തെ​ര​ഞ്ഞെ​ടു​പ്പ് നോ​ക്കി മു​ന്ന​ണി​ക​ൾ​ക്ക് ഭൂ​രി​പ​ക്ഷം ന​ൽ​കു​ന്ന മ​ണ്ഡ​ലം

കൊ​യി​ലാ​ണ്ടി: വ​ട​ക​ര പാ​ർ​ല​മെ​ന്റ് മ​ണ്ഡ​ല​ത്തി​ൽ വ​ട​ക​ര നി​യോ​ജ​ക മ​ണ്ഡ​ലം ക​ഴി​ഞ്ഞാ​ൽ ജ​ന​ങ്ങ​ൾ ഉ​റ്റു​നോ​ക്കു​ന്ന പ്ര​ധാ​ന രാ​ഷ്ട്രീ​യ മ​ണ്ഡ​ല​മാ​ണ് കൊ​യി​ലാ​ണ്ടി. നാ​ലു പ​ഞ്ചാ​യ​ത്തു​ക​ളും ര​ണ്ടു മു​നി​സി​പ്പാ​ലി​റ്റി​ക​ളു​മാ​ണ് മ​ണ്ഡ​ല​ത്തി​ലു​ള്ള​ത്. വ​ർ​ഷ​ങ്ങ​ളോ​ളം യു.​ഡി.​എ​ഫ് ഭ​രി​ച്ച ചി​ല പ​ഞ്ചാ​യ​ത്തു​ക​ൾ കോ​ൺ​ഗ്ര​സി​ലെ പ​ട​ല​പ്പി​ണ​ക്ക​മ​ട​ക്കം കാ​ര​ണം ഇ​ട​തു​കൈ​ക​ളി​ലെ​ത്തി​. പ​യ്യോ​ളി മു​നി​സി​പ്പാ​ലി​റ്റി മാ​ത്ര​മാ​ണ് നിലവിൽ യു.​ഡി.​എ​ഫി​ന്റെ പ​ക്ക​ലു​ള്ള​ത്.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ യു.​ഡി.​എ​ഫി​ലെ എ​ൻ. സു​ബ്ര​ഹ്മ​ണ്യ​നെ പ​രാ​ജ​യ​പ്പെ​ടു​ത്തി എ​ൽ.​ഡി.​എ​ഫി​ലെ കാ​ന​ത്തി​ൽ ജ​മീ​ല​യാ​ണ് ജ​യി​ച്ച​ത്. അ​തേ​സ​മ​യം, ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ലെ പി. ​ജ​യ​രാ​ജ​ന് 58,755 വോ​ട്ട് കി​ട്ടി​യ​പ്പോ​ൾ യു.​ഡി.​എ​ഫി​ലെ കെ. ​മു​ര​ളീ​ധ​ര​ൻ 79,800 വോ​ട്ടു​ക​ൾ നേ​ടി.

നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫ് മു​ന്നേ​റ്റ​മു​ണ്ടാ​ക്കു​മ്പോ​ൾ പാ​ർ​ല​മെ​ന്റ് തെ​ര​ഞ്ഞെ​ടു​പ്പി​ൽ പ​ല​പ്പോ​ഴും യു.​ഡി.​എ​ഫി​നാ​ണ് മേ​ൽ​ക്കൈ. നേ​ര​ത്തേ വ​ലി​യ സ്വാ​ധീ​ന​മി​ല്ലാ​ത്ത കൊ​യി​ലാ​ണ്ടി​യു​ടെ ക​ട​ലോ​ര മേ​ഖ​ല​യി​ൽ സ​മീ​പ​കാ​ല​ത്ത് സ്വാ​ധീ​നം നേ​ടാ​ൻ ക​ഴി​ഞ്ഞ​തും ചി​ട്ട​യാ​യ പ്ര​വ​ർ​ത്ത​ന​വും ത​ങ്ങ​ൾ​ക്ക് നേ​ട്ട​മാ​കു​​മെ​ന്ന വി​ശ്വാ​സ​മാ​ണ് ഇ​ട​തു​പ​ക്ഷ​ത്തി​നു​ള്ള​ത്. ഷാ​ഫി പ​റ​മ്പി​ൽ ആ​ൾ​ക്കൂ​ട്ട​ത്തെ​യാ​ണ് അ​ഭി​സം​ബോ​ധ​ന ചെ​യ്യു​ന്ന​തെ​ന്നും ഉ​ത്സ​വ​പ്പ​റ​മ്പു​ക​ള​ട​ക്കം കേ​ന്ദ്രീ​ക​രി​ച്ചാ​ണ് പ്ര​ധാ​ന പ്ര​ചാ​ര​ണ​മെ​ന്നും ഇ​ട​തു​പ​ക്ഷം പ​റ​യു​ന്നു. ആ​രോ​ഗ്യ​മ​ന്ത്രി എ​ന്ന നി​ല​യി​ൽ ശൈ​ല​ജ ചെ​യ്ത സേ​വ​ന​വും സ്ത്രീ​ക​ൾ​ക്കി​ട​യി​ൽ അ​വ​ർ​ക്കു​ള്ള സ്വാ​ധീ​ന​വും വൈ​കി​യാ​ണെ​ങ്കി​ലും ക്ഷേ​മ​പെ​ൻ​ഷ​നു​ക​ൾ വി​ത​ര​ണം ചെ​യ്യാ​ൻ സാ​ധി​ച്ച​തും വ​ലി​യ ആ​ശ്വാ​സ​മാ​യി ഇ​ട​തു​പ​ക്ഷം ക​രു​തു​ന്നു.

എ​ന്നാ​ൽ, സം​സ്ഥാ​ന​ത്തെ ഭ​ര​ണ പ​രാ​ജ​യ​വും പാ​നൂ​രി​ലെ ബോം​ബ് സ്ഫോ​ട​ന​വും ഇ​ട​തി​ന് തി​രി​ച്ച​ടി​യാ​യ​തും ഷാ​ഫി​ക്ക് യു​വാ​ക്ക​ൾ​ക്കി​ട​യി​ലു​ള്ള ഇ​മേ​ജും പ​ര​മാ​വ​ധി യു.​ഡി.​എ​ഫ് ഉ​പ​യോ​ഗ​പ്പെ​ടു​ത്തു​ന്നു​ണ്ട്. മാ​വേ​ലി സ്റ്റോ​റി​ൽ സാ​ധ​ന​ങ്ങ​ളി​ല്ലാ​തി​രു​ന്ന​തും സ്റ്റോ​ക്ക് എ​ത്തി​യ​പ്പോ​ൾ വി​ല​ക്ക​യ​റ്റ​മു​ണ്ടാ​യ കാ​ര്യ​വും യു.​ഡി.​എ​ഫ് പ​റ​യു​ന്നു.

മു​സ്‍ലിം ലീ​ഗി​ന് ഏ​റെ സ്വാ​ധീ​ന​മു​ണ്ടി​വി​ടെ. ബി.​ജെ.​പി 16,588 വോ​ട്ടാ​ണ് ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ നേ​ടി​യ​ത്. ഇ​ത്ത​വ​ണ സ്ഥാ​നാ​ർ​ഥി പ്ര​ഫു​ൽ കൃ​ഷ്ണ വോ​ട്ട് കൂ​ട്ടാ​നു​ള്ള തീ​വ്ര​ശ്ര​മ​ത്തി​ലാ​ണ്.