അപായസൂചനകൾ നിലക്കാതെ മുഴങ്ങിയ രാത്രി;മെഡി. കോളജിൽ ദാരുണരംഗങ്ങൾ

കോഴിക്കോട്​: പേമാരിക്കിടയിൽ അപായസൂചനകൾ മുഴക്കി നഗരത്തിലെ ആ​ശുപത്രികളിലേക്ക്​ ആംബുലൻസുകൾ പരക്കം പായുന്ന കാഴ്​ചയായിരുന്നു കോഴിക്കോടി​െൻറ വീഥികളിൽ. മിക്ക ആംബുലൻസുകളും മെഡി. കോളജ്​ ആശുപത്രി ലക്ഷ്യമാക്കി പായുന്നു.​

ബേബി ആശുപത്രിയിലേക്കും മിംസിലേക്കും മെയ്​ത്രയിലേക്കും ഇഖ്​റയിലേക്കും സൈറൺ മുഴക്കിപ്പായുന്ന വണ്ടികൾ. രാത്രി 8.45ഒാടെ മെഡി. കോളജിൽ പരിക്കേറ്റവരെയുമായി ആദ്യ ആംബുലൻസ് എത്തി​. പിന്നാലെ പല വാഹനങ്ങൾ. പിക്​അപ്​​ വാഹനങ്ങളിൽ വരെ പരിക്കേറ്റവർ വരുന്നു. നിശ്ചലരായിക്കിടക്കുന്ന കു​ട്ടികൾ, സ്​ത്രീകൾ... അടുത്ത കാലത്തൊന്നും ഇതുപോലൊരു ദുരന്തത്തെ നേരിടാൻ മെഡി. കോളജ്​ ഒരുങ്ങിയിരുന്നില്ല. കോവിഡിനിടെ ഇതുപോലൊരു സാഹചര്യം അത്യന്തം ആശങ്കപരത്തുന്നതുകൂടിയായിരുന്നു.

അപകടവിവരമറിഞ്ഞ്​ നാടി​െൻറ നാനാഭാഗത്തുനിന്നും ആളുകൾ മെഡി. കോളജിലേക്ക്​ എത്തി. പലരും യാത്രക്കാരായ ബന്ധുക്കളെയും കുട്ടികളെയും തിരഞ്ഞാണ്​ പരക്കം പായുന്നത്​. ഒന്നര മണിക്കൂറിനിടെ 20ഒാളം പേരെയാണ്​ മെഡി. കോളജിൽ എത്തിച്ചത്​. രണ്ട്​ സ്​ത്രീകളും ഒരു കുഞ്ഞും രണ്ട്​ പുരുഷന്മാരും മരിച്ച​ുവെന്ന്​ സ്ഥിരീകരിച്ചെങ്കിലും മരിച്ചത്​ ആരെല്ലാമാണെന്ന്​ സ്ഥിരീകരിക്കാനാവുന്നില്ല. 10.48ഒാടെയാണ്​ മരിച്ച കുഞ്ഞടക്കം നാലുപേരെ തിരിച്ചറിഞ്ഞത്​. ഒരു സ്​ത്രീയെ രാത്രി വൈകി തിരിച്ചറിഞ്ഞു. വിവരമറിഞ്ഞ്​ സ്വകാര്യ ആശുപത്രികളിലേക്കും നെഞ്ചിടിപ്പുമായി ബന്ധുക്കൾ പരക്കം പായുകയായിരുന്നു. എം.എൽ.എമാരായ എം.കെ. മുനീർ, എ. പ്രദീപ്​കുമാർ, ജില്ല കലക്​ടർ വി. സാംബശിവ റാവു എന്നിവർ മെഡി. കോളജ്​ ആശുപത്രിയിൽ എത്തി രക്ഷാപ്രവർത്തനങ്ങൾക്ക്​ നേതൃത്വം നൽകി.