കോ​ഴി​ക്കോ​ട് ബീച്ചിലെ സ്വാതന്ത്ര്യ ചത്വരത്തിന് പുരസ്കാരം

കോ​ഴി​ക്കോ​ട്: ബീ​ച്ചി​ലെ ഫ്രീ​ഡം സ്‌​ക്വ​യ​റി​ന് ഐ.​ഐ.​എ ദേ​ശീ​യ അ​വാ​ര്‍ഡ്. സാ​മൂ​ഹി​ക പ്ര​തി​ബ​ദ്ധ​ത​യു​ള്ള നി​ര്‍മി​തി​ക​ളു​ടെ വി​ഭാ​ഗ​ത്തി​ല്‍ മി​ക​ച്ച രൂ​പ​ക​ൽ​പ​ന​ക്കാ​ണ് അ​വാ​ര്‍ഡ്. വാ​സ്തു​ശി​ല്‍പ മേ​ഖ​ല​യി​ലെ മി​ക​വി​ന് രാ​ജ്യ​ത്തു​ള്ള ഏ​റ്റ​വും മി​ക​ച്ച അം​ഗീ​കാ​ര​മാ​ണ് ഐ.​ഐ.​എ നാ​ഷ​ന​ല്‍ എ​ക്‌​സ​ല​ന്‍സ് അ​വാ​ര്‍ഡ്. ഡീ ​എ​ര്‍ത്ത് ആ​ര്‍ക്കി​ടെ​ക്റ്റ്‌​സി​ന്റെ നേ​തൃ​ത്വ​ത്തി​ല്‍ പി.​പി. വി​വേ​ക്, നി​ഷാ​ന്‍ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ബീ​ച്ചി​ലെ സ്വാ​ത​ന്ത്ര്യ ച​ത്വ​ര​ത്തി​ന്റെ രൂ​പ​ക​ൽ​പ​ന. കി​യാ​ര ലൈ​റ്റി​ങ് ആ​ണ് ലൈ​റ്റി​ങ് ഡി​സൈ​ന​ര്‍.

എ. ​പ്ര​ദീ​പ്കു​മാ​ര്‍, എം.​എ​ൽ.​എ ഫ​ണ്ടി​ല്‍നി​ന്ന് തു​ക വ​ക​യി​രു​ത്തി ഐ.​ഐ.​എ കോ​ഴി​ക്കോ​ട് സെ​ന്റ​റി​ന്റെ പ​ങ്കാ​ളി​ത്ത​ത്തോ​ടെ 2020ലാ​ണ് ബീ​ച്ചി​ല്‍ ഫ്രീ​ഡം സ്‌​ക്വ​യ​ര്‍ നി​ര്‍മാ​ണം പൂ​ര്‍ത്തി​യാ​ക്കി​യ​ത്. പൊ​തു​ജ​ന ന​ന്മ മു​ന്‍നി​ര്‍ത്തി ഐ.​ഐ.​എ കാ​ലി​ക്ക​റ്റ് സെ​ന്റ​ര്‍ സ​ഹ​ക​രി​ച്ച് ന​ഗ​ര​ത്തി​ല്‍ ന​ട​പ്പാ​ക്കി​യ നി​ര​വ​ധി പ​ദ്ധ​തി​ക​ളി​ല്‍ ഒ​ന്നാ​ണ് ഫ്രീ​ഡം സ്‌​ക്വ​യ​ര്‍. അ​ക്ഷ​രാ​ർ​ഥ​ത്തി​ലും പ്ര​തീ​കാ​ത്മ​ക​മാ​യും ഒ​രു നാ​ടി​ന്റെ​യും അ​വി​ട​ത്തെ ജ​ന​ങ്ങ​ളു​ടെ​യും മൂ​ല്യ​ങ്ങ​ള്‍ ഉ​യ​ര്‍ത്തി​പ്പി​ടി​ക്കു​ന്ന​താ​ണ് ഫ്രീ​ഡം സ്ക്വ​യ​റെ​ന്നും പ്രാ​ദേ​ശി​ക നി​ര്‍മാ​ണ വ​സ്തു​ക്ക​ള്‍ പ​ര​മാ​വ​ധി പ്ര​യോ​ജ​ന​പ്പെ​ടു​ത്തി​യു​ള്ള ജ​ന​ങ്ങ​ള്‍ക്കാ​യു​ള്ള നി​ര്‍മി​തി​യാ​ണി​തെ​ന്നും ജൂ​റി വി​ല​യി​രു​ത്തി.

പൊ​തു​സ്ഥ​ല​ത്തെ മി​ക​ച്ച ഡി​സൈ​നി​നു​ള്ള ട്രെ​ന്‍ഡ്‌​സ് അ​വാ​ര്‍ഡി​നും പൊ​തു​സ്ഥ​ല​ത്തെ മി​ക​ച്ച ലാ​ന്‍ഡ്‌​സ്‌​കേ​പ് പ്രോ​ജ​ക്ടി​നു​ള്ള ഓ​ള്‍ ഇ​ന്ത്യ സ്‌​റ്റോ​ണ്‍ ആ​ര്‍കി​ടെ​ക്ച​ര്‍ അ​വാ​ര്‍ഡും നേ​ര​ത്തേ ഫ്രീ​ഡം സ്‌​ക്വ​യ​റി​നെ തേ​ടി​യെ​ത്തി​യി​ട്ടു​ണ്ട്. കേ​ര​ള​ത്തി​ലെ ഏ​റ്റ​വും സ​ജീ​വ​മാ​യ പൊ​തു​യി​ട​ങ്ങ​ളി​ലൊ​ന്നാ​ണ് ഇ​ന്ന് ഫ്രീ​ഡം സ്‌​ക്വ​യ​ര്‍. ലി​റ്റ​റേ​ച്ച​ര്‍ ഫെ​സ്റ്റി​വ​ലി​ന്റെ സ്ഥി​രം വേ​ദി കൂ​ടി​യാ​ണ് ഇ​വി​ടം. ആ​ര്‍ക്കി​ടെ​ക്ച​ര്‍ ഡി​സൈ​ന്‍ ഡോ​ട്ട് ഇ​ന്‍ വ​ഴി ലോ​ക​ത്തി​ലെ ഒ​മ്പ​ത് അ​ര്‍ബ​ന്‍ മ്യൂ​സി​യ​ങ്ങ​ളി​ലൊ​ന്നാ​യി ഫ്രീ​ഡം സ്‌​ക്വ​യ​ര്‍ തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ണ്ട്.