നെല്യാടിപ്പുഴയിലൂടെ സഞ്ചരിക്കാം; പ്രകൃതിസൗന്ദര്യം ആസ്വദിക്കാം

കൊ​യി​ലാ​ണ്ടി: നെ​ല്യാ​ടി​പ്പു​ഴ​യു​ടെ ഓ​ള​പ്പ​ര​പ്പി​ലൂ​ടെ ഇ​നി ആ​ർ​ത്തു​ല്ല​സി​ക്കാം. നെ​ല്യാ​ടി​പ്പു​ഴ​യും ഇ​രു​ക​ര​ക​ളി​ലു​മു​ള്ള നാ​ടു​ക​ളും കൊ​യി​ലാ​ണ്ടി​യു​ടെ പൈ​തൃ​ക സം​സ്കാ​ര​വും സ​ഞ്ചാ​രി​ക​ൾ​ക്ക് അ​നു​ഭ​വ​വേ​ദ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ രൂ​പ​വ​ത്ക​രി​ച്ച കോ​ഴി​ക്കോ​ട് ലെ​ഷ​ർ ടൂ​റി​സം പ്രൈ​വ​റ്റ് ലി​മി​റ്റ​ഡി​ന്റെ നേ​തൃ​ത്വ​ത്തി​ലാ​ണ് പു​ഴ​യി​ലൂ​ടെ​യു​ള്ള സ​ഞ്ചാ​രം ഒ​രു​ക്കു​ന്ന​ത്.

ഷി​ക്കാ​ര വ​ഞ്ചി​യി​ലൂ​ടെ​യു​ള്ള ഉ​ല്ലാ​സ​യാ​ത്ര​യി​ൽ പു​ഴ​യു​ടെ ഇ​രു​ക​ര​ക​ളി​ലു​മു​ള്ള ഇ​ട​തൂ​ർ​ന്ന ക​ണ്ട​ൽ​ക്കാ​ടു​ക​ൾ, ദേ​ശാ​ട​ന​പ്പ​ക്ഷി​ക​ളു​ടെ​യും നീ​ർ​നാ​യ്ക്ക​ളു​ടെ​യും ആ​വാ​സ കേ​ന്ദ്ര​ങ്ങ​ൾ എ​ന്നി​വ ദ​ർ​ശി​ക്കാം.

ഏ​തു പ്രാ​യ​ക്കാ​ർ​ക്കും ആ​സ്വ​ദി​ക്കാ​ൻ ക​ഴി​യു​ന്ന പെ​ഡ​ൽ ബോ​ട്ടി​ങ്, സെ​യി​ലി​ങ്, ക​യാ​ക്കി​ങ്, ക​യാ​ക്കി​ങ് പ​രി​ശീ​ല​നം, ആം​ഫി തി​യ​റ്റ​ർ, മാ​ജി​ക് ഷോ, ​ക​ള​രി​പ്പ​യ​റ്റ്, പു​ഴ​യോ​ര റ​സ്റ്റാ​റ​ന്റ്, കാ​ൻ​ഡി​ൽ ലൈ​റ്റ് ഡി​ന്ന​ർ, ജൈ​വ​വൈ​വി​ധ്യ വ​ന​ങ്ങ​ൾ സ​ന്ദ​ർ​ശി​ക്ക​ൽ, പ​ര​മ്പ​രാ​ഗ​ത കൈ​ത്തൊ​ഴി​ലു​ക​ൾ, പൈ​തൃ​ക ക​ലാ​രൂ​പ​ങ്ങ​ൾ പ​രി​ച​യ​പ്പെ​ടു​ത്തു​ന്ന പ​ദ്ധ​തി​ക​ൾ എ​ന്നി​വ​യു​മു​ണ്ട്. ആ​സ്വാ​ദ്യ​ക​ര​മാ​യ ഒ​ത്തു​ചേ​ര​ലു​ക​ളും ന​ട​ത്താം.

കേ​ര​ള ഉ​ത്ത​ര​വാ​ദി​ത്ത ടൂ​റി​സം മി​ഷ​ന്റെ അം​ഗീ​കാ​രം ല​ഭി​ച്ചി​ട്ടു​ണ്ട്. ഞാ​യ​റാ​ഴ്ച രാ​വി​ലെ 9.30ന് ​ടൂ​റി​സം പ​ദ്ധ​തി കാ​ന​ത്തി​ൽ ജ​മീ​ല എം.​എ​ൽ.​എ ഉ​ദ്ഘാ​ട​നം ചെ​യ്യും. കെ.​ടി. ര​ഘു​നാ​ഥ്, ഡോ. ​കെ.​ടി. അ​മ​ർ​ജി​ത്ത്, ദ​യാ​ന​ന്ദ​ൻ, ശ്രീ​കു​മാ​ർ എ​ന്നി​വ​ർ നേ​തൃ​ത്വം ന​ൽ​കും.