കോഴിക്കോട്-പാലക്കാട് ഗ്രീന്‍ഫീല്‍ഡ് ഹൈവേ; ഹിയറിങ് തുടങ്ങി

കോ​ഴി​ക്കോ​ട്: കോ​ഴി​ക്കോ​ട്-​പാ​ല​ക്കാ​ട് ഗ്രീ​ന്‍ഫീ​ല്‍ഡ് ഹൈ​വേ​യു​മാ​യി ബ​ന്ധ​പ്പെ​ട്ട് സ്ഥ​ലം വി​ട്ടു​കൊ​ടു​ത്ത പെ​രു​മ​ണ്ണ, ഒ​ള​വ​ണ്ണ വി​ല്ലേ​ജു​ക​ളി​ലു​ള്ള​വ​രു​മാ​യി ക​ല​ക്ട​ര്‍ ന​ട​ത്തു​ന്ന ഹി​യ​റി​ങ് ക​ല​ക്ട​റേ​റ്റ് കോ​ണ്‍ഫ​റ​ന്‍സ് ഹാ​ളി​ല്‍ തു​ട​ങ്ങി. 292 പേ​രെ​യാ​ണ് വ്യാ​ഴാ​ഴ്ച​യും വെ​ള്ളി​യാ​ഴ്ച​യു​മാ​യി ന​ട​ക്കു​ന്ന ഹി​യ​റി​ങ്ങി​ല്‍ ആ​ര്‍ബി​ട്രേ​റ്റ​ര്‍ ആ​യ ക​ല​ക്ട​ര്‍ സ്‌​നേ​ഹി​ല്‍ കു​മാ​ര്‍ സി​ങ് വി​ളി​പ്പി​ച്ച​ത്. വ്യാ​ഴാ​ഴ്ച ന​ട​ന്ന ഹി​യ​റി​ങ്ങി​ല്‍ 143 പേ​ര്‍ പ​ങ്കെ​ടു​ത്തു. 121 കി​ലോ​മീ​റ്റ​ര്‍ വ​രു​ന്ന നി​ര്‍ദി​ഷ്ട ഗ്രീ​ന്‍ഫീ​ല്‍ഡ് ഹൈ​വേ റോ​ഡി​നാ​യി ഭൂ​മി ഏ​റ്റെ​ടു​ത്ത്, ന​ഷ്ട​പ​രി​ഹാ​ര​ത്തു​ക ഏ​തെ​ങ്കി​ലും ഗ​ഡു ല​ഭി​ച്ച​വ​രാ​ണ് ഹി​യ​റി​ങ്ങി​ന് എ​ത്തു​ക. കോ​ഴി​ക്കോ​ട്, മ​ല​പ്പു​റം, പാ​ല​ക്കാ​ട് ജി​ല്ല​ക​ളി​ലൂ​ടെ ക​ട​ന്നു​പോ​കു​ന്ന നി​ര്‍ദി​ഷ്ട ഹൈ​വേ​യു​ടെ 6.06 കി​ലോ​മീ​റ്റ​ര്‍ ആ​ണ് കോ​ഴി​ക്കോ​ട് ജി​ല്ല​യി​ല്‍ വ​രു​ന്ന​ത്. പ​ന്തീ​രാ​ങ്കാ​വി​ന് അ​ടു​ത്ത് കൂ​ട​ത്തും​പാ​റ​യി​ല്‍നി​ന്ന് തു​ട​ങ്ങു​ന്ന പാ​ത പാ​ല​ക്കാ​ട് മ​രു​ത റോ​ഡി​ല്‍ അ​വ​സാ​നി​ക്കും.

ഭൂ​മി ഏ​റ്റെ​ടു​ത്ത വ​ക​യി​ല്‍ ഇ​തി​ന​കം 188 കോ​ടി രൂ​പ​യാ​ണ് ഭൂ​മി വി​ട്ടു​ന​ല്‍കി​യ ഉ​ട​മ​ക​ള്‍ക്ക് ന​ഷ്ട​പ​രി​ഹാ​ര​മാ​യി വി​ത​ര​ണം​ചെ​യ്ത​ത്. ഭൂ​മി​ക്ക് നി​ശ്ച​യി​ച്ച അ​ടി​സ്ഥാ​ന​വി​ല ചി​ല​യി​ട​ങ്ങ​ളി​ൽ കൂ​ടു​ത​ലാ​ണെ​ന്ന് ചൂ​ണ്ടി​ക്കാ​ട്ടി ദേ​ശീ​യ​പാ​ത അ​തോ​റി​റ്റി ജി​ല്ല ക​ല​ക്ട​റെ സ​മീ​പി​ച്ചി​രു​ന്നു. ഇ​തി​നു​ശേ​ഷം അ​ടി​സ്ഥാ​ന​വി​ല പു​തു​ക്കി നി​ശ്ച​യി​ച്ചു. ഇ​തി​നി​ടെ ഭൂ​വു​ട​മ​ക​ള്‍ ഹൈ​കോ​ട​തി​യെ സ​മീ​പി​ച്ച​തി​നെ തു​ട​ര്‍ന്ന് അ​വ​രെ കേ​ള്‍ക്കാ​ന്‍ കോ​ട​തി ഉ​ത്ത​ര​വി​ട്ടി​രു​ന്നു. തു​ട​ര്‍ന്നാ​ണ് ക​ല​ക്ട​ര്‍ ഹി​യ​റി​ങ് നി​ശ്ച​യി​ച്ച​ത്.