അസൗകര്യങ്ങളിൽ വീർപ്പുമുട്ടിയ വാവാട് വില്ലേജ് ഓഫിസിന് പുതിയ കെട്ടിടം

കൊ​ടു​വ​ള്ളി: ജീ​ർ​ണി​ച്ച കെ​ട്ടി​ട​ത്തി​ൽ അ​സൗ​ക​ര്യ​ങ്ങ​ളി​ൽ വീ​ർ​പ്പു​മു​ട്ടി​യ വാ​വാ​ട് വി​ല്ലേ​ജ് ഓ​ഫി​സി​ന് പു​തി​യ കെ​ട്ടി​ട​മാ​യി. കെ​ട്ടി​ടോ​ദ്ഘാ​ട​നം ജൂ​ൺ 12ന് ​രാ​വി​ലെ 11ന് ​റ​വ​ന്യൂ മ​ന്ത്രി കെ. ​രാ​ജ​ൻ നി​ർ​വ​ഹി​ക്കും. ഒ​ന്നാം പി​ണ​റാ​യി സ​ർ​ക്കാ​റി​ന്റെ നൂ​റു​ദി​ന ക​ർ​മ പ​രി​പാ​ടി​യി​ൽ ഉ​ൾ​പ്പെ​ടു​ത്തി റീ​ബി​ൽ​ഡ് കേ​ര​ള ഇ​നീ​ഷ്യേ​റ്റി​വി​ൽ അ​നു​വ​ദി​ച്ച 40 ല​ക്ഷം രൂ​പ വി​നി​യോ​ഗി​ച്ചാ​ണ് സൗ​ക​ര്യ​പ്ര​ദ​മാ​യ ഇ​രു​നി​ല കെ​ട്ടി​ടം പ​ണി​ത​ത്. കെ​ട്ടി​ട നി​ർ​മാ​ണ പ്ര​വ​ർ​ത്ത​നോ​ദ്ഘാ​ട​നം മു​ഖ്യ​മ​ന്ത്രി​യാ​ണ് നി​ർ​വ​ഹി​ച്ച​ത്.

പ​ഴ​യ ഓ​ഫി​സി​ൽ ജി​വ​ന​ക്കാ​ർ​ക്ക് ജോ​ലി ചെ​യ്യാ​നോ ഫ​യ​ലു​ക​ൾ സൂ​ക്ഷി​ക്കാ​നോ സൗ​ക​ര്യ​മി​ല്ലാ​യി​രു​ന്നു. വി​വി​ധ ആ​വ​ശ്യ​ങ്ങ​ൾ​ക്കെ​ത്തു​ന്ന​വ​ർ നി​ൽ​ക്കാ​ൻ പോ​ലും ക​ഴി​യാ​തെ പ്ര​യാ​സ​പ്പെ​ട്ടു. പ്ര​ദേ​ശ​വാ​സി​യാ​യ പ​രേ​ത​നാ​യ കെ.​ടി. ഇ​മ്പി​ച്ചി മോ​യി വി​ട്ടു​ന​ൽ​കി​യ ഭൂ​മി​യി​ൽ കൊ​ടു​വ​ള്ളി ബ്ലോ​ക്ക് പ​ഞ്ചാ​യ​ത്താ​ണ് 32 വ​ർ​ഷം മു​മ്പ് വി​ല്ലേ​ജ് ഓ​ഫി​സി​ന് കെ​ട്ടി​ടം പ​ണി​ത​ത്.

1986 ജൂ​ൺ 15ന് ​അ​ന്ന​ത്തെ റ​വ​ന്യൂ മ​ന്ത്രി പി.​ജെ. ജോ​സ​ഫാ​ണ് കെ​ട്ടി​ടം ഉ​ദ്ഘാ​ട​നം ചെ​യ്ത​ത്. പി​ന്നീ​ട് കെ​ട്ടി​ട​ത്തി​ൽ ആ​വ​ശ്യ​മാ​യ അ​റ്റ​കു​റ്റ​പ്പ​ണി​ക​ളൊ​ന്നും ന​ട​ത്തി​യി​രു​ന്നി​ല്ല. ഓ​ഫി​സി​ന്റെ ജ​ന​ൽ ത​ക​ർ​ത്ത് മോ​ഷ​ണ ശ്ര​മ​വും ന​ട​ന്നി​രു​ന്നു.

വി​ല്ലേ​ജ് ഓ​ഫി​സി​ന്റെ ശോ​ച്യാ​വ​സ്ഥ സം​ബ​ന്ധി​ച്ച് ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. തു​ട​ർ​ന്ന് വി. ​ജോ​സ് ജി​ല്ല ക​ല​ക്ട​റാ​യി​രി​ക്കെ ഓ​ഫി​സ് സ​ന്ദ​ർ​ശി​ച്ച് ശോ​ച്യാ​വ​സ്ഥ മ​ന​സ്സി​ലാ​ക്കി. വി​ഷ​യം മു​ൻ എം.​എ​ൽ.​എ​യു​ടെ​യും ശ്ര​ദ്ധ​യി​ൽ വ​ന്ന​തോ​ടെ​യാ​ണ് കെ​ട്ടി​ടം പ​ണി​യാ​ൻ സ​ർ​ക്കാ​ർ ഫ​ണ്ട് അ​നു​വ​ദി​ച്ച​ത്. നി​ർ​മി​തി കേ​ന്ദ്ര​യാ​ണ് പ്ര​വൃ​ത്തി​ക​ൾ ഏ​റ്റെ​ടു​ത്ത് പൂ​ർ​ത്തീ​ക​രി​ച്ചി​രി​ക്കു​ന്ന​ത്. കൊ​ടു​വ​ള്ളി ന​ഗ​ര​സ​ഭ​യി​ലെ 13ഓ​ളം ഡി​വി​ഷ​ൻ പ്ര​ദേ​ശ​ങ്ങ​ൾ ഉ​ൾ​പ്പെ​ടു​ന്ന​താ​ണ് വാ​വാ​ട് വി​ല്ലേ​ജ് ഓ​ഫി​സ് പ​രി​ധി.