പുള്ളാവൂർ പുഴയിലെ കട്ടൗട്ടുകൾ; കൊടുവള്ളി നഗരസഭക്കെതിരെയുള്ള ഹരജി ഹൈകോടതി തള്ളി

കൊ​ടു​വ​ള്ളി: ഫി​ഫ ലോ​ക​ക​പ്പ് ആ​വേ​ശ​ത്തി​ൽ ഫു​ട്ബാ​ൾ ആ​രാ​ധ​ക​ർ ചെ​റു​പു​ഴ​യി​ലെ പു​ള്ളാ​വൂ​ർ ക​ട​വി​ൽ ക​ട്ടൗ​ട്ടു​ക​ൾ സ്ഥാ​പി​ച്ച​തി​നെ​തി​രെ അ​ഡ്വ. ശ്രീ​ജി​ത്ത് പെ​രു​മ​ന ന​ൽ​കി​യ ഹ​ര​ജി ഹൈ​കോ​ട​തി ത​ള്ളി. ചീ​ഫ് ജ​സ്റ്റി​സ് എ​സ്. മ​ണി​കു​മാ​ർ, ജ​സ്റ്റി​സ് മു​ര​ളി പു​രു​ഷോ​ത്ത​മ​ൻ എ​ന്നി​വ​ർ ഉ​ൾ​പ്പെ​ട്ട ഡി​വി​ഷ​ൻ ബെ​ഞ്ചാ​ണ് ഹ​ര​ജി ത​ള്ളി​യ​ത്.

പു​ള്ളാ​വൂ​ർ പു​ഴ​യി​ൽ ഫു​ട്ബാ​ൾ ആ​രാ​ധ​ക​ർ സ്ഥാ​പി​ച്ച ല​യ​ണ​ൽ മെ​സ്സി, ക്രി​സ്റ്റ്യാ​നോ റൊ​ണാ​ൾ​ഡോ, നെ​യ്മ​ർ എ​ന്നി​വ​രു​ടെ ക​ട്ടൗ​ട്ടു​ക​ളു​ടെ ചി​​ത്രം ലോ​ക ശ്ര​ദ്ധ​നേ​ടു​ക​യും അ​ന്ത​ർ​ദേ​ശീ​യ ഫു​ട്ബാ​ൾ ഫെ​ഡ​റേ​ഷ​ൻ (ഫി​ഫ) അ​ട​ക്കം ഇ​ത് പ​ങ്കു​വെ​ക്കു​ക​യും കേ​ര​ള​ത്തി​ലെ ഫു​ട്ബാ​ൾ ആ​വേ​ശം അ​ന്ത​ർ​ദേ​ശീ​യ മാ​ധ്യ​മ​ങ്ങ​ള​ട​ക്കം വാ​ർ​ത്ത​യാ​ക്കു​ക​യും ചെ​യ്തി​രു​ന്നു. ട്വി​റ്റ​ർ വ​ഴി​യാ​ണ് ‘ഫി​ഫ ലോ​ക​ക​പ്പ് ജ്വ​ര​ത്തി​ൽ കേ​ര​ളം’ എ​ന്ന കു​റി​പ്പോ​ടെ ചി​ത്രം പ​ങ്കു​വെ​ച്ച​ത്.

ലോ​ക​ക​പ്പ് പോ​ലെ​യു​ള്ള വ​ലി​യ ആ​ഘോ​ഷ​ങ്ങ​ളു​ടെ കാ​ല​യ​ള​വി​ൽ ആ​ളു​ക​ൾ ഇ​ത്ത​രം ആ​രാ​ധ​ന പ്ര​ക​ടി​പ്പി​ക്കു​ന്ന​തി​നെ നി​യ​മ​വി​രു​ദ്ധ​മാ​യി കാ​ണേ​ണ്ട​തു​ണ്ടോ​യെ​ന്ന് ഹ​ര​ജി പ​രി​ഗ​ണി​ക്ക​വേ കോ​ട​തി വാ​ക്കാ​ൽ ചോ​ദി​ച്ചു. പു​ഴ​യു​ടെ സ്വാ​ഭാ​വി​ക​യൊ​ഴു​ക്കി​നെ ത​ട​സ്സ​പ്പെ​ടു​ത്തു​ന്ന ത​ര​ത്തി​ൽ ക​ട്ടൗ​ട്ടു​ക​ൾ സ്ഥാ​പി​ച്ചു​വെ​ന്നും എ​ന്നാ​ൽ, ജി​ല്ല ക​ല​ക്ട​റും ന​ഗ​ര​സ​ഭ​യും പ​രാ​തി​യി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ച്ചി​ല്ലെ​ന്നു​മാ​യി​രു​ന്നു ഹ​ര​ജി​യി​ലെ ആ​രോ​പ​ണം.

എ​ന്നാ​ൽ, ഹ​ര​ജി പ​രി​ഗ​ണി​ച്ച ഡി​സം​ബ​ർ 20ന് ​മു​മ്പു​ത​ന്നെ ക​ട്ടൗ​ട്ടു​ക​ൾ നീ​ക്കം ചെ​യ്തു​വെ​ന്നും ക​ട്ടൗ​ട്ടു​ക​ൾ പു​ഴ​യു​ടെ നി​രൊ​ഴു​ക്കി​നെ ത​ട​സ്സ​പ്പെ​ടു​ത്തി​യി​രു​ന്നു​വെ​ന്ന ആ​രോ​പ​ണം അ​ടി​സ്ഥാ​ന​ര​ഹി​ത​മാ​ണെ​ന്നും ന​ഗ​ര​സ​ഭ കോ​ട​തി​യി​ൽ വി​ശ​ദീ​ക​രി​ച്ചു. അ​ഡ്വ. മു​ഹ​മ്മ​ദ് ശാ​ഫി ന​ഗ​ര​സ​ഭ​ക്കു​വേ​ണ്ടി ഹാ​ജ​രാ​യി.