കനത്ത കാറ്റിൽ കാപ്പാട് ടൂറിസം കേന്ദ്രത്തിന് നാശനഷ്ടം

കൊ​യി​ലാ​ണ്ടി: കാ​റ്റി​ലും മ​ഴ​യി​ലും കാ​പ്പാ​ട് ബീ​ച്ചി​ല്‍ മ​ര​ങ്ങ​ള്‍ ക​ട​പു​ഴ​കി വീ​ണു. ഇ​തോ​ടെ വി​നോ​ദ​സ​ഞ്ചാ​ര​ത്തി​ന് താ​ൽ​ക്കാ​ലി​ക നി​രോ​ധ​നം ഏ​ര്‍പ്പെ​ടു​ത്തി. കാ​റ്റാ​ടി​മ​ര​ങ്ങ​ളും തെ​ങ്ങു​മാ​ണ് വീ​ണ​ത്. കോ​ഴി​ക്കോ​ട് ഡി.​ടി.​പി.​സി അ​ധി​കൃ​ത​ര്‍ സ്ഥ​ല​ത്തെ​ത്തി നാ​ശ​ന​ഷ്ട​ങ്ങ​ള്‍ വി​ല​യി​രു​ത്തി വീ​ണു കി​ട​ക്കു​ന്ന മ​ര​ങ്ങ​ള്‍ മു​റി​ച്ചു​മാ​റ്റി.

ബു​ധ​നാ​ഴ്ച രാ​ത്രി 11 മ​ണി​യോ​ടെ​യാ​ണ് കാ​റ്റി​ലും മ​ഴ​യി​ലും നാ​ശ​ന​ഷ്ട​മു​ണ്ടാ​യ​ത്. 12ഓ​ളം വ​ന്‍ കാ​റ്റാ​ടി മ​ര​ങ്ങ​ളും തെ​ങ്ങു​മാ​ണ് മു​റി​ഞ്ഞു​വീ​ണ​ത്. പാ​ര്‍ക്കി​ന​ക​ത്തു പ്ര​വ​ര്‍ത്തി​ക്കു​ന്ന ക​ഫ്റ്റീ​രി​യ​യു​ടെ റൂ​ഫും സീ​ലി​ങ്ങും ത​ക​ര്‍ന്നു. ക​വാ​ട​ത്തി​നോ​ട് ചേ​ര്‍ന്നു​ള്ള കോ​മ്പൗ​ണ്ട് മ​തി​ലും ത​ക​ര്‍ന്നി​ട്ടു​ണ്ട് കു​ട്ടി​ക​ളു​ടെ പാ​ര്‍ക്കി​ലെ​യും ഓ​പ​ണ്‍ ജി​മ്മി​ലെ​യും ഉ​പ​ക​ര​ണ​ങ്ങ​ള്‍, റേ​ഞ്ച് ഷ​ട്ട​റി​ന്റെ മേ​ല്‍ക്കൂ​ര, പാ​ര്‍ക്കി​ന​ക​ത്തെ എ​ല്‍.​ഇ.​ഡി ലൈ​റ്റു​ക​ള്‍ക്കും സി.​സി.​ടി.​വി കാ​മ​റ സം​വി​ധാ​ന​ങ്ങ​ള്‍ക്കും നാ​ശ​ന​ഷ്ടം സം​ഭ​വി​ച്ചു.

നാ​ശ​ന​ഷ്ടം ക​ണ​ക്കാ​ക്കി വ​രു​ന്ന​താ​യി അ​ധി​കൃ​ത​ർ പ​റ​ഞ്ഞു. വീ​ണ മ​ര​ങ്ങ​ള്‍ നീ​ക്കം​ചെ​യ്യ​ൽ ആ​രം​ഭി​ച്ച​താ​യും ജി​ല്ല ക​ല​ക്ട​റെ വി​വ​ര​മ​റി​യി​ച്ച​തി​ന്റെ അ​ടി​സ്ഥാ​ന​ത്തി​ല്‍ സ​ഞ്ചാ​രി​ക​ള്‍ക്ക് ര​ണ്ടു​ദി​വ​സ​ത്തേ​ക്ക് നി​യ​ന്ത്ര​ണം ഏ​ര്‍പ്പെ​ടു​ത്തി​യ​താ​യും ഡി.​ടി.​പി.​സി ഡെ​സ്റ്റി​നേ​ഷ​ന്‍ മാ​നേ​ജ​ര്‍ കെ. ​അ​ശ്വി​ന്‍ പ​റ​ഞ്ഞു.

കക്കയം ഇക്കോ ടൂറിസം കേന്ദ്രം ഇന്ന് തുറക്കും

കൂ​രാ​ച്ചു​ണ്ട്: കാ​ട്ടു​പോ​ത്ത് ആ​ക്ര​മ​ണ​ത്തെ​ത്തു​ട​ർ​ന്ന് 100 ദി​വ​സ​ത്തി​ല​ധി​ക​മാ​യി അ​ട​ച്ചി​ട്ട ഇ​ക്കോ ടൂ​റി​സം കേ​ന്ദ്രം മേ​യ് 10 മു​ത​ൽ തു​റ​ന്ന് പ്ര​വ​ർ​ത്ത​ന​മാ​രം​ഭി​ക്കും. ക​ക്ക​യ​ത്ത് ഫോ​റ​സ്റ്റ് ഓ​ഫി​സി​ൽ സ്ഥ​ലം എം.​എ​ൽ.​എ സ​ച്ചി​ൻ​ദേ​വി​ന്റെ സാ​ന്നി​ധ്യ​ത്തി​ൽ ന​ട​ന്ന യോ​ഗ​ത്തി​ലാ​ണ് ടൂ​റി​സം കേ​ന്ദ്രം തു​റ​ക്കാ​ൻ തീ​രു​മാ​ന​മാ​യ​ത്.

ജ​നു​വ​രി 20ന് ​കാ​ട്ടു​പോ​ത്ത് വി​നോ​ദ​സ​ഞ്ചാ​രി​ക​ളെ ആ​ക്ര​മി​ച്ച​തി​നെ തു​ട​ർ​ന്ന് അ​ട​ച്ചി​ട്ട​താ​യി​രു​ന്നു ഇ​ക്കോ ടൂ​റി​സം കേ​ന്ദ്രം. മാ​ർ​ച്ച് അ​ഞ്ചി​ന് ക​ർ​ഷ​ക​ൻ പാ​ലാ​ട്ടി​യി​ൽ അ​ബ്ര​ഹാം കാ​ട്ടു​പോ​ത്ത് ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​തി​നെ തു​ട​ർ​ന്ന് പ്ര​തി​സ​ന്ധി വ​ർ​ധി​ക്കു​ക​യാ​യി​രു​ന്നു

മേ​യ് ഒ​ന്ന് മു​ത​ൽ ക​ക്ക​യം ഡാം ​സൈ​റ്റ് മേ​ഖ​ല​യി​ലെ ഇ​ക്കോ ടൂ​റി​സം കേ​ന്ദ്രം തു​റ​ന്ന് പ്ര​വ​ർ​ത്ത​ന​മാ​രം​ഭി​ച്ചി​രു​ന്നു. എ​ന്നാ​ൽ, ഇ​ക്കോ ടൂ​റി​സം സെ​ന്റ​ർ പ്ര​വ​ർ​ത്ത​ന​മാ​രം​ഭി​ക്കാ​ത്ത​ത് കാ​ര​ണം ക​ക്ക​യം, ക​രി​യാ​ത്തും​പാ​റ, തോ​ണി​ക്ക​ട​വ് ടൂ​റി​സ്റ്റ് കേ​ന്ദ്ര​ങ്ങ​ൾ സ​ന്ദ​ർ​ശി​ക്കാ​നെ​ത്തു​ന്ന സ​ഞ്ചാ​രി​ക​ൾ​ക്ക് ക​ക്ക​യ​ത്തെ പ്ര​ധാ​ന ആ​ക​ർ​ഷ​ണ കേ​ന്ദ്ര​മാ​യ ഉ​ര​ക്കു​ഴി വെ​ള്ള​ച്ചാ​ട്ട​ത്തി​ന്റെ ഭം​ഗി ആ​സ്വ​ദി​ക്കാ​ൻ സാ​ധി​ച്ചി​രു​ന്നി​ല്ല.

വ​ന​മേ​ഖ​ല​യോ​ട് ചേ​ർ​ന്നു​ള്ള ഉ​ര​ക്കു​ഴി ഭാ​ഗ​ത്തേ​ക്കു​ള്ള പ്ര​വേ​ശ​ന​ത്തി​ന് വി​നോ​ദ​സ​ഞ്ചാ​രി​ക​ൾ​ക്ക് ആ​വ​ശ്യ​മാ​യ സു​ര​ക്ഷ ഉ​റ​പ്പ് വ​രു​ത്തു​ന്ന​തി​നാ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് വ​നം വ​കു​പ്പ് അ​ധി​കൃ​ത​ർ അ​റി​യി​ച്ചു. പെ​രു​വ​ണ്ണാ​മൂ​ഴി റേ​ഞ്ച് ഓ​ഫി​സ​ർ എ​ൻ. പ്ര​ബീ​ഷ്, ക​ക്ക​യം ഫോ​റ​സ്റ്റ് സ്റ്റേ​ഷ​ൻ ഡെ​പ്യൂ​ട്ടി റേ​ഞ്ച് ഓ​ഫി​സ​ർ സി. ​വി​ജി​ത്ത്, സു​നി​ൽ പാ​റ​പ്പു​റം, മു​ജീ​ബ് കോ​ട്ടോ​ല, സി​ബി മ​ണ്ണ​നാ​ൽ എ​ന്നി​വ​ർ ച​ർ​ച്ച​യി​ൽ സം​ബ​ന്ധി​ച്ചു.