ഈ മാലിന്യം ആരും കണ്ടില്ലേ?
text_fieldsകൊയിലാണ്ടി ബസ് സ്റ്റാൻഡിനുസമീപം മേൽപാലത്തിനു
താഴെ വൃത്തിഹീനമായ നിലയിൽ
കൊയിലാണ്ടി: ആർ.ബി.ഡി.സി മേൽപാലത്തിന്റെ ചുവടുഭാഗം ദുർഗന്ധപൂരിതം. രോഗഭീതിയും പരത്തുന്നു. നഗരഹൃദയഭാഗത്ത് പുതിയ ബസ് സ്റ്റാൻഡിനു സമീപമാണ് മലിനമായിക്കിടക്കുന്നത്. മൂക്കുപൊത്തി മാത്രമേ ഈ പ്രദേശത്ത് നിൽക്കാൻ പറ്റൂ. മലമൂത്ര വിസർജ്യങ്ങളും കെട്ടിക്കിടക്കുന്നു. തൊട്ടടുത്തുതന്നെ ലിങ്കു റോഡുമുണ്ട്. ഇവിടെ മലിനജലം കെട്ടിക്കിടക്കുന്നു. റെയിൽവേ സ്റ്റേഷൻ ലിങ്ക് റോഡു കൂടിയാണിത്.
മേൽപാലത്തിന് ചുവട്ടിലെ ലിങ്ക് റോഡിൽ മലിനജലം തളംകെട്ടിക്കിടക്കുന്നു
ധാരാളംപേർക്ക് ഇതുവഴി സഞ്ചരിക്കേണ്ടതുണ്ട്. നിരന്തരം ഈ വഴി സഞ്ചരിച്ചാൽ ത്വഗ് രോഗമുൾപ്പെടെ പിടിപെടാൻ സാധ്യതയേറെയാണ്. ശുചീകരണ യജ്ഞങ്ങളൊക്കെ മുറപോലെ നടക്കുന്നുവെങ്കിലും ഈ ഭാഗം അവഗണിക്കപ്പെടുന്നു. വൃത്തിയുള്ള പരിസരം ഇവിടെ നിഷേധിക്കപ്പെടുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.