ചെങ്ങോട്ടുകാവ് ബൈപാസ് പരിസരത്ത് ലഹരിമാഫിയ വിളയാട്ടം
text_fieldsനിർമാണം നടക്കുന്ന ബൈപാസിന്റെ ചെങ്ങോട്ടുകാവ് ഭാഗം
കൊയിലാണ്ടി: ലഹരിമാഫിയ ശല്യം നാട്ടുകാരുടെ ഉറക്കംകെടുത്തുന്നു. നിർമാണ പ്രവൃത്തി നടക്കുന്ന നന്തി-ചെങ്ങോട്ടുകാവ് ബൈപാസിന്റെ മേലൂർ ചെങ്ങോട്ടുകാവ് ഭാഗങ്ങളിലാണ് ശല്യം രൂക്ഷം. ഇരുട്ടിത്തുടങ്ങുന്നതോടെ നിരവധി പേരാണ് വാഹനങ്ങളിലും മറ്റുമായി ഇവിടെ എത്തുന്നത്. പിന്നെ മണിക്കൂറുകൾ നീണ്ട വിളയാട്ടമാണ്.
പുതുതായി സ്ഥാപിക്കുന്ന പാതയായതിനാൽ തെരുവു വിളക്കുകളില്ല. അതിനാൽ കനത്ത ഇരുട്ടാണിവിടെ. ഈ അനുകൂല സാഹചര്യം ഉപയോഗപ്പെടുത്തുകയാണ് പലഭാഗങ്ങളിൽ നിന്നുള്ള ലഹരിസംഘം. രാവേറെ ചെല്ലും വരെ ഇവരുടെ താണ്ഡവമാണ്. കഴിഞ്ഞദിവസം രാത്രി ലഹരിമൂത്ത സംഘം തദ്ദേശീയരെ വെല്ലുവിളിക്കുകയും ഒരാളെ ആക്രമിക്കുകയും ചെയ്തു.
നാട്ടുകാർ വിവരമറിയിച്ചതിനെ തുടർന്ന് പൊലീസെത്തി സംഘത്തിലെ പ്രധാനിയെ കസ്റ്റഡിയിലെടുക്കുകയായിരുന്നു. ഈ ഭാഗത്ത് പൊലീസ്-എക്സൈസ് വിഭാഗത്തിന്റെ നിരീക്ഷണം വേണമെന്ന് നാട്ടുകാർ ആവശ്യപ്പെട്ടു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.