കോഴിക്കോട് കെ.​എ​സ്.​ആ​ർ.​ടി.​സി ടെർമിനലിൽ എ.​സി ലോ​ഞ്ച് ഒ​രു​ങ്ങു​ന്നു; ഇനി വിയർത്തൊലിക്കാതെ വിശ്രമിക്കാം

കോ​ഴി​ക്കോ​ട്: കാ​റ്റും വെ​ളി​ച്ച​വും ക​ട​ക്കാ​തെ യാ​ത്ര​ക്കാ​ർ വി​ങ്ങി​പ്പു​ക​യു​ന്ന കോ​ഴി​ക്കോ​ട് കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ൽ യാ​ത്ര​ക്കാ​ർ​ക്ക് വി​ശ്ര​മി​ക്കാ​ൻ എ.​സി ലോ​ഞ്ച് ഒ​രു​ങ്ങു​ന്നു. പ​ണ​മ​ട​ച്ച് സ്ത്രീ​ക​ൾ​ക്കും കു​ടും​ബ​ങ്ങ​ൾ​ക്കും ഇ​നി ശീ​തീ​ക​രി​ച്ച മു​റി​യി​ൽ വി​ശ്ര​മി​ക്കാം. ബ​സ് സ്റ്റാ​ൻ​ഡി​ൽ ടി​ക്ക​റ്റ് റി​സ​ർ​വേ​ഷ​ൻ അ​ന്വേ​ഷ​ണ കൗ​ണ്ട​റി​നോ​ട് ചേ​ർ​ന്നാ​ണ് എ.​സി വി​ശ്ര​മ മു​റി സ​ജ്ജീ​ക​രി​ക്കു​ന്ന​ത്. ടി​ക്ക​റ്റ് ഇ​ത​ര വ​രു​മാ​നം വ​ർ​ധി​പ്പി​ക്കു​ന്ന​തി​ന്‍റെ ഭാ​ഗ​മാ​യാ​ണ് കെ.എ​സ്.​ആ​ർ.​ടി.​സി​യു​ടെ വാ​ട​ക​ക്ക് ന​ൽ​കു​ന്ന എ.​സി ഇ​രി​പ്പി​ട​ങ്ങ​ൾ ഒ​രു​ക്കു​ന്ന​ത്.

480 സ്ക്വ​യ​ർ ഫീ​റ്റ് വീ​തി​യി​ലാ​ണ് ലോ​ഞ്ച് ഒ​രു​ങ്ങു​ക. 36 സീ​റ്റി​ൽ കു​ടും​ബ​ത്തി​നും വ​നി​ത​ക​ൾ​ക്കും ഇ​രി​ക്കാ​ൻ പ്ര​ത്യേ​ക സൗ​ക​ര്യം ഒ​രു​ക്കു​ന്നു​ണ്ട്. വ​നി​ത​ക​ൾ​ക്ക് മാ​ത്ര​മാ​യി ഒ​മ്പ​ത് സീ​റ്റും കു​ടും​ബ​മാ​യി എ​ത്തു​ന്ന​വ​ർ​ക്ക് ഇ​രി​ക്കാ​ൻ 27 സീ​റ്റും. വ​നി​ത​ക​ളു​ടെ സീ​റ്റി​നോ​ട് ചേ​ർ​ന്ന് മു​ല​യൂ​ട്ട​ൽ റൂ​മും സ​ജ്ജീ​ക​രി​ക്കും. ഉ​ദ്ഘാ​ട​നം ക​ഴി​ഞ്ഞ​ശേ​ഷം ആ​വ​ശ്യ​ത്തി​ന് അ​നു​സ​രി​ച്ച് സീ​റ്റു​ക​ളു​ടെ എ​ണ്ണം വ​ർ​ധി​പ്പി​ക്കു​ന്ന​ത് പ​രി​ഗ​ണി​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു.

സ്വ​കാ​ര്യ മൊ​ബൈ​ൽ ക​മ്പ​നി സി.​എ​സ്.​ആ​ർ ഫ​ണ്ടി​ൽനി​ന്ന് പ​ണം ചെ​ല​വ​ഴി​ച്ചാ​ണ് കെ.​എ​സ്.​ആ​ർ.​ടി.​സി​ക്ക് എ.​സി വി​ശ്ര​മ മു​റി നി​ർ​മി​ച്ചു​ന​ൽ​കു​ന്ന​ത്. പ​ണി ക​ഴി​ഞ്ഞാ​ലു​ട​ൻ ഇ​ത് കെ.​എ​സ്.​ആ​ർ.​ടി.​സി​ക്ക് കൈ​മാ​റും. ദീ​ർ​ഘ​ദൂ​ര യാ​ത്ര​ക്കാ​യി എ​ത്തു​ന്ന കു​ടും​ബ​ങ്ങ​ൾ​ക്കും ത​നി​ച്ച് യാ​ത്ര ചെ​യ്യു​ന്ന സ്ത്രീ​ക​ൾ​ക്കും ഇ​ത് ഏ​റെ ഉ​പ​കാ​ര​പ്ര​ദ​മാ​കും. നേ​ര​ത്തെ തി​രു​വ​ന​ന്ത​പു​രം അ​ങ്ക​മാ​ലി സ്റ്റാ​ൻ​ഡു​ക​ളി​ൽ എ.​സി വി​ശ്ര​മ​മു​റി തു​റ​ന്നി​ട്ടു​ണ്ട്. 22 ല​ക്ഷം രൂ​പ ചെ​ല​വി​ലാ​ണ് ക​മ്പ​നി വി​ശ്ര​മ മു​റി​ക​ൾ ഒ​രു​ക്കു​ന്ന​ത്. ഇ​വി​ട​ങ്ങ​ളി​ൽ എ.​സി വി​ശ്ര​മു​റി​യി​ൽ സീ​റ്റൊ​ന്നി​ന് മ​ണി​ക്കൂ​റി​ൽ 30 രൂ​പ​യാ​ണ് ഈ​ടാ​ക്കു​ന്ന​തെ​ന്നാ​ണ് വി​വ​രം. എ​ന്നാ​ൽ, കോ​ഴി​ക്കോ​ട്ട് വാ​ട​ക നി​ശ്ച​യി​ച്ചി​ട്ടി​ല്ലെ​ന്ന് അ​ധി​കൃ​ത​ർ അ​റി​യി​ച്ചു.

സാ​ധാ​ര​ണ​ക്കാ​രു​ടെ സൗ​ക​ര്യം അ​പ​ഹ​രി​ക്കും

കെ.​എ​സ്.​ആ​ർ.​ടി.​സി ടി​ക്ക​റ്റി​ത​ര വ​രു​മാ​നം വ​ർ​ധി​ക്കു​ന്ന​തി​നു​ള്ള എ.​സി വി​ശ്ര​മ മു​റി സാ​ധാ​ര​ണ​ക്കാ​രാ​യ ‍യാ​ത്ര​ക്കാ​ർ​ക്ക് ഇ​രി​ക്കാ​ൻ പ​രി​മി​ത​മാ​യ സൗ​ക​ര്യം അ​പ​ഹ​രി​ക്കു​ന്ന​താ​ണെ​ന്ന് ആ​ക്ഷേ​പം. ബ​സ് സ്റ്റാ​ൻ​ഡി​ൽ യാ​ത്ര​ക്കാ​ർ​ക്ക് ഇ​രി​പ്പി​ടം ഒ​രു​ക്കി​യ ഭാ​ഗ​ത്ത് വ​ലി​യൊ​രു ഭാ​ഗം ക​വ​ർ​ന്നാ​ണ് എ.​സി വി​ശ്ര​മമു​റി ഒ​രു​ക്കു​ന്ന​ത്. സാ​ധാ​ര​ണ​ക്കാ​ർ​ക്കാ​ർ ഇ​രി​ക്കാ​നു​ള്ള സൗ​ക​ര്യം ക​വ​ർ​ന്നെ​ടു​ത്ത് എ.​സി വി​ശ്ര​മ മു​റി​ക​ൾ ഒ​രു​ക്കു​ന്ന​തി​നെ​തി​രെ പ്ര​തി​ഷേ​ധം ശ​ക്ത​മാ​ണ്. വെ​യി​റ്റി​ങ് ഏ​രി​യ​യി​ൽ നി​ൽ​ക്കാ​ൻ പോ​ലും ഇ​ട​മി​ല്ലാ​തെ യാ​ത്ര​ക്കാ​ർ ട്രാ​ക്കി​ലേ​ക്ക് ഇ​റ​ങ്ങി ന​ട​ക്കു​ന്ന അ​വ​സ്ഥ നി​ല​നി​ൽ​ക്കു​ന്ന​തി​നി​ടെ​യാ​ണ് ആ​കെ​യു​ള്ള സ്ഥ​ലം​കൂ​ടി ക​വ​ർ​ന്ന് വാ​ടകക്ക് കൊ​ടു​ക്കു​ന്ന​ത്. മാ​ത്ര​മ​ല്ല സ്റ്റാ​ൻ​ഡി​ൽ ലോ​ക്ക​ൽ ബ​സു​ക​ൾ നി​ർ​ത്തി​യി​ടു​ന്ന ഭാ​ഗ​ത്ത് പു​രു​ഷ​ൻ​മാ​ർ​ക്കു​ള്ള ശു​ചി​മു​റി​യി​ൽ​നി​ന്നു​ള്ള ദു​ർ​ഗ​ന്ധം കാ​ര​ണം യാ​ത്ര​ക്കാ​ർ​ക്ക് നി​ൽ​ക്കാ​ൻ ക​ഴി​യി​ല്ല. ഈ ​ഭാ​ഗ​ത്ത് യാ​ത്ര​ക്കാ​ർ ഇ​രി​ക്കാ​ൻ ആ​വ​ശ്യ​ത്തി​ന് ഇ​രി​പ്പി​ട​വുമില്ല.