ഗ്യാസ്​ പൈപ്പിടൽ; മാവൂർ റോഡിൽ പ്രശ്നങ്ങൾ തുടരുന്നു

കോ​ഴി​ക്കോ​ട്​: വീ​ടു​ക​ൾ​ക്കും വ​ണ്ടി​ക​ൾ​ക്കും വ്യ​വ​സാ​യ സ്ഥാ​പ​ന​ങ്ങ​ൾ​ക്കും പ്ര​കൃ​തി​വാ​ത​കം എ​ത്തി​ക്കാ​നു​ള്ള സി​റ്റി ഗ്യാ​സ് പ​ദ്ധ​തി​യു​ടെ ഭാ​ഗ​മാ​യി ന​ഗ​ര​ത്തി​ലെ ഏ​റ്റ​വും തി​ര​ക്കേ​റി​യ മാ​വൂ​ർ റോ​ഡി​ൽ ഇ​ന്ത്യ​ൻ ഓ​യി​ൽ അ​ദാ​നി ഗ്യാ​സ് ക​മ്പ​നി മേ​ൽ​നോ​ട്ട​ത്തി​ലു​ള്ള പൈ​പ്പി​ട​ൽ അ​വ​സാ​ന ഘ​ട്ട​ത്തി​ലെ​ത്തി​യെ​ങ്കി​ലും കു​ഴി​ക​ളെ​ടു​ത്ത ഭാ​ഗം പൂ​ർ​ണ​മാ​യി മൂ​ടാ​ത്ത​ത് പ്ര​ശ്ന​മാ​വു​ന്നു. കെ.​എ​സ്.​ആ​ർ.​ടി.​സി​ക്ക​ടു​ത്തും മാ​വൂ​ർ റോ​ഡ്-​രാ​ജാ​ജി റോ​ഡ് ജ​ങ്ഷ​നി​ലു​മെ​ല്ലാം കു​ഴി​ക​ളെ​ടു​ത്ത ഭാ​ഗം മൂ​ടി​യി​ട്ടി​ല്ല. ഈ ​ഭാ​ഗ​ങ്ങ​ളി​ലെ ​മു​ന്ന​റി​യി​പ്പ് ബോ​ർ​ഡു​ക​ളും ത​ട​സ്സ​ങ്ങ​ളും എ​ടു​ത്തു​മാ​റ്റി​യ​തി​നാ​ൽ വാ​ഹ​ന​ങ്ങ​ൾ​ക്കും കാ​ൽ​ന​ട​ക്കാ​ർ​ക്കും ഭീ​ഷ​ണി​യു​ണ്ട്. മാ​വൂ​ർ റോ​ഡി​ൽ അ​ര​യി​ട​ത്തു​പാ​ല​ത്തി​നും ബാ​ങ്ക് റോ​ഡ് ജ​ങ്ഷ​നു​മി​ട​യി​ൽ ഇ​നി പൈ​പ്പു​ക​ൾ​ക്കി​ട​യി​ൽ ഓ​രോ കി​​ലോ​മീ​റ്റ​റി​ലും ബ​ന്ധി​പ്പി​ക്കേ​ണ്ട ​ജോ​ലി​യും ചേം​ബ​റു​ക​ളു​ടെ നി​ർ​മാ​ണ​വു​മാ​ണ് ബാ​ക്കി​യു​ള്ള​തെ​ന്ന് ഗ്യാ​സ് ക​മ്പ​നി അ​ധി​കൃ​ത​ർ അ​റി​യി​ച്ചു.

ഈ​യാ​ഴ്ച​ത​ന്നെ ​റോ​ഡ് ടാ​റി​ട​ൽ തു​ട​ങ്ങും. മാ​വൂ​ർ റോ​ഡി​നും ​മെ​ഡി​ക്ക​ൽ കോ​ള​ജി​നു​മി​ട​യി​ൽ പ്ര​സ​ന്റേ​ഷ​ൻ സ്കൂ​ൾ മു​ത​ൽ മെ​ഡി​ക്ക​ൽ കോ​ള​ജ് വ​രെ ഒ​ന്ന​ര കി​ലോ​മീ​റ്റ​റോ​ളം പൈ​പ്പി​ടാ​നു​ണ്ട്. കോ​വൂ​ർ-​വെ​ള്ളി​മാ​ട്കു​ന്ന് റോ​ഡി​ലും 1.2 കി​ലോ​മീ​റ്റ​റോ​ളം പൈ​പ്പി​ടാ​നു​ണ്ട്. മാ​വൂ​ർ റോ​ഡി​ൽ ക​നോ​ലി ക​നാ​ലി​ന​ടി​യി​ലൂ​ടെ​യു​ള്ള പൈ​പ്പി​ട​ൽ ക​നാ​ൽ സി​റ്റി പ​ദ്ധ​തി​യു​ടെ പ്ലാ​ൻ​കൂ​ടി ല​ഭി​ച്ച​ശേ​ഷ​മേ പൂ​ർ​ത്തി​യാ​വു​ള്ളൂ.

ക​നോ​ലി ക​നാ​ലി​ന​ടി​യി​ലൂ​ടെ​യാ​ണ് പൈ​പ്പ് ലൈ​ൻ മു​റി​ച്ചു​ക​ട​ക്കു​ക. ​ജ​ല​നി​ര​പ്പി​നും ആ​റു മീ​റ്റ​റോ​ളം താ​ഴ്ച​യി​ലാ​ണ് പൈ​പ്പ് ക​ട​ന്നു​പോ​വു​ക. ക​നാ​ലി​ന​ടി​യി​ലൂ​ടെ മേ​ൽ​പാ​ല​ത്തി​ന​ടി​യി​ൽ ക​യ​റും​വി​ധ​മാ​ണ് പൈ​പ്പ് സ്ഥാ​പി​ക്കു​ക. ക​നാ​ൽ ജ​ല​സേ​ച​ന വ​കു​പ്പി​നു കീ​ഴി​ലാ​യ​തി​നാ​ൽ അ​വ​രു​ടെ അ​നു​മ​തി കി​ട്ടി​യ​ശേ​ഷ​മേ വെ​ള്ള​ത്തി​ലു​ള്ള പ​ണി തു​ട​ങ്ങാ​നാ​വൂ. ക​ല്ലു​ത്താ​ൻ​ക​ട​വി​ലും ഈ ​വി​ധം ക​നാ​ൽ മു​റി​ച്ചു​ക​ട​ക്ക​ണം. ഉ​ണ്ണി​കു​ളം പ​ഞ്ചാ​യ​ത്തി​ലാ​ണ് പ​ദ്ധ​തി ഇ​പ്പോ​ൾ ആ​രം​ഭി​ച്ച​ത്. അ​വി​ടെ​നി​ന്ന് പൂ​നൂ​ർ, താ​മ​ര​ശ്ശേ​രി ചു​ങ്കം, കൊ​ടു​വ​ള്ളി, കു​ന്ദ​മം​ഗ​ലം വ​ഴി വെ​ള്ളി​മാ​ട്കു​ന്ന് കോ​വൂ​രി​ലേ​ക്കാ​ണ് ന​ഗ​ര​ത്തി​ലേ​ക്കു​ള്ള പൈ​പ്പ് ലൈ​ൻ വ​രു​ക. കോ​വൂ​രി​ൽ​നി​ന്ന് ഒ​രു ലൈ​ൻ മെ​ഡി​ക്ക​ൽ കോ​ള​ജ് ഭാ​ഗ​ത്തേ​ക്കും മ​റ്റൊ​ന്ന് അ​ര​യി​ട​ത്തു​പാ​ല​ത്തേ​ക്കും കൊ​ണ്ടു​വ​രു​ക​യാ​ണ് പ​ദ്ധ​തി. ഇ​തി​ന്റെ ഭാ​ഗ​മാ​യു​ള്ള പ​ണി​യാ​ണ് മാ​വൂ​ർ റോ​ഡി​ൽ ന​ട​ക്കു​ന്ന​ത്. മി​നി ബൈ​പാ​സ് വ​ഴി നാ​ലി​ഞ്ചും മാ​വൂ​ർ റോ​ഡ് വ​ഴി എ​ട്ടി​ഞ്ചും പൈ​പ്പു​ക​ളാ​ണ് സ്ഥാ​പി​ക്കു​ന്ന​ത്. കു​ഴി​യെ​ടു​ത്ത് റോ​ഡ് തു​ര​ന്ന് അ​തി​ന​ടി​യി​ലൂ​ടെ പൈ​പ്പ് കൊ​ണ്ടു​പോ​വു​ക​യാ​ണ് ചെ​യ്യു​ന്ന​ത്. ന​ഗ​ര​ത്തി​ൽ വീ​ടു​ക​ളി​ൽ ലൈ​ൻ എ​ത്തി​ക്കു​ന്ന​തി​ന്റെ ഭാ​ഗ​മാ​യി സ്റ്റീ​ൽ പൈ​പ്പു​ക​ളി​ൽ​നി​ന്ന് വീ​ടു​ക​ളി​ലേ​ക്ക് ഗ്യാ​സ് മാ​റു​ന്ന​തി​നു​ള്ള ഡി​സ്ട്രി​ക്ട് റെ​ഗു​ലേ​റ്റി​ങ് സ്റ്റേ​ഷ​നു​ക​ൾ ആ​റി​ട​ത്ത് സ്ഥാ​പി​ക്കാ​ൻ കോ​ർ​പ​റേ​ഷ​ൻ അ​നു​മ​തി ന​ൽ​കി​യി​ട്ടു​ണ്ട്.