മൊഫ്യൂസിൽ സ്റ്റാൻഡിനകത്തും വഴിയിലും കച്ചവടം തകൃതി, വലഞ്ഞ് യാത്രക്കാർ

കോ​ഴി​ക്കോ​ട്: മൊ​ഫ്യൂ​സി​ൽ ബ​സ്​ സ്റ്റാ​ൻ​ഡി​ന​ക​ത്തും സ്റ്റാ​ൻ​ഡി​ലേ​ക്കു​ള്ള വ​ഴി​യും കൈ​യേ​റി​യു​ള്ള ക​ച്ച​വ​ടം യാ​ത്ര​ക്കാ​ർ​ക്ക്​ ദു​രി​ത​മാ​കു​ന്നു. ന​ഗ​ര​ത്തി​ലെ ഏ​റ്റ​വും തി​ര​ക്കേ​റി​യ സ്റ്റാ​ൻ​ഡി​ലേ​ക്കു​ള്ള വ​ഴി​ക​ളി​ൽ ഭൂ​രി​ഭാ​ഗ​വും ക​ച്ച​വ​ട​ക്കാ​ർ കൈ​യേ​റി​യ​തു​മൂ​ലം യാ​ത്ര​ക്കാ​ർ ബു​ദ്ധി​മു​ട്ടു​ന്ന അ​വ​സ്ഥ​യി​ലാ​ണ്.

ഇ​പ്പോ​ൾ​ത്ത​ന്നെ തി​ര​ക്കു​കൊ​ണ്ട് ശ്വാ​സം​മു​ട്ടു​ന്ന സ്റ്റാ​ൻ​ഡി​ക​ത്ത് അ​ന​ധി​കൃ​ത ക​ച്ച​വ​ടം കൂ​ടി​യാ​കു​ന്ന​തോ​ടെ നി​ന്നു​തി​രി​യാ​ൻ ഇ​ട​മി​ല്ലാ​ത്ത അ​വ​സ്ഥ​യാ​ണ്. സ്കൂ​ളു​ക​ൾ തു​റ​ക്കു​ക​യും മ​ഴ പെ​യ്യു​ക​യും കൂ​ടി ചെ​യ്യു​ന്ന​തോ​ടെ യാ​ത്ര​ക്കാ​രു​ടെ ബു​ദ്ധി​മു​ട്ട് ഇ​ര​ട്ടി​യാ​കും.

മാ​വൂ​ർ റോ​ഡി​ലെ ബ​സ് ബേ​യി​ൽ​നി​ന്ന് സ്റ്റാ​ൻ​ഡി​ന​ക​ത്തേ​ക്കു​ള്ള വ​ഴി​യി​ൽ വാ​ച്ച് ക​ച്ച​വ​ട​ത്തി​ര​ക്കാ​ണ്. ബ​സ് ബേ​യി​ൽ യാ​ത്ര​ക്കാ​ർ​ക്കി​രി​ക്കാ​നു​ള്ള ഇ​ട​വും ക​ച്ച​വ​ട​ക്കാ​ർ കൈ​യേ​റി​യി​രി​ക്കു​ന്നു. ബ​സ് ബേ​യു​ടെ പി​റ​കു​വ​ശ​ത്താ​ണെ​ങ്കി​ൽ ചെ​രി​പ്പു​കു​ത്തി​ക​ളു​ടെ തി​ര​ക്കാ​ണ്. ഇ​തി​നി​ട​യി​ലൂ​ടെ ഞെ​രു​ങ്ങി വേ​ണം യാ​ത്ര​ക്കാ​ർ​ക്ക് സ​ഞ്ച​രി​ക്കാ​ൻ.

തി​ര​ക്ക് ഏ​റെ കൂ​ടു​ത​ലു​ള്ള വൈ​കു​ന്നേ​ര​ങ്ങ​ളി​ൽ ബ​സി​നു​വേ​ണ്ടി ഇ​റ​ങ്ങി​യോ​ടു​ന്ന ദീ​ർ​ഘ​ദൂ​ര യാ​ത്ര​ക്കാ​രു​ടെ ശ​രീ​ര​ഭാ​ഗ​ങ്ങ​ൾ ത​ട്ടി സാ​ധ​ന​ങ്ങ​ൾ വീ​ഴു​ന്ന​തും യാ​ത്ര​ക്കാ​രു​മാ​യി ക​ച്ച​വ​ട​ക്കാ​ർ ക​ശ​പി​ശ​യു​ണ്ടാ​കു​ന്ന​തും പ​തി​വാ​ണ്. രാ​ജാ​ജി റോ​ഡി​ൽ​നി​ന്ന് പു​തി​യ സ്റ്റാ​ൻ​ഡി​ലേ​ക്ക് ക‍യ​റു​ന്ന വ​ഴി​യി​ൽ നി​റ​യെ പ്ലാ​സ്റ്റി​ക് ചാ​ക്ക് ശേ​ഖ​ര​മാ​ണ്.

സ്റ്റാ​ൻ​ഡി​ന​ക​ത്തു​നി​ന്നും മ​റ്റും ശേ​ഖ​രി​ക്കു​ന്ന പ്ലാ​സ്റ്റി​ക് കു​പ്പി​ക​ളും മ​റ്റു സാ​ധ​ന​ങ്ങ​ളും വ​ലി​യ പ്ലാ​സ്റ്റി​ക് ചാ​ക്കു​ക​ളി​ലാ​ക്കി സൂ​ക്ഷി​ച്ചി​രി​ക്കു​ക​യാ​ണ്. ആ​ഴ്ച​യി​ലൊ​രി​ക്ക​ലാ​ണ് ഇ​വി​ടെ​നി​ന്ന് ചാ​ക്കു​ക​ൾ മാ​റ്റു​ന്ന​തെ​ന്ന് സൂ​ക്ഷി​പ്പു​കാ​ര​ൻ പ​റ​യു​ന്നു.

ഇ​തെ​ല്ലാം ക​ഴി​ഞ്ഞ് സ്റ്റാ​ൻ​ഡി​ന​ക​ത്ത് ക​യ​റി​യാ​ലോ, മാ​ർ​ക്ക​റ്റു​ക​ളെ വെ​ല്ലു​ന്ന​താ​ണ് കാ​ഴ്ച. ച​ന്ത​പോ​ലെ ക​ച്ച​വ​ടം പൊ​ടി​പൊ​ടി​ക്കു​ക​യാ​ണ്. നേ​ര​ത്തേ പ​ത്ര​ങ്ങ​ളും മാ​സി​ക​ക​ളും മാ​ത്രം ക​ച്ച​വ​ടം ന​ട​ത്തി​യി​രു​ന്നി​ട​ത്ത് ഇ​ന്ന് ഇ​ല്ലാ​ത്ത ക​ച്ച​വ​ട​ങ്ങ​ളൊ​ന്നു​മി​ല്ല. സോ​പ്പ്, ചീ​ർ​പ്പ്, ക​ണ്ണാ​ടി, മാ​ല, വ​ള, ഷ​ർ​ട്ട്, ചു​രി​ദാ​ർ, മ​റ്റു തു​ണി​ത്ത​ര​ങ്ങ​ൾ തു​ട​ങ്ങി എ​ല്ലാ ക​ച്ച​വ​ട​വു​മു​ണ്ട്. ചി​ല ക​ട​ക്കാ​ർ യാ​ത്ര​ക്കാ​ർ​ക്ക്​ ന​ട​ക്കാ​നു​ള്ള ഭാ​ഗം കൈ​യേ​റി സാ​ധ​ന​ങ്ങ​ൾ ഇ​റ​ക്കി​വെ​ച്ചി​രി​ക്കു​ന്നു.

യാ​ത്ര​ക്കാ​ർ​ക്കു​ള്ള വ​ഴി​ക​ളി​ൽ ബ​സു​ക​ളി​ൽ ക​യ​റ്റി​യ​യ​ക്കാ​നു​ള്ള പാ​ർ​സ​ലു​ക​ൾ കൂ​ടി​യാ​കു​മ്പോ​ൾ ദു​രി​തം ഇ​ര​ട്ടി​യാ​കു​ന്നു. സ്കൂ​ളു​ക​ൾ തു​റ​ന്ന് വി​ദ്യാ​ർ​ഥി​ക​ളു​ടെ തി​ര​ക്കു​കൂ​ടി​യാ​കു​ന്ന​തോ​ടെ സ്റ്റാ​ൻ​ഡി​ലെ തി​ര​ക്ക് വ​ർ​ധി​ക്കും. അ​ന​ധി​കൃ​ത ക​ച്ച​വ​ട​ങ്ങ​ൾ ത​ട​യാ​ൻ അ​ധി​കൃ​ത​രു​ടെ ഭാ​ഗ​ത്തു​നി​ന്ന് അ​ടി​യ​ന്ത​ര ശ്ര​ദ്ധ പ​തി​യ​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം.