ദേശീയപാത നിർമാണം: വലഞ്ഞ് ജനം, മഴ ശക്തമായതോടെ പ്രശ്നം രൂക്ഷം

കൊ​യി​ലാ​ണ്ടി: ദേ​ശീ​യ​പാ​ത വി​ക​സ​ന​ത്തി​ന്റെ പ്ര​വൃ​ത്തി​ക​ൾ ജ​ന​ജീ​വി​തം ദു​സ്സ​ഹ​മാ​ക്കു​ന്നു. പ​യ്യോ​ളി മു​ത​ൽ വെ​ങ്ങ​ളം വ​രെ ക​ട​ന്നു​കി​ട്ടാ​ൻ യാ​ത്ര​ക്കാ​ർ​ക്ക് ഉ​ള്ളം​കൈ​യി​ൽ ജീ​വ​ൻ മു​റു​കെ​പ്പി​ടി​ക്കേ​ണ്ട അ​വ​സ്ഥ​യാ​ണ്. തു​ട​ർ​ച്ച​യാ​യി ഉ​ണ്ടാ​വു​ന്ന ഗ​താ​ഗ​ത​ക്കു​രു​ക്കും അ​പ​ക​ട​ങ്ങ​ളും യാ​ത്ര​ക്കാ​രെ നി​ര​ന്ത​രം പ്ര​യാ​സ​പ്പെ​ടു​ത്തു​ന്നു. മ​ഴ ശ​ക്ത​മാ​യ​തോ​ടെ​യാ​ണ് പ്ര​ശ്നം രൂ​ക്ഷ​മാ​യ​ത്.

മ​ഴ പെ​യ്തി​റ​ങ്ങു​ന്ന വെ​ള്ളം ഒ​ഴി​ഞ്ഞു​പോ​കാ​ൻ സം​വി​ധാ​ന​മി​ല്ലാ​ത്ത​തും റോ​ഡു​ക​ൾ പാ​ടെ ത​ക​ർ​ന്ന​തും വ​ശ​ങ്ങ​ളി​ൽ​നി​ന്ന് റോ​ഡി​ലേ​ക്ക് മ​ണ്ണും ക​ല്ലും ഇ​ടി​ഞ്ഞു​താ​ഴു​ന്ന​തും വാ​ഹ​ന​ഗ​താ​ഗ​ത​ത്തി​ന് ത​ട​സ്സ​മാ​വു​ന്നു. രാ​വി​ലെ തു​ട​ങ്ങു​ന്ന ഗ​താ​ഗ​ത​ക്കു​രു​ക്കി​ൽ വി​ദ്യാ​ർ​ഥി​ക​ൾ, ഓ​ഫി​സ് ജീ​വ​ന​ക്കാ​ർ, കൂ​ലി​പ്പ​ണി​ക്കാ​ർ തു​ട​ങ്ങി എ​ല്ലാ​വ​രും കു​രു​ങ്ങു​ന്ന സാ​ഹ​ച​ര്യ​മാ​ണ്.

മ​ഴ​ക്കാ​ല​ത്തെ മു​ന്നി​ൽ​ക​ണ്ട് ഒ​രാ​സൂ​ത്ര​ണ​വും കോ​ൺ​ട്രാ​ക്റ്റ് ഏ​റ്റെ​ടു​ത്ത വ​ഗാ​ഡ് ക​മ്പ​നി ചെ​യ്തി​ല്ലെ​ന്നും എ​ൻ.​എ​ച്ച് അ​തോ​റി​റ്റി ഇ​ക്കാ​ര്യ​ത്തി​ൽ ജാ​ഗ്ര​ത പു​ല​ർ​ത്തി​യി​ല്ലെ​ന്നും പ​രാ​തി ഉ​യ​രു​ന്നു. നി​ർ​മാ​ണ പ്ര​വൃ​ത്തി​യു​ടെ ഭാ​ഗ​മാ​യി റോ​ഡി​ന്റെ ദി​ശ ഇ​ട​ക്കി​ടെ മാ​റ്റു​മ്പോ​ൾ കൃ​ത്യ​മാ​യ സി​ഗ്ന​ൽ ലൈ​റ്റു​ക​ളോ, ജീ​വ​ന​ക്കാ​രെ​യോ അ​പ​ക​ട​സൂ​ച​ന അ​റി​യി​ക്കാ​ൻ നി​യോ​ഗി​ക്കു​ന്നി​ല്ല.

നേ​ര​ത്തെ, ചു​വ​പ്പും പ​ച്ച​യും പി​ടി​ച്ച് അ​പ​ക​ട സൂ​ച​ന​യും യാ​ത്രാ​നു​മ​തി​യും ന​ൽ​കു​ക പ​തി​വാ​യി​രു​ന്നു. ബ​സു​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ സ​മ​യ​കൃ​ത്യ​ത പാ​ലി​ക്കാ​ൻ ക​ഴി​യാ​തെ, കു​രു​ക്ക​ഴി​യു​മ്പോ​ൾ വേ​ഗം കൂ​ട്ടു​ന്ന​തി​നാ​ൽ അ​പ​ക​ട​വും പ​തി​വാ​ണ്.

പൂ​ക്കാ​ട്, പൊ​യി​ൽ​ക്കാ​വ് ഭാ​ഗ​ത്ത് വാ​ഹ​ന​ങ്ങ​ൾ തി​ക്കി​ത്തി​ര​ക്കി ഓ​ടു​ന്ന​തി​നാ​ൽ അ​പ​ക​ട​വും വ​ർ​ധി​ക്കു​ന്നു. ആ​റു​വ​രി പാ​ത കു​റു​കെ ക​ട​ന്ന് ഗ്രാ​മ​പ്ര​ദേ​ശ​ങ്ങ​ളി​ലേ​ക്ക് പോ​വു​ന്ന കൊ​യി​ലാ​ണ്ടി-​അ​രി​ക്കു​ളം, കൊ​ല്ലം-​നെ​ല്ലി​യാ​ടി​ക്ക​ട​വ് ഭാ​ഗ​ത്തെ അ​ടി​പ്പാ​ത​യി​ൽ വെ​ള്ളം ക​യ​റി​നി​ൽ​ക്കു​ന്ന​തും ഗു​രു​ത​ര യാ​ത്രാ​പ്ര​ശ്നം സൃ​ഷ്ടി​ക്കു​ന്നു. പ​ല​സ്ഥ​ല​ത്തും പ്ര​തി​ഷേ​ധ പ​രി​പാ​ടി​ക​ൾ ന​ട​ത്തി​യി​ട്ടും കോ​ൺ​ട്രാ​ക്ട് ഏ​റ്റെ​ടു​ത്ത ക​മ്പ​നി ഒ​രു പ​രി​ഹാ​ര​വും ചെ​യ്തി​ട്ടി​ല്ല. ആം​ബു​ല​ൻ​സി​നു​പോ​ലും ക​ട​ന്നു​പോ​കാ​ൻ ക​ഴി​യാ​ത്ത കു​രു​ക്കാ​ണ് രൂ​പ​പ്പെ​ടു​ന്ന​ത്.