പൊട്ടിപ്പൊളിഞ്ഞ് റോഡുകളും പാലവും

കൊ​ടി​യ​ത്തൂ​ർ: വേ​ന​ല​വ​ധി ക​ഴി​ഞ്ഞ് സ്‌​കൂ​ളു​ക​ള്‍ തു​റ​ക്കാ​ന്‍ ദി​വ​സ​ങ്ങ​ള്‍ ബാ​ക്കി​നി​ല്‍ക്കെ അ​റ്റ​കു​റ്റ​പ്പ​ണി​ക്കാ​യി വെ​ട്ടി​പ്പൊ​ളി​ച്ച കൊ​ടി​യ​ത്തൂ​ർ പ​ഞ്ചാ​യ​ത്തി​ലെ റോ​ഡു​ക​ളും പാ​ല​ങ്ങ​ളും സ്‌​കൂ​ൾ വി​ദ്യാ​ർ​ഥി​ക​ള്‍ക്ക് ദു​രി​ത​മാ​കും. പ​ഞ്ചാ​യ​ത്തി​ലെ ഏ​ഴു സ​ർ​ക്കാ​ർ സ്‌​കൂ​ളു​ക​ളും എ​ട്ട് സ്വ​കാ​ര്യ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ​യു​മു​ള്ള വി​ദ്യാ​ർ​ഥി​ക​ളാ​ണ് ജൂ​ൺ മൂ​ന്നോ​ടെ ദു​രി​ത​ത്തി​ലാ​വു​ന്ന​ത്. മി​ക്ക പ്ര​ധാ​ന റോ​ഡു​ക​ളും അ​റ്റ​കു​റ്റ​പ്പ​ണി ന​ട​ന്നു​കൊ​ണ്ടി​രി​ക്കു​ക​യാ​ണ്. ഇ​തി​ൽ ര​ണ്ട്‌ പ്ര​ധാ​ന റോ​ഡു​ക​ളും ഒ​രു പാ​ല​ത്തി​ന്റെ നി​ർ​മാ​ണ​വു​മാ​ണ് പ്ര​ധാ​ന​മാ​യും ദു​രി​ത​ത്തി​ലാ​ക്കി​യ​ത്.

മ​ഴ​ക്കാ​ല​ത്തി​നു​മു​മ്പ് പൂ​ര്‍ത്തി​യാ​ക്കാ​ൻ പ​റ്റു​ന്ന പ​ല പ്ര​വൃ​ത്തി​ക​ളും ഇ​ഴ​ഞ്ഞു​നീ​ങ്ങി, വി​ദ്യാ​ർ​ഥി​ക​ളെ വ​ല​യ്ക്കു​ന്ന നി​ല​യി​ലാ​ണ് പ്ര​വൃ​ത്തി​ക​ള്‍ ന​ട​ന്നു​കൊ​ണ്ടി​രി​ക്കു​ന്ന​ത്. 36 കോ​ടി രൂ​പ അ​നു​വ​ദി​ച്ച് ടെ​ൻ​ഡ​ർ ന​ട​പ​ടി പൂ​ർ​ത്തീ​ക​രി​ച്ചാ​ണ് ചു​ള്ളി​ക്കാ​പ​റ​മ്പ് കൊ​ടി​യ​ത്തൂ​ർ മ​ണാ​ശ്ശേ​രി റോ​ഡി​ന്റെ നി​ര്‍മാ​ണം ര​ണ്ട​ര വ​ർ​ഷം മു​മ്പ് ആ​രം​ഭി​ച്ച​ത്. എ​ന്നാ​ല്‍ പ്ര​വൃ​ത്തി ഇ​പ്പോ​ഴും ഇ​ഴ​ഞ്ഞു​നീ​ങ്ങു​ക​യാ​ണ്. ഇ​തി​നു മു​ന്നോ​ടി​യാ​യി ജ​ൽ​ജീ​വ​ൻ പ്ര​വൃ​ത്തി കൂ​ടി ആ​രം​ഭി​ച്ചി​രു​ന്നു. ഇ​തു​മൂ​ലം കു​ന്നു​മ്മ​ൽ ആ​ലു​ങ്ങ​ൽ ഭാ​ഗ​ത്ത് വെ​ള്ള​കെ​ട്ടും ച​ളി​യും റോ​ഡി​ൽ നി​റ​ഞ്ഞി​രു​ന്നു, ചു​ള്ളി​ക്കാ​പ​റ​മ്പ് ചെ​റു​വാ​ടി ക​വ​ലി​ട റോ​ഡി​ന്റെ​യും പ്ര​വൃ​ത്തി തു​ട​ങ്ങി​യെ​ങ്കി​ലും മ​ഴ പെ​യ്ത​തോ​ടെ മ​ന്ദ​ഗ​തി​യി​ലാ​യി​രി​ക്കു​ക​യാ​ണ്. ചു​ള്ളി​ക്കാ​പ​റ​മ്പി​ൽ​നി​ന്ന് ചെ​റു​വാ​ടി അ​ങ്ങാ​ടി​യി​ലേ​ക്കു​ള്ള ബ​ദ​ൽ റോ​ഡ് ചെ​ളി​നി​റ​ഞ്ഞ് വാ​ഹ​ന​യാ​ത്ര പൂ​ർ​ണ​മാ​യും നി​ല​ച്ച അ​വ​സ്ഥ​യി​ലാ​ണ്.

കാ​ൽ​ന​ട യാ​ത്ര​ക്കാ​ർ ചെ​ളി നീ​ന്തി​ക്ക​ട​ന്ന് അ​ക്ക​ര പ​റ്റേ​ണ്ട സ്ഥി​തി​യി​ലാ​ണ്. നേ​ര​ത്തെ ഈ ​റോ​ഡി​ൽ സ​മാ​ന​മാ​യ രീ​തി​യി​ൽ ചെ​ളി​നി​റ​ഞ്ഞ​തി​നെ​ത്തു​ട​ർ​ന്ന് നാ​ട്ടു​കാ​ർ പ​രാ​തി​പ്പെ​ട്ട​തോ​ടെ ക​രാ​റു​കാ​ർ ക്വാ​റി വേ​സ്റ്റ് നി​ര​ത്തി താ​ൽ​ക്കാ​ലി​ക പ​രി​ഹാ​രം ക​ണ്ടി​രു​ന്നു. കോ​ട്ട മു​ഴി പാ​ല​ത്തി​ന്റെ പ്ര​വൃ​ത്തി ര​ണ്ടു​മാ​സം മു​മ്പ് തു​ട​ങ്ങി​യി​ട്ടേ​യു​ള്ളു​വെ​ങ്കി​ലും ബ​ദ​ൽ റോ​ഡ് ച​ളി​മ​യ​മാ​യ​തി​നാ​ൽ വി​ദ്യാ​ർ​ഥി​ക​ൾ സു​ര​ക്ഷി​ത​മ​ല്ലെ​ന്നും നാ​ട്ടു​കാ​ർ ആ​രോ​പി​ക്കു​ന്നു. സ്‌​കൂ​ളു​ക​ള്‍ തു​റ​ക്കു​ന്ന​തോ​ടെ നൂ​റു​ക​ണ​ക്കി​നു വി​ദ്യാ​ര്‍ഥി​ക​ളാ​ണ് ഈ ​റോ​ഡു​ക​ളി​ൽ യാ​ത്ര ചെ​യ്യേ​ണ്ട​ത്. മ​ഴ​ക്കാ​ലം കൂ​ടി വ​രു​ന്ന​തോ​ടെ റോ​ഡ് പ്ര​വൃ​ത്തി വി​ദ്യാ​ര്‍ഥി​ക​ളെ​യും മ​റ്റും പ്ര​തി​കൂ​ല​മാ​യി ബാ​ധി​ക്കു​മെ​ന്നു​റ​പ്പാ​ണ്.