കെ.എസ്.ആർ.ടി.സി ബസ് റോഡിൽനിന്ന് തെന്നിമാറി

വടകര: കെ.എസ്.ആർ.ടി.സി ബസ് ദേശീയ പാതയിൽനിന്ന് തെന്നിമാറിയെങ്കിലും അപകടം ഒഴിവായി. മുക്കാളി കെ.എസ്.ഇ.ബി ഓഫിസിന് സമീപത്താണ് അപകടം. ശനിയാഴ്ച രാവിലെ ഒമ്പതുമണിയോടെയാണ് സംഭവം. ദേശീയപാതയിൽനിന്ന് തെന്നിമാറി പുതിയ പാതയുടെ നിർമാണ പ്രവർത്തനങ്ങൾ നടക്കുന്ന ഭാഗത്തേക്ക് ബസ് നീങ്ങുകയായിരുന്നു.

ഇലക്ട്രിക് പോസ്റ്റിൽ ഇടിക്കാതെ ചളിനിറഞ്ഞ ഭാഗത്തേക്ക് നിരങ്ങിനീങ്ങിയതിനാൽ വലിയ അപകടം ഒഴിവായി.

കോഴിക്കോട് ഭാഗത്തുനിന്നും കണ്ണൂർ ഭാഗത്തേക്ക് യാത്രക്കാരുമായി പോകുന്നതിനിടെയാണ് ബസ് അപകടത്തിൽപെട്ടത്.