇ.​എ​സ്.​ഐ ഗു​ണ​ഭോ​ക്താ​ക്ക​ളി​ൽ ഏ​റി​യ​പ​ങ്കും ഇ​വി​ടെ​നി​ന്ന് റ​ഫ​റ​ൻ​സ് വാ​ങ്ങി കെ.​എം.​സി.​ടി, മെ​ഡി​ക്ക​ൽ കോ​ള​ജ് എ​ന്നി​വി​ട​ങ്ങ​ളി​ലേ​ക്കാ​ണ് പ​റ​ഞ്ഞു വി​ടു​ന്ന​ത്.

ആ​ശു​പ​ത്രി​യി​ലെ ഐ .​സി. യു ​ഉ​ദ്ഘാ​ട​നം ക​ഴി​ഞ്ഞെ​ങ്കി​ലും ആ​ശു​പ​ത്രി​ക്ക് കൈ​മാ​റ്റം ന​ട​ത്തി​യി​ല്ലെ​ന്നും മ​തി​യാ​യ ജീ​വ​ന​ക്കാ​രി​ല്ലെ​ന്നു​മു​ള്ള വി​ചി​ത്ര മ​റു​പ​ടി​ക​ളാ​ണ് ആ​ശു​പ​ത്രി അ​ധി​കൃ​ത​ർ ന​ൽ​കു​ന്ന​ത് .

ക​ഴി​ഞ്ഞ ആ​ഴ്ച ഫ​റോ​ക്ക് ഇ. ​എ​സ്. ഐ ​ആ​ശു​പ​ത്രി​യി​ൽ ശ​സ്ത്ര​ക്രി​യ​ക്ക് വി​ധേ​യ​രാ​ക്കി​യ അ​ഞ്ചോ​ളം പേ​രെ ഐ. ​സി. യു. ​വി​ൽ പ്ര​വേ​ശി​പ്പി​ക്കേ​ണ്ട​തി​നു പ​ക​രം കി​ട​ത്തി​യ​ത് സ​മീ​പ​ത്തെ ഗൈ​ന​ക്കോ​ള​ജി വാ​ർ​ഡി​നു​ള്ളി​ലെ താ​ൽ​ക്കാ​ലി​ക​മാ​യി സ​ജ്ജീ​ക​രി​ച്ച മു​റി​യി​ലാ​ണ്. പ​ല വി​ഭാ​ഗ​ങ്ങ​ളി​ലെ​യും ഡോ​ക്ട​ർ​മാ​ർ ഒ​ട്ടു​മി​ക്ക ദി​വ​സ​വും അ​വ​ധി​യി​ലു​മാ​ണ്.