പഴം, പച്ചക്കറി മാർക്കറ്റ് ഉടൻ യാഥാർഥ്യമാകും; സ്ഥലമേറ്റെടുക്കാൻ 13 കോടി

കോഴിക്കോട്: നഗരത്തിൽ പുതിയ പഴം, പച്ചക്കറി മാർക്കറ്റ് യാഥാർഥ്യമാക്കാനുള്ള സ്ഥലം ഏറ്റെടുക്കാൻ 13 കോടി രൂപ നഗരസഭ അനുവദിച്ചു. ഇതോടെ സ്വകാര്യ പങ്കാളിത്തത്തോടെയുള്ള മാർക്കറ്റ് നിർമാണം പെട്ടെന്ന് പൂർത്തിയാക്കാനാവുമെന്ന പ്രതീക്ഷയുയർന്നു. കോർപറേഷൻ സ്ഥലമേറ്റെടുത്ത് നൽകണമെന്നാണ് കരാർവ്യവസ്ഥയെന്ന് ഡെപ്യൂട്ടി മേയർ സി.പി. മുസഫർ അഹമ്മദ് പറഞ്ഞു.

കല്ലുത്താൻകടവിൽ മാർക്കറ്റ് ഷോപ്പിങ് കോംപ്ലക്സ് നിർമിക്കുന്നതിന് ഭൂമി ഏറ്റെടുക്കാനായി 20,20,04,807 രൂപ അടിയന്തരമായി വേണമെന്നാവശ്യപ്പെട്ട് എൽ.എ തഹസിദാർ കോർപറേഷനെ സമീപിച്ചിരുന്നു. തുക അനുവദിക്കാൻ കോർപറേഷൻ സർക്കാറിനെ സമീപിച്ചെങ്കിലും നടപടിയായില്ല.

ഈ സാഹചര്യത്തിൽ നഗരസഭയുടെ ഓൺഫണ്ടിൽനിന്ന് 13 കോടി രൂപ അനുവദിക്കുകയായിരുന്നു. ബാക്കി തുക ധനകാര്യസ്ഥപനങ്ങളിൽനിന്ന് വായ്പ എടുക്കാനും കോർപറേഷൻ തീരുമാനിച്ചു. ഷോപ്പിങ് കോംപ്ലക്സ് നിർമാണത്തിന് 1.79 സെൻറ് ഏറ്റെടുക്കുന്നതിന് നഗരസഭ നേരത്തേ തീരുമാനിച്ചിരുന്നു. ഇതിന് സർക്കാർ അനുമതി നൽകിയതാണ്. ഏറ്റെടുക്കേണ്ട ഭൂമിക്ക് സെൻറിന് 4,67,725 രൂപ നിശ്ചയിച്ച് അന്ന് ജില്ല കലക്ടർ ഉത്തരവും പുറപ്പെടുവിച്ചിരുന്നു.

മാ​ർ​ക്ക​റ്റ് വരുന്നത് പ​ഴ​യ ക​ല്ലു​ത്താ​ൻ​ക​ട​വ്​ കോ​ള​നി പ്ര​ദേ​ശം​

ന​ഗ​ര​ത്തി​ലെ ഏ​റ്റ​വും വ​ലി​യ ചേ​രി​ക​ളി​ലൊ​ന്നാ​യി​രു​ന്ന ക​ല്ലു​ത്താ​ൻ​ക​ട​വ്​ കോ​ള​നി​യി​ലെ കു​ടി​ലു​ക​ൾ പൊ​ളി​ച്ചു​മാ​റ്റി​യ സ്​​ഥ​ല​ത്ത്​ ബി.​ഒ.​ടി പ​ദ്ധ​തി​പ്ര​കാ​രം പ​ഴം, പ​ച്ച​ക്ക​റി മാ​ർ​ക്ക​റ്റി​ന്​ സ്​​ഥ​ല​മൊ​രു​ക്കാ​നാ​ണ്​ മൂ​ന്ന്​ കൊ​ല്ലം മു​മ്പ്​ ത​റ​ക്ക​ല്ലി​ട്ട​ത്. ക​ല്ലു​ത്താ​ൻ​ക​ട​വ്​ ഫ്ലാ​റ്റ്​ സ​മു​ച്ച​യം ഉ​ദ്​​ഘാ​ട​ന​സ​മ​യ​ത്ത്​ ത​ന്നെ പു​തി​യ മാ​ർ​ക്ക​റ്റി​നും ത​റ​ക്ക​ല്ലി​ട്ടി​രു​ന്നു. കോ​ള​നി​വാ​സി​ക​ൾ​ക്ക്​ 1.84 ഏ​ക്ക​റി​ൽ 6905 ച​തു​ര​ശ്ര​മീ​റ്റ​റി​ൽ എ​ട്ട്​ നി​ല​ക​ളി​ൽ 12 കോ​ടി​യോ​ളം രൂ​പ ചെ​ല​വി​ലു​ള്ള​ ഭ​വ​ന​സ​മു​ച്ച​യം പ​ണി​ത​തി​ന്‍റെ പി​റ​കെ ര​ണ്ട്​ ല​ക്ഷം ച​തു​ര​ശ്ര അ​ടി​യി​ൽ 52 കോ​ടി ചെ​ല​വി​ൽ അ​ന്താ​രാ​ഷ്​​ട്ര നി​ല​വാ​ര​മു​ള്ള പ​ഴം, പ​ച്ച​ക്ക​റി മാ​ർ​ക്ക​റ്റ്​ സ്​​ഥാ​പി​ക്കു​മെ​ന്നാ​യി​രു​ന്നു അ​ന്ന​ത്തെ പ്ര​ഖ്യാ​പ​നം. പു​റം സം​സ്ഥാ​ന​ങ്ങ​ളി​ല്‍നി​ന്ന് ഉ​ള്‍പ്പെ​ടെ പ​ച്ച​ക്ക​റി എ​ത്തു​ന്ന മാ​ര്‍ക്ക​റ്റ് എ​ന്ന പ്രാ​ധാ​ന്യം ക​ണ​ക്കി​ലെ​ടു​ത്ത് സ​മ​യ​ബ​ന്ധി​ത​മാ​യി മാ​ര്‍ക്ക​റ്റി​ന്‍റെ പ​ണി പൂ​ര്‍ത്തി​യാ​ക്കു​മെ​ന്നും ഉ​ദ്​​ഘാ​ട​ന​ച്ച​ട​ങ്ങി​ൽ പ്ര​ഖ്യാ​പ​ന​മു​ണ്ടാ​യി​രു​ന്നു.