ആവിക്കൽതോട് നവീകരണം ഉടൻ തുടങ്ങാൻ നിർദേശം

കോ​ഴി​ക്കോ​ട്: ആ​വി​ക്ക​ൽതോ​ട് ആ​ഴംകൂ​ട്ടി ന​വീ​ക​രി​ക്കാ​നു​ള്ള പ​ദ്ധ​തി​യു​ടെ ഭാ​ഗ​മാ​യി ക​രാ​റു​കാ​ർ​ക്ക് സ​ർ​വേ ന​ട​പ​ടി​ക​ൾ തു​ട​ങ്ങാ​ൻ പൊ​ലീ​സ് സ​ഹാ​യം ന​ൽ​കാ​ൻ ജി​ല്ല ക​ല​ക്ട​റു​ടെ നി​ർ​ദേ​ശം.

മേ​യ് 31ന് ​സ​ർ​വേ ന​ട​പ​ടി​ക​ൾ​ക്കാ​യി ക​രാ​റു​കാ​ർ എ​ത്തി​യ​പ്പോ​ൾ നാ​ട്ടു​കാ​ർ ത​ട​ഞ്ഞ​തി​നെ തു​ട​ർ​ന്നാ​ണ് ന​ട​പ​ടി. കാ​ല​വ​ർ​ഷം ശ​ക്ത​മാ​വു​ന്ന​തി​ന് മു​മ്പ് തോട് നവീകരണം ആ​രം​ഭി​ക്കാ​നാ​ണ് തീ​രു​മാ​നം. ഇ​തി​നാ​യി ക​രാ​റു​കാ​രാ​യ ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് സൊ​സൈ​റ്റി ജീ​വ​ന​ക്കാ​ർ മാ​ലി​ന്യം നീ​ക്കു​ന്ന​തി​നെ​പ്പ​റ്റി​യു​ള്ള സ​ർ​വേ ന​ട​ത്താ​ൻ എ​ത്തി​യി​രു​ന്നു​വെ​ങ്കി​ലും നാ​ട്ടു​കാ​ർ ത​ട​യു​ക​യാ​യി​രു​ന്നു.

ആ​വി​ക്ക​ൽ തോ​ട് സം​ര​ക്ഷി​ക്കു​ന്ന​തി​നും ആ​ഴംകൂ​ട്ടു​ന്ന​തി​നു​മു​ള്ള പ​ദ്ധ​തി​ക്കാ​ണ് ഭ​ര​ണാ​നു​മ​തി ല​ഭി​ച്ച​ത്. മാ​ലി​ന്യ​ങ്ങ​ൾ നീ​ക്കി​യി​ല്ലെ​ങ്കി​ൽ പ്ര​ദേ​ശ​ത്ത് ഒ​ഴു​ക്ക​ട​ഞ്ഞ് വെ​ള്ള​ക്കെ​ട്ടു​ണ്ടാ​വു​മെ​ന്ന സ്ഥി​തി​യു​ണ്ട്. ഈ ​ഭാ​ഗം സ്ഥി​ര​മാ​യി വെ​ള്ള​ക്കെ​ട്ടു​ണ്ടാ​വു​ന്ന മേ​ഖ​ല​യാ​ണ്. തോ​ട്ടി​ലെ മാ​ലി​ന്യ​മ​ട​ങ്ങി​യ മ​ണ്ണ് ത​ന്നെ ഒ​ന്നാ​യി നീ​ക്കേ​ണ്ട​തു​ണ്ട്. ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പി​ന്റെ നേ​തൃ​ത്വ​ത്തി​ലാ​ണ് പ്ര​വൃ​ത്തി ആ​രം​ഭി​ക്കു​ക.

തോ​ട്ട​ത്തി​ൽ ര​വീ​ന്ദ്ര​ൻ എം.​എ​ൽ.​എ.​യു​ടെ ഫ​ണ്ടി​ൽ​നി​ന്ന് അ​ഞ്ച് കോ​ടി അ​നു​വ​ദി​ച്ച​തി​ൽ ഒ​രു​കോ​ടി​യി​ലേ​റെ ചെ​ല​വി​ട്ടാ​ണ് തോ​ട് ന​ന്നാ​ക്കു​ന്ന​ത്. തോ​ടി​ന്റെ മൂ​ന്ന് കൈ​വ​ഴി​ക​ളും ആ​ഴം കൂ​ട്ടും. ആ​വി​ക്ക​ൽ തോ​ടി​ന്റെ ക​ര​യി​ൽ കോ​ർ​പ​റേ​ഷ​ൻ അ​മൃ​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി​യു​ള്ള മ​ലി​ന​ജ​ല സം​സ്ക​ര​ണ പ്ലാ​ന്റ് നി​ർ​മാ​ണം ജ​ന​ങ്ങ​ളു​ടെ എ​തി​ർ​പ്പ് കാ​ര​ണം ഇ​പ്പോ​ഴും തു​ട​ങ്ങാ​നാ​യി​ട്ടി​ല്ല.

മ​ലി​ന​ജ​ല സം​സ്ക​ര​ണ പ്ലാ​ന്റി​ന്റെ ഭാ​ഗ​മാ​യാ​ണ് ഇ​പ്പോ​ൾ തോ​ട് ന​വീ​ക​ര​ണ​മെ​ന്ന് ആ​രോ​പി​ച്ചാ​ണ് സ​ർ​വേ ക​ഴി​ഞ്ഞ ദി​വ​സം ത​ട​ഞ്ഞ​ത്. എ​ന്നാ​ൽ, തോ​ട് വൃ​ത്തി​യാ​ക്കി അ​രി​കു​കെ​ട്ടി വൃ​ത്തി​യാ​ക്കു​ന്ന​ത് മ​റ്റൊ​രു പ​ദ്ധ​തി​യാ​ണെ​ന്ന് അ​ധി​കൃ​ത​ർ അ​റി​യി​ച്ചു.