കാക്ക രഞ്​ജിത്ത്:​ കള്ളക്കടത്ത്​ സ്വർണം കവർന്നതുൾ​പ്പെടെ മുപ്പതോളം കേസിലെ പ്രതി

കോഴിക്കോട്​: കഴിഞ്ഞ ദിവസം അറസ്​റ്റിലായ കാക്ക രഞ്​ജിത്ത്​ കള്ളക്കടത്ത്​ സ്വർണം കവരൽ, ഹവാല-കുഴല്‍പണ കടത്ത്, ഭീഷണിപ്പെടുത്തി പണം അപഹരിക്കല്‍, വധശ്രമം എന്നിങ്ങനെ മുപ്പതോളം കേസുകളിലെ പ്രതി. കോഴിക്കോട്, കണ്ണൂര്‍, മലപ്പുറം ജില്ലകളിലെ വിവിധ സ്‌റ്റേഷനുകളില്‍ പിടികിട്ടാപുള്ളിയായി പ്രഖ്യാപിച്ച ​ഒളവണ്ണ മംഗലോളി വീട്ടില്‍ രഞ്ജിത്ത് ജാമ്യത്തിലിറങ്ങി വിവിധയിടങ്ങളിൽ ഒളിവില്‍ കഴിയുകയായിരുന്നു.

കല്ലാറിനടുത്തുള്ള റിസോർട്ടിൽനിന്ന്​ വിതുര പൊലീസാണ്​ രഞ്​ജിത്തിനെയും കൂട്ടാളികളെയും അറസ്​റ്റ്​ ചെയ്​തത്​. പിടിയിലായ ഉടൻ കോഴിക്കോട്​ ഡി.സി.പി എസ്​. സുജിത്ത്​ദാസി​െൻറ​ നിർദേശപ്രകാരമാണ്​ കോഴിക്കോ​െട്ടത്തിച്ചത്​. പ്രവാസിയെ തടഞ്ഞ്​ മൂന്നര കിലോ കള്ളക്കടത്ത്​ സ്വർണം കവരാൻ ടി.പി. ചന്ദ്രശേഖരൻ വധക്കേസ്​ പ്രതി കൊടി സുനി ജയിലിൽ ഗൂഢാലോചന നടത്തിയ കേസിലുൾപ്പെടെ പ്രധാനിയാണ്​ രഞ്​ജിത്ത്​.

ജാമ്യത്തിലിറങ്ങി മുങ്ങിയതിനാൽ ഇൗ കേസിലടക്കം അന്വേഷണം നിലച്ച അവസ്ഥയായിരുന്നു. 2017 ജൂലൈ 16ന്​ രാവിലെ കരിപ്പൂരിൽനിന്ന്​ കാറിൽ നാട്ടിലേക്ക്​ മടങ്ങുകയായിരുന്ന പ്രവാസി തലശ്ശേരി ചൊക്ലി സ്വദേശി ഇസ്​മയിലി​െന മോഡേൺ ബസാറിൽ തടഞ്ഞാണ്​ കള്ളക്കടത്ത്​ സ്വർണമടങ്ങിയ ബാഗ്​ കവർന്നത്​.

കേസിൽ പന്തീരാങ്കാവിലെ ദിൽഷാദ്​, കൊടൽ നടക്കാവിലെ അതുൽ, ചക്കുംകടവിലെ റാസിക്​ എന്നിവരാണ്​ രഞ്​ജിത്തി​െൻറ പങ്ക്​ വ്യക്തമാക്കിയത്​. െകാല്ലം സ്വദേശി രാജേഷ്​ ഖന്നക്ക്​ 80 ലക്ഷം രൂപക്ക്​ സ്വർണം വിറ്റെന്നായിരുന്നു രഞ്​ജിത്തി​െൻറ മൊഴി. ​ കുഴല്‍പണം പിടിച്ചുപറിച്ചതിന് ടൗൺ പൊലീസിലും ദേഹോപദ്രവം ഏൽപിച്ചതിന് മെഡിക്കൽ കോളജ്​ പൊലീസിലും ഒന്നരകിലോ സ്വര്‍ണം കടത്തിയതിന് കുന്ദമംഗലത്തും തോക്കുചൂണ്ടി പണം കവര്‍ന്നതിന് നടക്കാവ് സ്‌റ്റേഷനിലും സ്വർണം അപഹരിച്ചതിന്​ നല്ലളത്തും കേസുണ്ട്. ഇതിനുപുറമേ വധശ്രമത്തിന് കണ്ണൂര്‍ കൂത്തുപറമ്പിലും കോയമ്പത്തൂര്‍ സ്‌റ്റേഷനിലും കേസുകളുണ്ട്.

രഞ്ജിത്ത്​ റിമാൻഡിൽ; പൊലീസ്​ കസ്​റ്റഡിയിൽ വാങ്ങും

കോഴിക്കോട്: ഒളവണ്ണ മംഗലോളി വീട്ടില്‍ രഞ്ജിത്ത് എന്ന കാക്ക രഞ്ജിത്തിനെ കോടതി റിമാൻഡ്​ ചെയ്തു. 2018ൽ കുന്ദമംഗലത്ത് സ്വർണക്കടത്ത് നടത്തിയെന്ന കേസിലാണ് നടപടി. കുന്ദമംഗലം കോടതിയുടെ ചുമതലയുള്ള ഒന്നാം ജുഡീഷ്യൽ ഫസ്​റ്റ്​ ക്ലാസ് മജിസ്​ട്രേറ്റ് കോടതിയാണ് 14 ദിവസത്തേക്ക്​ റിമാൻഡ്​ ചെയ്തത്.

വരും ദിവസം ഇയാളെ പൊലീസ്​ കസ്​റ്റഡിയിൽ വാങ്ങി വിശദമായി ചോദ്യം ചെയ്യും. വിതുര പൊലീസ് അറസ്​റ്റ്​ ചെയ്ത രഞ്ജിത്തിനെ സിറ്റി പൊലീസ്​ രജിസ്​റ്റർ ചെയ്​ത മോഷണ, കവര്‍ച്ച കേസുമായി ബന്ധപ്പെട്ടാണ്​ കോഴിക്കോ​ട്ടെത്തിച്ചത്.

രഞ്​ജിത്തിന്​ അകമ്പടി നിന്ന ഗുണ്ടാസംഘത്തിലെ പിടിയിലായ കിണാശേരി പീടിയേക്കല്‍ ഫൈജാസ്, പന്തീരാങ്കാവ് പൂളേക്കര നിജാസ്, പെരുവയല്‍ കൊളാപറമ്പ് രജീഷ്, കിണാശേരി കാവുങ്ങൽ മനോജ് എന്നിവർക്കെതിരായ കേസ് തിരുവനന്തപുരത്ത് തുടരും.