റമ്പുട്ടാൻ വിഴുങ്ങി അബോധാവസ്ഥയിൽ ചികിത്സയിലിരുന്ന കുഞ്ഞ് മരിച്ചു

കൊടുവള്ളി: റമ്പുട്ടാൻ പഴം വിഴുങ്ങി അബോധാവസ്ഥയിൽ ചികിത്സയിലിരുന്ന കുഞ്ഞ് മരിച്ചു. കിഴക്കോത്ത്താന്നിക്കൽ ടി. നസീറി‍െൻറ മകൾ ആയിഷ സിയയാണ്​ (ഒന്നര വയസ്സ്​) മരിച്ചത്. കഴിഞ്ഞ ആഗസ്​റ്റ്​ പത്തിനാണ് കളിക്കുന്നതിനിടെ കുട്ടി റമ്പുട്ടാൻ പഴം വിഴുങ്ങിയത്. ഉടൻ മെഡിക്കൽ കോളജ് ആശുപത്രിയിൽ എത്തിച്ചിരുന്നു.​ വെൻറിലേറ്ററിൽ അബോധാവസ്ഥയിൽ ചികിത്സയിൽ കഴിയുന്നതിനിടെ വ്യാഴാഴ്ച രാവിലെ11.30ഓടെയാണ്​ മരിച്ചത്. മാതാവ്: ശഫീദ ബാനു. സഹോദരി: ഫാത്തിമ ഹസ.