സ്കൂൾ ഉച്ചഭക്ഷണ പദ്ധതി; അധ്യാപകരും രക്ഷിതാക്കളും പ്രതിസന്ധിയിലെന്ന്

കൊ​ടി​യ​ത്തൂ​ർ: സ്കൂ​ൾ ഉ​ച്ച​ഭ​ക്ഷ​ണ വി​ത​ര​ണ പ​ദ്ധ​തി​യി​ലൂ​ടെ പ്ര​തി​സ​ന്ധി​യി​ലും വ​ലി​യ സാ​മ്പ​ത്തി​ക ബാ​ധ്യ​ത​യി​ലു​മാ​യി​രി​ക്കു​ക​യാ​ണ് അ​ധ്യാ​പ​ക-​ര​ക്ഷാ​ക​ർ​തൃ സ​മി​തി​യും പ്ര​ധാ​നാ​ധ്യാ​പ​ക​രും അ​ധ്യാ​പ​ക​രും. കു​റ​ഞ്ഞ കു​ട്ടി​ക​ളു​ള്ള സ്കൂ​ളു​ക​ളെ​യാ​ണ് പ്ര​ശ്നം കാ​ര്യ​മാ​യി ബാ​ധി​ച്ചി​രി​ക്കു​ന്ന​ത്. 150ൽ ​താ​ഴെ കു​ട്ടി​ക​ളു​ള്ള സ്കൂ​ളി​ൽ ഒ​രു കു​ട്ടി​ക്ക് ദി​വ​സം എ​ട്ട് രൂ​പ​യാ​ണ് സ​ർ​ക്കാ​ർ അ​നു​വ​ദി​ച്ച​ത്. ഇ​തി​ന് പ​കു​തി സാ​ധ​ന​ങ്ങ​ൾ വാ​ങ്ങാ​ൻ പോ​ലും പ​റ്റാ​ത്ത അ​വ​സ്ഥ​യാ​ണ്.

ആ​ഴ്ച​യി​ൽ ര​ണ്ടു ദി​വ​സം 150 മി​ല്ലി​ലി​റ്റ​ർ പാ​ലും ഒ​രു ദി​വ​സം കോ​ഴി​മു​ട്ട​യും ന​ൽ​ക​ണം. പ​ച്ച​ക്ക​റി, പ​ല​വ്യ​ഞ്ജ​ന​ങ്ങ​ൾ, ഗ്യാ​സ് എ​ന്നി​വ വാ​ങ്ങേ​ണ്ട​ത് ബാ​ക്കി പ​ണം ഉ​പ​യോ​ഗി​ച്ചാ​ണ്. അ​രി​യും പാ​ച​ക​ക്കൂ​ലി​യും മാ​ത്ര​മാ​ണ് സ​ർ​ക്കാ​ർ ന​ൽ​കു​ന്ന​തെ​ന്ന് പ​ഞ്ചാ​യ​ത്ത് പി.​ടി.​എ, എ​സ്.​എം.​സി കൂ​ട്ടാ​യ്മ ഭാ​ര​വാ​ഹി​ക​ൾ പ​റ​ഞ്ഞു. പ​ല സ്കൂ​ളു​ക​ളും മാ​സ​ത്തി​ൽ 4000 രൂ​പ​യോ​ളം ക​ട​ത്തി​ലാ​ണ്. ഇ​തി​ന് പ​രി​ഹാ​രം വേ​ണ​മെ​ന്ന് ആ​വ​ശ്യ​പ്പെ​ട്ട് എം.​പി, എം.​എ​ൽ.​എ, പ​ഞ്ചാ​യ​ത്ത് പ്ര​സി​ഡ​ന്റ്, ഡി.​ഡി.​ഇ, ഡി.​ഇ.​ഒ, എ.​ഇ.​ഒ എ​ന്നി​വ​ർ​ക്ക് നി​വേ​ദ​നം ന​ൽ​കും.

2016ൽ ​അ​നു​വ​ദി​ച്ച നി​ര​ക്കാ​ണ് എ​ട്ട് രൂ​പ. അ​തി​ന് ശേ​ഷം സാ​ധ​ന​ങ്ങ​ൾ​ക്ക് പ​ത്തി​ര​ട്ടി​യോ​ളം വി​ല വ​ർ​ധി​ച്ചി​ട്ടു​ണ്ട്. ഒ​രു കു​ട്ടി​ക്ക് ഒ​രു ദി​വ​സ​ത്തേ​ക്ക് 15 രൂ​പ​യെ​ങ്കി​ലും കി​ട്ടി​യെ​ങ്കി​ലേ പ​ദ്ധ​തി വി​ജ​യി​ക്കൂ. ക​ഴി​ഞ്ഞ ജൂ​ണി​ൽ ഉ​ച്ച​ഭ​ക്ഷ​ണ​ത്തി​നാ​യി ചെ​ല​വ​ഴി​ച്ച തു​ക പ​ല സ്കൂ​ളു​ക​ൾ​ക്കും ന​ൽ​കി​യി​ട്ടി​ല്ല. ഇ​തി​നൊ​പ്പം സം​സ്ഥാ​ന​ത്തെ സ്കൂ​ൾ പാ​ച​ക തൊ​ഴി​ലാ​ളി​ക​ളു​ടെ ശ​മ്പ​ള​വും മു​ട​ങ്ങി. ഏ​പ്രി​ൽ, മേ​യ് മാ​സ​ങ്ങ​ളി​ൽ ന​ൽ​കു​ന്ന 2000 രൂ​പ വീ​ത​മു​ള്ള അ​ല​വ​ൻ​സും വി​ത​ര​ണം ചെ​യ്തി​ട്ടി​ല്ല. ഫ​ണ്ട് വി​ത​ര​ണം ഇ​നി​യും നീ​ണ്ടാ​ൽ സ്കൂ​ളു​ക​ളി​ലെ ഉ​ച്ച​ഭ​ക്ഷ​ണ വി​ത​ര​ണം നി​ല​ക്കു​മെ​ന്ന ആ​ശ​ങ്ക​യി​ലാ​ണ് അ​ധ്യാ​പ​ക​രും ര​ക്ഷി​താ​ക്ക​ളും.

പൊ​തു​വി​ദ്യാ​ഭ്യാ​സ സം​ര​ക്ഷ​ണ യ​ജ്ഞ​ത്തി​ന്റെ ഭാ​ഗ​മാ​യി സ്കൂ​ളു​ക​ളി​ൽ കു​ട്ടി​ക​ൾ വ​ർ​ധി​ക്കു​ക​യും ഹൈ​ടെ​ക് ക്ലാ​സ്മു​റി​ക​ൾ ഒ​രു​ക്കു​ക​യും ചെ​യ്ത സ​ർ​ക്കാ​ർ പാ​വ​പ്പെ​ട്ട വി​ദ്യാ​ർ​ഥി​ക​ളു​ടെ​യും അ​വ​രു​ടെ ര​ക്ഷി​താ​ക്ക​ളു​ടെ​യും സ​ങ്ക​ടം കാ​ണു​മെ​ന്ന പ്ര​തീ​ക്ഷ​യി​ലാ​ണ് കൂ​ട്ടാ​യ്മ.

ചെ​യ​ർ​മാ​ൻ സി.​വി. റ​സാ​ഖ്, ക​ൺ​വീ​ന​ർ എ.​കെ. റാ​ഫി, ട്ര​ഷ​റ​ർ സി. ​ഫ​സ​ൽ ബാ​ബു, വൈ​സ് ചെ​യ​ർ​മാ​ൻ ഇ.​കെ. സാ​ജി​ദ്, ജോ​യ​ന്റ് ക​ൺ​വീ​ന​ർ സ​ലാം ചാ​ലി​ൽ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.