തെ​രു​വു​നാ​യ് ശ​ല്യം രൂ​ക്ഷം

കൊ​യി​ലാ​ണ്ടി: ന​ഗ​ര​സ​ഭ​യി​ൽ തെ​രു​വ് നാ​യ്ക്ക​ളു​ടെ ശ​ല്യം ​രൂ​ക്ഷ​മാ​യി. കു​റ​ച്ചു ദി​വ​സ​മാ​യി കൊ​യി​ലാ​ണ്ടി ന​ഗ​ര​സ​ഭ​യി​ലെ 33ാംവാ​ർ​ഡി​ലെ പ​യ​റ്റു​വ​ള​പ്പി​ൽ, എ​മ​മ​ച്ചം ക​ണ്ടി, കൊ​ര​യ​ങ്ങാ​ട് തെ​രു​വ് ഭാ​ഗ​ങ്ങ​ളി​ൽ തെ​രു​വ്നാ​യ് ശ​ല്യം വ​ർ​ധി​ച്ചു​വ​രു​ക​യാ​ണ്. ക​ഴി​ഞ്ഞ ദി​വ​സം കൊ​ര​യ​ങ്ങാ​ട് തെ​രു​വി​ൽ വി​ദ്യാ​ർ​ഥി​യെ തെ​രു​വു​നാ​യ് ക​ടി​ച്ച് മാ​ര​ക പ​രി​ക്കേ​ൽ​പി​ച്ചു.

ഇ​ന്ന​ലെ പയ​റ്റു​വ​ള​പ്പി​ൽ പ്ര​ദേ​ശ​ത്ത് ക​ണ്ടോ​ത്ത് റി​യാ​സ് മ​ൻ​സി​ലി​ലെ ഹു​സൈ​ൻ കോ​യ എ​ന്ന വ​യോ​ധി​ക​നെ തെ​രു​വ് നാ​യു​ടെ ക​ടി​യേ​റ്റ് കൊ​യി​ലാ​ണ്ടി താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്. വി​ദ്യാ​ർ​ഥി​ക​ൾ​ക്കും ജ​ന​ങ്ങ​ൾ​ക്കും പു​റ​ത്തി​റ​ങ്ങാ​ൻ സാ​ധി​ക്കാ​ത്ത അ​വ​സ്ഥ​യാ​ണ് നാ​ട്ടി​ലു​ള്ളlത്.

ഇ​തി​നെ​തി​രെ ന​ഗ​ര​സ​ഭ​യു​ടെ ഭാ​ഗ​ത്തു​നി​ന്നും ശ​ക്ത​മാ​യ ന​ട​പ​ടി​ക​ൾ ഉ​ണ്ടാ​വ​ണ​മെ​ന്നും അ​ട​ഞ്ഞു​കി​ട​ക്കു​ന്ന എ.​ബി.​സി സെ​ന്റ​റു​ക​ൾ തു​റ​ന്നു പ്ര​വ​ർ​ത്തി​പ്പി​ച്ച് തെ​രു​വ് നാ​യ്ക്ക​ളെ വ​ന്ധീ​ക​ര​ണം ചെ​യ്യു​ന്ന ന​ട​പ​ടി പു​ന​രാ​രം​ഭി​ക്ക​ണ​മെ​ന്നും കോ​ൺ​ഗ്ര​സ് നേ​താ​വും വാ​ർ​ഡ് കൗ​ൺ​സി​ല​റു​മാ​യ മ​നോ​ജ് പ​യ​റ്റുവ​ള​പ്പി​ൽ പ​റ​ഞ്ഞു. അ​ല്ലാ​ത്ത​പ​ക്ഷം പൊ​തു​ജ​ന​ങ്ങ​ളെ അ​ണി​നി​ര​ത്തി ശ​ക്ത​മാ​യ സ​മ​ര​വു​മാ​യി മു​ന്നോ​ട്ടു പോ​കു​മെ​ന്നും കൂട്ടിച്ചേർത്തു.