അടച്ചിട്ട വീടുകളിൽ നിന്ന്​ 28 പവൻ സ്വർണവും പണവും കവർന്നു

വെള്ളിമാട്​കുന്ന്​: ചെലവൂർ കോണോട്ട്​ അടച്ചിട്ട വീടുകളിൽ മോഷണം. പുത​ിശ്ശേരി കൊളപ്പാത്ത്​ കുനിയാടത്ത്​ സുരേഷ്​ ബാബുവി​െൻറ വീട്ടിൽനിന്ന്​ 25 പവൻ സ്വർണവും 10,000 രൂപയും കുനിയാടത്ത് നസീറയുടെ വീട്ടിൽനിന്ന്​ മൂന്നു പവൻ സ്വർണവും 10000 രൂപയും നഷ്​ടമായി. സമീപ​െത്ത രണ്ടു വീടുകളിലും മോഷ്​ടാവ്​ എത്തി. ​തിങ്കളാഴ്​ച അർധരാത്രിക്കുശേഷമാണ്​ മോഷണം നടന്നത്​.

ഇരു വീടുകളുടെയും മുൻവാതിൽ പൂട്ടി​െൻറ വശത്തെ മരം പൊളിച്ചാണ്​ മോഷ്​ടാവ്​ അകത്തുകടന്നത്​. സുരേഷ്​ ബാബുവി​െൻറ വീട്ടിലെ രണ്ട്​ അലമാരകൾ കുത്തിപ്പൊളിച്ചാണ്​ ആഭരണങ്ങളും പണവും മോഷ്​ടിച്ചത്​. നസീറയു​െട വീട്ടിലെ അലമാരയും തകർത്താണ്​ മോഷണം. നസീറ മകളുടെ വീട്ടിൽ പോയതായിരുന്നു. സുരേഷ്​ ബാബു കോവിഡ്​ബാധയെ തുടർന്ന്​ എൻ.ഐ.ടി എഫ്​.എൽ.ടി.സി സെൻററിലാണ്​. -

സ​ുരേഷ്​ ബാബുവി​െൻറ സഹോദരൻ മരിച്ചതിനാൽ തൊട്ടു മുന്നിലുള്ള വീട്ടിലായിരുന്നു കുടുംബാംഗങ്ങൾ. രാത്രി 11 മണിക്കാണ്​ എല്ലാവരും കിടന്നത്​. സുരേഷ്​ ബാബുവി​െൻറ പെൺമക്കളുടെ ആഭരണങ്ങളാണ്​ നഷ്​ടമായത്​. രണ്ടാമത്തെ മകളുടെ വിവാഹ നിശ്ചയമായിരുന്നു കഴിഞ്ഞമാസം 13ന്​. ചേവായൂർ പൊലീസ്​ ഇൻസ്​പെക്​ടർ ടി.പി. ശ്രീജിത്ത്​, എസ്​.ഐ സുരേഷ്​കുമാർ വിരലടയാള വിദഗ്​ധൻ എസ്​.വി. വത്സരാജ്​, ഡോഗ്​ സ്​ക്വാഡ്​ സംഘം എന്നിവർ സ്​ഥലം പരിശോധിച്ച്​ തെളിവെടുത്തു.