ക്രിമിനൽ കേസിൽപെട്ടാൽ സൗജന്യ നിയമസഹായം; പ്രതിഭാഗം അഭിഭാഷകസംഘവും ഓഫിസും ഒരുങ്ങി

കോ​ഴി​ക്കോ​ട്: സ​ർ​ക്കാ​റി​നും പൊ​ലീ​സി​നും വേ​ണ്ടി പ്രോ​സി​ക്യൂ​ട്ട​ർ​മാ​ർ കേ​സ് ന​ട​ത്തു​ന്ന​തു​പോ​ലെ പ്ര​തി​ക​ൾ​ക്കാ​യി സൗ​ജ​ന്യ​മാ​യി കേ​സ് ന​ട​ത്തു​ന്ന പ്ര​തി​ഭാ​ഗം അ​ഭി​ഭാ​ഷ​ക​രു​ടെ സം​ഘ​വും പ്ര​ത്യേ​ക ഓ​ഫി​സും ജി​ല്ല​യി​ൽ പു​തു​വ​ർ​ഷ​ത്തി​ൽ പ്ര​വ​ർ​ത്ത​നം തു​ട​ങ്ങും. നി​യ​മ​ത്തി​ന് മു​ന്നി​ൽ എ​ല്ലാ​വ​ർ​ക്കും തു​ല്യ​നീ​തി​യും സം​ര​ക്ഷ​ണ​വും ഉ​റ​പ്പാ​ക്കു​ക​യെ​ന്ന ല​ക്ഷ്യ​​ത്തോ​ടെ ജി​ല്ല​യി​ലെ ആ​ദ്യ ലീ​ഗ​ൽ എ​യ്ഡ് ഡി​ഫ​ൻ​സ് കൗ​ൺ​സ​ൽ സം​വി​ധാ​നം (എ​ൽ.​എ.​ഡി.​സി.​എ​സ്) ജി​ല്ല കോ​ട​തി സ​മു​ച്ച​യ​ത്തി​ലാ​ണ് ഒ​രു​ങ്ങി​യ​ത്. ‘ഈ ​ഓ​ഫി​സി​ലെ എ​ല്ലാ സേ​വ​ന​വും പൂ​ർ​ണ​മാ​യി സൗ​ജ​ന്യ​മാ​ണ്’ എ​ന്ന ബോ​ർ​ഡു​മാ​യി ദ്വൈ​ശ​താ​ബ്ദി കെ​ട്ടി​ട​ത്തി​​ന്റെ മൂ​ന്നാം നി​ല​യി​ൽ ജി​ല്ല ലീ​ഗ​ൽ സ​ർ​വി​സ​സ് അ​തോ​റി​റ്റി​ക്ക് കീ​ഴി​ലു​ള്ള എ​ൽ.​എ.​ഡി.​സി.​എ​സ് ഓ​ഫി​സ് ചൊ​വ്വാ​ഴ്ച ​ഹൈ​കോ​ട​തി ജ​ഡ്ജി ജ​സ്റ്റി​സ് കെ. ​വി​നോ​ദ് ച​ന്ദ്ര​ൻ ഉ​ദ്ഘാ​ട​നം ചെ​യ്യും. വി​ദേ​ശ രാ​ജ്യ​ങ്ങ​ളി​ലു​ള്ള പോ​ലെ പ​ബ്ലി​ക് ഡി​ഫ​ൻ​സ് കൗ​ൺ​സ​ൽ സം​വി​ധാ​ന​മാ​ണ് തു​ട​ങ്ങു​ന്ന​ത്.

എ​റ​ണാ​കു​ള​ത്ത് ഇ​ത് നേ​ര​ത്തേ തു​ട​ങ്ങി​യി​രു​ന്നു. കോ​ഴി​ക്കോ​ട്ടെ ഓ​ഫി​സി​ൽ എ​ല്ലാ​നേ​ര​വും സ​ഹാ​യ​സ​ന്ന​ദ്ധ​രാ​യി ഒ​മ്പ​തം​ഗ അ​ഭി​ഭാ​ഷ​ക സം​ഘ​മു​ണ്ടാ​വും. പൊ​ലീ​സ് സ്റ്റേ​ഷ​നി​ലെ​ത്തു​ന്ന​യാ​ൾ​ക്ക് പ്ര​ധാ​ന ഓ​ഫി​സ​ർ എ​ൽ.​എ.​ഡി.​സി.​എ​സ് പാ​ന​ലി​ലു​ള്ള അ​ഭി​ഭാ​ഷ​ക​ന്റെ ഫോ​ൺ ന​മ്പ​ർ ന​ൽ​ക​ണ​മെ​ന്നാ​ണ് ച​ട്ടം. ഏ​ത് നേ​ര​ത്താ​യാ​ലും അ​ഭി​ഭാ​ഷ​ക​ന്റെ സ​ഹാ​യം ഇ​തോ​ടെ ല​ഭ്യ​മാ​വും. തു​ട​ർ​ന്ന് ജാ​മ്യ​മെ​ടു​ക്കാ​നും കേ​സ് ന​ട​ത്താ​നു​മെ​ല്ലാം സൗ​ജ​ന്യ​മാ​യി സേ​വ​നം ഉ​പ​യോ​ഗ​പ്പെ​ടു​ത്താം. ലീ​ഗ​ൽ സ​ർ​വി​സ​സ് നി​യ​മ പ്ര​കാ​രം മൂ​ന്ന് ല​ക്ഷ​ത്തി​ലേ​റെ രൂ​പ വാ​ർ​ഷി​ക വ​രു​മാ​ന​മു​ള്ള പു​രു​ഷ​ന്മാ​ർ​ക്ക് സൗ​ജ​ന്യ നി​യ​മ​സ​ഹാ​യ​ത്തി​ന് അ​ർ​ഹ​ത​യി​ല്ല. എ​ന്നാ​ൽ, പു​തി​യ സം​വി​ധാ​ന​മ​നു​സ​രി​ച്ച് പ്രാ​ഥ​മി​ക​ഘ​ട്ട​ത്തി​ൽ ആ​ർ​ക്കും സ​ഹാ​യം കി​ട്ടും. തു​ട​ർ​ന്ന് കേ​സ് ന​ട​ത്തു​മ്പോ​ൾ മാ​ത്ര​മെ വ​രു​മാ​ന​പ​രി​ധി​യു​ടെ പ്ര​ശ്ന​മു​ണ്ടാ​വൂ.

നി​ല​വി​ൽ ലീ​ഗ​ൽ സ​ർ​വി​സ​സ് അ​​തോ​റി​റ്റി​യു​ടെ പ്ര​ത്യേ​ക പാ​ന​ലി​ൽ​നി​ന്നു​ള്ള അ​ഭി​ഭാ​ഷ​ക​രാ​ണ് നി​യ​മ​സ​ഹാ​യം ന​ൽ​കാ​റ്. എ​ന്നാ​ൽ, പു​തി​യ സം​വി​ധാ​ന​ത്തി​ൽ ഉ​യ​ർ​ന്ന ശ​മ്പ​ള​ത്തി​ൽ നി​യ​മി​ച്ച കൂ​ടു​ത​ൽ വി​ദ​ഗ്ധ​രാ​യ അ​ഭി​ഭാ​ഷ​ക​രു​ടെ സേ​വ​നം കി​ട്ടു​മെ​ന്ന​താ​ണ് പ്ര​ധാ​ന വ്യ​ത്യാ​സം. ചീ​ഫ് ഡി​ഫ​ൻ​സ് കൗ​ൺ​സ​ലും മൂ​ന്ന് ഡെ​പ്യൂ​ട്ടി ഡി​ഫ​ൻ​സ് കൗ​ൺ​സ​ലും അ​ഞ്ച് അ​സി. ഡി​ഫ​ൻ​സ് കൗ​ൺ​സ​ൽ​മാ​രു​മാ​ണ് ഓ​ഫി​സി​ൽ ഉ​ണ്ടാ​വു​ക.

ആ​ദ്യ​ഘ​ട്ട​ത്തി​ൽ 19 സ്റ്റേ​ഷ​ൻ പ​രി​ധി​യി​ൽ

ലീ​ഗ​ൽ സ​ർ​വി​സ​സ് അ​തോ​റി​റ്റി ജി​ല്ല സെ​ക്ര​ട്ട​റി കൂ​ടി​യാ​യ ജി​ല്ല ജ​ഡ്ജി എം.​പി. ഷൈ​ജ​ലി​ന് കീ​ഴി​ൽ അ​ഡ്വ. പി. ​പീ​താം​ബ​ര​ൻ (ചീ​ഫ് ഡി​ഫ​ൻ​സ് കൗ​ൺ​സ​ൽ), പി. ​ജൂ​ന, എ. ​അ​ൻ​വ​ർ അ​ലി, പി. ​മി​നി (ഡെ​പ്യൂ​ട്ടി ചീ​ഫ് ലീ​ഗ​ൽ എ​യ്ഡ് ഡി​ഫ​ൻ​സ് കൗ​ൺ​സ​ൽ), പി.​കെ. നി​ർ​മ​ല, അ​തു​ല്യ സ​ത്യ​ൻ, എ​ൻ. മു​ഹ​മ്മ​ദ് ആ​ഷി​ഖ്, എം.​കെ. ഷ​റ​ഫു​ദ്ദീ​ൻ, പി.​പി. ധീ​ര​ജ് (അ​സി. ലീ​ഗ​ൽ എ​യ്ഡ് ഡി​ഫ​ൻ​സ് കൗ​ൺ​സ​ൽ) എ​ന്നി​വ​ര​ട​ങ്ങു​ന്ന​താ​ണ് പു​തി​യ എ​ൽ.​എ.​ഡി.​സി സം​വി​ധാ​നം. കോ​ഴി​ക്കോ​ട് സി​റ്റി​യി​ലെ 16 പൊ​ലീ​സ് സ്റ്റേ​ഷ​നി​ലെ​യും കു​ന്ദ​മം​ഗ​ലം മ​ജി​സ്ട്രേ​റ്റ് കോ​ട​തി​ക്ക് കീ​ഴി​ലെ മെ​ഡി​ക്ക​ൽ കോ​ള​ജ്, കു​ന്ദ​മം​ഗ​ലം, മാ​വൂ​ർ എ​ന്നീ മൂ​ന്ന് പൊ​ലീ​സ് സ്റ്റേ​ഷ​നി​ലെ​യും പ​രി​ധി​യി​ലാ​ണ് ആ​ദ്യ​ഘ​ട്ട​ത്തി​ൽ സേ​വ​നം കി​ട്ടു​ക. തു​ട​ർ​ന്ന് ജി​ല്ല മു​ഴു​വ​ൻ പ​ദ്ധ​തി ന​ട​പ്പാ​ക്കും. ഫോ​ൺ: 0495 2927800.