വരൾച്ച നേരിടാൻ പദ്ധതിയുമായി നഗരസഭ

കൊ​യി​ലാ​ണ്ടി: വേ​ന​ൽ​ക്കാ​ല​ത്ത് ചു​ട്ടു​പൊ​ള്ളു​ന്ന നാ​ടി​നെ സം​ര​ക്ഷി​ക്കാ​ൻ പ​ദ്ധ​തി​ക​ൾ ഒ​രു​ക്കി ശ്ര​ദ്ധേ​യ​രാ​വു​ക​യാ​ണ് കൊ​യി​ലാ​ണ്ടി ന​ഗ​ര​സ​ഭ.

മു​നി​സി​പ്പ​ൽ പ​രി​ധി​യി​ൽ ഉ​ൾ​പ്പെ​ട്ട വി​വി​ധ കു​ള​ങ്ങ​ളും ജ​ലാ​ശ​യ​ങ്ങ​ളും നീ​ർ​ച്ചാ​ലു​ക​ളും സം​ര​ക്ഷി​ക്കു​ന്ന​തി​നു​ള്ള പ​ദ്ധ​തി​ക​ൾ ന​ട​പ്പി​ലാ​ക്കു​ക​യാ​ണ് ഇ​തി​ന്റെ ഭാ​ഗ​മാ​യി കൊ​യി​ലാ​ണ്ടി ന​ഗ​ര​സ​ഭ. ന​ഗ​ര​സ​ഭ​ക്ക് സ്വ​കാ​ര്യ വ്യ​ക്തി​ക​ൾ വി​ട്ടു​ന​ൽ​കി​യി​ട്ടു​ള്ള അ​ഞ്ചു കു​ള​ങ്ങ​ളു​ടെ ന​വീ​ക​ര​ണ നി​ർ​മാ​ണ പ്ര​വൃ​ത്തി​ക​ളാ​ണ് ഇ​പ്പോ​ൾ ന​ട​ന്നു​കൊ​ണ്ടി​രി​ക്കു​ന്ന​ത്.

കൊ​ല്ല​ത്തെ നാ​ണം​ചി​റ, പ​ന്ത​ലാ​യ​നി​യി​ലെ ന​മ്പി​വീ​ട്ടി​ൽ കു​ളം, അ​ണേ​ല​യി​ലെ ചെ​ട്ടി​യാ​ട്ടി​ൽ കു​ളം, കോ​മ​ത്തു​ക​ര​യി​ലെ ത​ച്ചം വ​ള്ളി​ക്കു​ളം, ഒ​റ്റ​ക്ക​ണ്ട​ത്തെ വ​ട​ക്കു​മ്പാ​ട്ട് ഇ​ല്ലം​കു​ളം എ​ന്നി​വ​യാ​ണ്. ഒ​രു കോ​ടി​യു​ടെ ചെ​ല​വി​ൽ ന​വീ​ക​ര​ണ പ്ര​വൃ​ത്തി ന​ട​ന്നു​കൊ​ണ്ടി​രി​ക്കു​ക​യാ​ണ്.

കൊ​ല്ല​ത്ത് താ​ന്നി​ക്കു​ളം ഉ​ൾ​പ്പെ​ടെ സ്വ​കാ​ര്യ വ്യ​ക്തി​ക​ളു​ടെ കു​ള​ങ്ങ​ൾ ശു​ചീ​ക​രി​ക്കാ​നും ന​വീ​ക​രി​ക്കാ​നും ആ​വ​ശ്യ​മാ​യ ഇ​ട​പെ​ട​ലു​ക​ൾ ന​ഗ​ര​സ​ഭ ന​ട​ത്തി​വ​രു​ന്ന​താ​യി അ​ധി​കൃ​ത​ർ പ​റ​ഞ്ഞു. ന​ഗ​ര​സ​ഭ​യി​ലെ വി​വി​ധ തോ​ടു​ക​ളാ​യ വാ​യ​നാ​രി തോ​ട് കൂ​മ​ൻ തോ​ട്, അ​രീ​ക്ക​ൽ തോ​ട് എ​ന്നി​വ ന​വീ​ക​രി​ക്കു​ന്ന​തി​നാ​യി ഒ​രു കോ​ടി രൂ​പ​യു​ടെ പ്ര​വൃ​ത്തി​യും ന​ട​ന്നു​കൊ​ണ്ടി​രി​ക്കു​ന്നു.

2017 കാ​ല​ത്ത് 6000 പ​രം മ​ഴ​ക്കു​ഴി​ക​ൾ നി​ർ​മി​ച്ചു​കൊ​ണ്ട് ജ​ല സം​ര​ക്ഷ​ണ പ്ര​വ​ർ​ത്ത​ന​ങ്ങ​ൾ​ക്ക് കൊ​യി​ലാ​ണ്ടി ന​ഗ​ര​സ​ഭ മാ​തൃ​ക​യാ​യി​രു​ന്നു. കൂ​ടാ​തെ ഓ​രോ വ​ർ​ഷ​വും ജ​ല​സം​ര​ക്ഷ​ണ സ​ന്ദേ​ശം ഉ​യ​ർ​ത്തി​ക്കൊ​ണ്ട് ജ​ല സാ​ക്ഷ​ര​ത​യും ജ​ല​സ​ഭ​ക​ളും സം​ഘ​ടി​പ്പി​ച്ചു​വ​രു​ന്ന​താ​യി അ​ധി​കാ​രി​ക​ൾ പ​റ​ഞ്ഞു.

ജ​ല​സം​ര​ക്ഷ​ണ​ത്തി​ന്റെ സ​ന്ദേ​ശം ജ​ന​ങ്ങ​ളി​ൽ എ​ത്തി​ക്കാ​നും പ​ദ്ധ​തി​യു​ണ്ട്. രൂ​ക്ഷ​മാ​യ കു​ടി​വെ​ള്ള ക്ഷാ​മം പ​രി​ഹ​രി​ക്കു​ന്ന​തി​നാ​യി 40 ല​ക്ഷം ചെ​ല​വി​ൽ ടാ​ങ്ക​റി​ൽ പൊ​തു ഇ​ട​ങ്ങ​ളി​ൽ കു​ടി​വെ​ള്ള വി​ത​ര​ണ​വും ന​ട​ത്തി​വ​രു​ന്നു. ന​ഗ​ര​ത്തി​ൽ എ​ത്തു​ന്ന​വ​ർ​ക്ക് ശു​ദ്ധ​ജ​ലം വി​ത​ര​ണം ചെ​യ്യു​ന്ന​തി​നാ​യി ബ​സ് സ്റ്റാ​ൻ​ഡി​ൽ പ്ര​ത്യേ​ക കു​ടി​വെ​ള്ള കി​യോ​സ്കും ഇ​തി​ന്റെ ഭാ​ഗ​മാ​യി ഏ​ർ​പ്പെ​ടു​ത്തി​യി​ട്ടു​ണ്ട്.

സ്വ​കാ​ര്യ വ്യ​ക്തി​ക​ളു​ടെ കു​ള​ങ്ങ​ൾ ഏ​റ്റെ​ടു​ക്കു​ന്ന​തി​നും ന​വീ​ക​രി​ക്കു​ന്ന​തി​നും ന​ട​പ​ടി​ക​ളാ​യി വ​രു​ന്നു. തൊ​ഴി​ലു​റ​പ്പ്, ഹ​രി​ത ക​ർ​മ​സേ​ന, റ​സി​ഡ​ൻ​റ്സ് അ​സോ​സി​യേ​ഷ​ൻ, സ​ന്ന​ദ്ധ സം​ഘ​ട​ന​ക​ൾ എ​ന്നി​വ​രു​ടെ സ​ഹ​ക​ര​ണ​ത്തോ​ടെ​യാ​ണ് പ​ദ്ധ​തി​ക​ൾ ന​ട​പ്പി​ലാ​ക്കു​ക.