അത്ര സ്മാർട്ടല്ല കെ.എസ്.ഇ.ബിയുടെ സ്മാർട്ട് മീറ്റർ പദ്ധതി

കോ​ഴി​ക്കോ​ട്: സ്മാ​ർ​ട്ട് മീ​റ്റ​ർ പ​ദ്ധ​തി കെ.​എ​സ്.​ഇ.​ബി വ​ഴി ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് ജീ​വ​ന​ക്കാ​ർ പ്ര​ക്ഷോ​ഭ​ത്തി​ലേ​ക്ക്. 2025നു​ള്ളി​ൽ രാ​ജ്യ​ത്തെ മു​ഴു​വ​ൻ മീ​റ്റ​റു​ക​ളും സ്മാ​ർ​ട്ട് മീ​റ്റ​റാ​ക്ക​ണ​മെ​ന്ന കേ​ന്ദ്ര​സ​ർ​ക്കാ​ർ നി​ർ​ദേ​ശ​ത്തി​ന​നു​സ​രി​ച്ചാ​ണ് ടോ​ട്ട​ക്സ് രീ​തി​യി​ൽ സം​സ്ഥാ​ന​ത്തെ മു​ഴു​വ​ൻ വീ​ടു​ക​ളി​ലും മീ​റ്റ​ർ ഘ​ടി​പ്പി​ക്കാ​നൊ​രു​ങ്ങു​ന്ന​ത്.

ക​രാ​റെ​ടു​ക്കു​ന്ന ക​മ്പ​നി മു​ൻ​കൂ​റാ​യി മു​ഴു​വ​ൻ ചെ​ല​വും വ​ഹി​ക്കു​ക​യും ഈ ​തു​ക ഉ​പ​ഭോ​ക്താ​ക്ക​ളി​ൽ നി​ന്ന് വൈ​ദ്യു​തി ബി​ല്ലി​നൊ​പ്പം പി​ന്നീ​ട് ഈ​ടാ​ക്കു​ന്ന​തു​മാ​ണ് ടോ​ട്ട​ക്സ് രീ​തി. അ​ത​നു​സ​രി​ച്ച് ഒ​രു മീ​റ്റ​റി​ന് ചെ​ല​വാ​കു​ന്ന 9400 രൂ​പ മാ​സ​ബി​ല്ലി​നൊ​പ്പം ഉ​പ​ഭോ​ക്താ​ക്ക​ളി​ൽ​നി​ന്ന് തി​രി​ച്ചു​പി​ടി​ക്കാ​നാ​ണ് കെ.​എ​സ്.​ഇ.​ബി ഉ​ദ്ദേ​ശി​ക്കു​ന്ന​ത്. അ​ങ്ങ​നെ​യെ​ങ്കി​ൽ ഉ​പ​ഭോ​ക്താ​വി​ന്‍റെ ഓ​രോ ബി​ല്ലി​ലും 200 രൂ​പ​യു​ടെ വ​ർ​ധ​ന​യെ​ങ്കി​ലും ഉ​ണ്ടാ​കു​മെ​ന്ന് നാ​ഷ​ന​ൽ കോ​ഓ​ഡി​നേ​ഷ​ൻ ക​മ്മി​റ്റി ഓ​ഫ് ഇ​ല​ക്ട്രി​സി​റ്റി എം​പ്ലോ​യി​സ് ആ​ൻ​ഡ് എ​ൻ​ജി​നി​യേ​ഴ്സ് ആ​രോ​പി​ക്കു​ന്നു. ക​രാ​റെ​ടു​ക്കു​ന്ന ക​മ്പ​നി മു​ഴു​വ​ൻ തു​ക​യും ആ​ദ്യം വ​ഹി​ക്കു​മെ​ന്ന​താ​ണ് ഇ​തി​ന്‍റെ ഗു​ണ​മാ​യി കേ​ന്ദ്ര​സ​ർ​ക്കാ​ർ ചൂ​ണ്ടി​ക്കാ​ട്ടു​ന്ന​ത്. എ​ന്നാ​ൽ, ക​രാ​റു​കാ​ർ പ​ദ്ധ​തി ചെ​ല​വും ലാ​ഭ​വും അ​ട​ക്ക​മു​ള്ള തു​ക തി​രി​ച്ചു​പി​ടി​ക്കു​മെ​ന്ന​തി​നാ​ൽ ഉ​പ​ഭോ​ക്താ​വാ​യി​രി​ക്കും ഈ ​ഭാ​രം മു​ഴു​വ​ൻ വ​ഹി​ക്കേ​ണ്ടി വ​രു​ക.

കെ.​എ​സ്.​ഇ.​ബി​യു​ടെ 95 ല​ക്ഷ​ത്തോ​ളം വ​രു​ന്ന ഗാ​ർ​ഹി​ക ഉ​പ​ഭോ​ക്താ​ക്ക​ളി​ൽ 58 ല​ക്ഷ​ത്തോ​ളം പ്ര​തി​മാ​സം 100 യൂ​നി​റ്റി​ൽ താ​ഴെ വൈ​ദ്യു​തി ഉ​പ​യോ​ഗി​ക്കു​ന്ന​വ​രാ​ണ്. ഇ​തി​ൽ 27 ല​ക്ഷം പേ​ർ 50 യൂ​നി​റ്റി​ൽ താ​ഴെ ഉ​പ​യോ​ഗി​ക്കു​ന്ന​വ​രാ​ണ്.

ഇ​വ​രു​ടെ പ്ര​തി​മാ​സ വൈ​ദ്യു​തി നി​ര​ക്ക് 150 രൂ​പ​യി​ൽ താ​ഴെ​യാ​ണ്. സ്മാ​ർ​ട്ട് മീ​റ്റ​റി​ന്‍റെ പ​ണം​കൂ​ടി അ​ട​ക്കേ​ണ്ടി വ​രു​ന്ന​തോ​ടെ ഇ​വ​രു​ടെ വൈ​ദ്യു​തി നി​ര​ക്ക് ഇ​ര​ട്ടി​യാ​യി ഉ​യ​രും. മീ​റ്റ​റും അ​നു​ബ​ന്ധ സ​ജ്ജീ​ക​ര​ണ​ങ്ങ​ളും ക​ണ​ക്ടി​വി​റ്റി​യും ബി​ൽ ത​യാ​റാ​ക്കു​ന്ന​തി​നു​ള്ള സോ​ഫ്റ്റ് വെ​യ​റു​മ​ട​ക്കം എ​ല്ലാം ക​രാ​റെ​ടു​ക്കു​ന്ന ക​മ്പ​നി​യു​ടെ ചു​മ​ത​ല​യാ​യി​രി​ക്കും. ഇ​തോ​ടെ വൈ​ദ്യു​തി ബോ​ർ​ഡി​ന്‍റെ റ​വ​ന്യൂ വി​ഭാ​ഗം ചെ​യ്യു​ന്ന ജോ​ലി​ക​ളെ​ല്ലാം പു​റം​ക​രാ​ർ കൊ​ടു​ക്കു​ന്ന​തി​ലൂ​ടെ റ​വ​ന്യൂ വി​ഭാ​ഗ​ത്തി​ന്‍റെ സ്വ​കാ​ര്യ​വ​ത്ക​ര​ണം ത​ന്നെ​യാ​യി​രി​ക്കും ഫ​ല​ത്തി​ൽ സം​ഭ​വി​ക്കു​ക.

മാ​ത്ര​മ​ല്ല, കെ.​എ​സ്.​ഇ.​ബി ഈ ​വ​ർ​ഷം കേ​ന്ദ്രാ​നു​മ​തി​ക്കാ​യി 11,500 കോ​ടി​യു​ടെ പ​ദ്ധ​തി​ക​ളാ​ണ് സ​മ​ർ​പ്പി​ച്ചി​ട്ടു​ള്ള​ത്. ഇ​തി​ൽ 8000 കോ​ടി രൂ​പ​യു​ടെ പ​ദ്ധ​തി സ്മാ​ർ​ട്ട് മീ​റ്റ​റി​നു​വേ​ണ്ടി​യും 3500 കോ​ടി​യു​ടെ പ​ദ്ധ​തി നെ​റ്റ് വ​ർ​ക്ക് വി​ക​സ​ന​ത്തി​നു​മാ​യാ​ണ് സ​മ​ർ​പ്പി​ച്ചി​ട്ടു​ള്ള​ത്. സ്മാ​ർ​ട്ട് മീ​റ്റ​ർ പ​ദ്ധ​തി​ക്ക് ചെ​ല​വ​ഴി​ക്കു​ന്ന തു​ക​യു​ടെ 15 ശ​ത​മാ​നം മാ​ത്രം ഗ്രാ​ന്‍റാ​യി ല​ഭി​ക്കു​മ്പോ​ൾ നെ​റ്റ് വ​ർ​ക്ക് വി​ക​സ​ന​ത്തി​ന് 60 ശ​ത​മാ​ന​ത്തോ​ളം തു​ക ഗ്രാ​ന്‍റാ​യി ല​ഭി​ക്കും. എ​ന്നി​ട്ടും വൈ​ദ്യു​തി ബോ​ർ​ഡ് മാ​നേ​ജ്മെ​ന്‍റ് സ്മാ​ർ​ട്ട് മീ​റ്റ​ർ പ​ദ്ധ​തി​ക്ക് മു​ൻ​ഗ​ണ​ന ന​ൽ​കു​ന്ന​തെ​ന്തി​നാ​ണെ​ന്നാ​ണ് ഉ​യ​രു​ന്ന ചോ​ദ്യം. ഈ ​പ്ര​ശ്ന​ത്തി​നു​ള്ള പ​രി​ഹാ​ര​വും കോ​ഓ​ഡി​നേ​ഷ​ൻ ക​മ്മി​റ്റി​ത​ന്നെ മു​ന്നോ​ട്ടു​വെ​ക്കു​ന്നു​ണ്ട്. കേ​ന്ദ്ര പൊ​തു​മേ​ഖ​ല സ്ഥാ​പ​ന​മാ​യ സി​ഡാ​ക് കെ.​എ​സ്.​ഇ.​ബി​യു​മാ​യി ചേ​ർ​ന്ന് കു​റ​ഞ്ഞ ചെ​ല​വി​ൽ വി​ക​സി​പ്പി​ച്ച സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് സ്മാ​ർ​ട്ട് മീ​റ്റ​ർ നി​ർ​മി​ച്ച് ഉ​പ​ഭോ​ക്താ​ക്ക​ൾ​ക്ക് ന​ൽ​ക​ണ​മെ​ന്നാ​ണ് ആ​വ​ശ്യം. ഏ​ക​ദേ​ശം 1500 രൂ​പ​യോ​ളം മാ​ത്ര​മാ​യി​രി​ക്കും ഇ​തി​ന് ചെ​ല​വ് വ​രു​ക.

സം​സ്ഥാ​ന​ത്തി​ന് ഇ​ത്ത​ര​ത്തി​ലൊ​രു ബ​ദ​ൽ ന​യം ചൂ​ണ്ടി​ക്കാ​ണി​ക്കാ​വു​ന്ന​താ​ണെ​ന്ന് കോ​ഓ​ഡി​നേ​ഷ​ൻ ക​മ്മി​റ്റി വൈ​സ് പ്ര​സി​ഡ​ന്‍റ് ഇ. ​മ​നോ​ജ് പ​റ​ഞ്ഞു. വൈ​ദ്യു​തി രം​ഗ​ത്തെ സ​മ്പൂ​ർ​ണ സ്വ​കാ​ര്യ​വ​ത്ക​ര​ണ​മാ​ണ് കേ​ന്ദ്ര​സ​ർ​ക്കാ​ർ ല​ക്ഷ്യം​വെ​ക്കു​ന്ന​ത്. ഈ ​വ​ഴി​യി​ലേ​ക്കു​ത​ന്നെ വൈ​ദ്യു​തി ബോ​ർ​ഡും നീ​ങ്ങു​ന്ന​ത് സ​ങ്ക​ട​ക​ര​മാ​ണെ​ന്നാ​ണ് ഈ ​രം​ഗ​ത്ത് പ്ര​വ​ർ​ത്തി​ക്കു​ന്ന എ​ല്ലാ സം​ഘ​ട​ന​ക​ളു​ടെ​യും നി​ല​പാ​ട്. ഇ​തി​നെ​തി​രെ സം​സ്ഥാ​ന​ത്തു​ട​നീ​ളം പ്ര​ക്ഷോ​ഭ​ത്തി​നൊ​രു​ങ്ങു​ക​യാ​ണ് വി​വി​ധ യൂ​നി​യ​നു​ക​ളു​ടെ കോ​ഓ​ഡി​നേ​ഷ​ൻ ക​മ്മി​റ്റി. ജി​ല്ല​യി​ൽ ജൂ​ലൈ മൂ​ന്നു മു​ത​ൽ അ​ഞ്ചു​വ​രെ സ​മ​ര​സ​ന്ദേ​ശ ജാ​ഥ ന​ട​ക്കും.