സൗ​ദി ദേ​ശീ​യ ഗെ​യിം​സ്; ബാഡ്മിന്റണിൽ കൊടുവള്ളി സ്വദേശിനിക്ക് സ്വർണം

കൊ​ടു​വ​ള്ളി: സൗ​ദി ദേ​ശീ​യ ഗെ​യിം​സി​ലെ ബാ​ഡ്മി​ന്റ​ണി​ൽ സ്വ​ർ​ണ​ത്തി​ൽ ഹാ​ട്രി​ക് നേ​ടി കൊ​ടു​വ​ള്ളി സ്വ​ദേ​ശി​നി ഖ​ദീ​ജ നി​സ. ക​ഴി​ഞ്ഞ ര​ണ്ട് ദേ​ശീ​യ ഗെ​യിം​സി​ലും പു​രു​ഷ വി​ഭാ​ഗ​ത്തി​ൽ സ്വ​ർ​ണ മെ​ഡ​ൽ നേ​ടി​യ ഹൈ​ദ​രാ​ബാ​ദ് സ്വ​ദേ​ശി ശൈ​ഖ് മെ​ഹ​ദ് ഷാ ​മൂ​ന്നാം സ്ഥാ​ന​ത്തേ​ക്ക് പി​ന്ത​ള്ള​പ്പെ​ട്ട​തോ​ടെ​യാ​ണ് മൂ​ന്നാം ത​വ​ണ​യും ബാ​ഡ്മ‌ി​ന്റ​ൺ വി​ഭാ​ഗ​ത്തി​ലെ ഏ​ക ഹാ​ട്രി​ക് സ്വ​ർ​ണ നേ​ട്ടം ഖ​ദീ​ജ നി​സ​ക്ക് സ്വ​ന്ത​മാ​യ​ത്.

ഇ​ത്തി ഹാ​ദ് ക്ല​ബി​ന് വേ​ണ്ടി ക​ള​ത്തി​ലി​റ​ങ്ങി​യ ഖ​ദീ​ജ നി​സ​ക്കെ​തി​ര ക​ടു​ത്ത വെ​ല്ലു​വി​ളി​യാ​ണ് ഫി​ലി​പ്പി​നോ താ​രം പെ​ന​ഫ്ലോ​ർ അ​രി​ലെ ഉ​യ​ർ​ത്തി​യ​ത്. നാ​ല് ഗ്രൂ​പ് മ​ത്സ​ര​ങ്ങ​ളി​ൽ ആ​റ് ക​ളി​ക​ളി​ൽ ക​രു​ത്തു തെ​ളി​യി​ച്ചാ​ണ് ഖ​ദീ​ജ സു​വ​ർ​ണ തേ​രോ​ട്ടം ന​ട​ത്തി​യ​ത്. ഖ​ദീ​ജ നി​സ കൂ​ടാ​തെ ഈ ​വ​ർ​ഷ​ത്തെ ഗെ​യിം​സി​ൽ അ​ഴി​ക്കോ​ട് സ്വ​ദേ​ശി മു​ട്ട​മ്മ​ൽ ഷാ​മി​ലും മ​ല​യാ​ളി​ക​ളു​ടെ അ​ഭി​മാ​ന​മാ​യി സ്വ​ർ​ണ മെ​ഡ​ൽ നേ​ടി. പു​രു​ഷ സിം​ഗി​ൾ​സി​ൽ ഇ​ഞ്ചോ​ടി​ഞ്ച് പോ​രാ​ട്ട​ത്തി​നാ​ണ് ഗെ​യിം​സ് ന​ഗ​രി സാ​ക്ഷി​യാ​യ​ത്.

ബ​ഹ്റൈ​ൻ ദേ​ശീ​യ താ​രം ഹ​സ​ൻ അ​ദ്നാ​നാ​യി​രു​ന്നു എ​തി​രാ​ളി. സൗ​ദി​യി​ൽ ജോ​ലി ചെ​യ്യു​ന്ന ജി.​സി.​സി രാ​ജ്യ​ങ്ങ​ളി​ലെ പൗ​ര​ന്മാ​ർ​ക്ക് ദേ​ശീ​യ ഗെ​യിം​സി​ൽ പ​ങ്കെ​ടു​ക്കാ​നു​ള്ള അ​വ​സ​രം പ്ര​യോ​ജ​ന​പ്പെ​ടു​ത്തി അ​ൽ ന​സ​ർ ക്ല​ബി​നു​വേ​ണ്ടി ക​ള​ത്തി​ലി​റ​ങ്ങി​യ അ​ദ്‌​നാ​നെ ഷാ​മി​ൽ ആ​ദ്യ​സെ​റ്റി​ൽ പി​ടി​ച്ചു​കെ​ട്ടു​ക​യാ​യി​രു​ന്നു. ‌സ്കോ​ർ 21-14.ര​ണ്ടാം സെ​റ്റി​ൽ ഷാ​മി​ലി​നെ 21-12ന് ​ത​ക​ർ​ത്തെ​ങ്കി​ലും മൂ​ന്നാം സെ​റ്റി​ൽ 21-14ന് ​ആ​ധി​കാ​രി​ക ജ​യം സ്വ​ന്ത​മാ​ക്കി​യാ​ണ് ക​ഴി​ഞ്ഞ വ​ർ​ഷം വെ​ങ്ക​ല മെ​ഡ​ൽ ജേ​താ​വാ​യ ഷാ​മി​ൽ സ്വ​ർ​ണം നേ​ടി​യ​ത്.

സൗ​ദി​യി​ൽ ജ​നി​ച്ച​വ​ർ​ക്ക് ദേ​ശീ​യ ഗെ​യിം​സി​ൽ പ​ങ്കെ​ടു​ക്കാ​നു​ള​ള അ​വ​സ​രം പ്ര​യോ​ജ​ന​പ്പെ​ടു​ത്തി​യാ​ണ് ഷാ​മി​ൽ അ​ൽ ഹി​ലാ​ൽ ക്ല​ബി​നു​വേ​ണ്ടി മെ​ഡ​ൽ കൊ​യ്ത​ത്. പു​രു​ഷ, വ​നി​ത ബാ​ഡ്‌​മി​ന്റ​ൺ സിം​ഗി​ൾ​സി​ൽ ആ​റു സ്ഥാ​ന​ങ്ങ​ളി​ൽ ര​ണ്ട് സ്വ​ർ​ണ​വും ര​ണ്ട് വെ​ങ്ക​ല​വും ഉ​ൾ​പ്പെ​ടെ നാ​ലു മെ​ഡ​ലു​ക​ൾ ഇ​ന്ത്യ​ക്കാ​ർ​ക്കാ​ണ്. അ​തി​ൽ ര​ണ്ട് സ്വ​ർ​ണം ഉ​ൾ​പ്പെ​ടെ മൂ​ന്നെ​ണ്ണം മ​ല​യാ​ളി​ക​ൾ നേ​ടി​യ​ത് പ്ര​വാ​സി മ​ല​യാ​ളി​ക​ൾ​ക്ക് വ​ലി​യ അ​ഭി​മാ​ന​മാ​യി. വ​നി​ത സിം​ഗി​ൾ​സി​ൽ മ​ല​യാ​ളി താ​രം ഷി​ൽ​ന ചെ​ങ്ങ​ശ്ശേ​രി​യാ​ണ് വെ​ങ്ക​ലം നേ​ടി​യ​ത്. മ​ല​യാ​ളി വ​നി​ത സിം​ഗി​ൾ​സി​ലെ ഖ​ദീ​ജ നി​സ​യു​ടെ ജൈ​ത്രയാ​ത്ര തു​ട​രു​ക​യാ​ണ്.