ക്ലിക്കായി കെ.എസ്.ആർ.ടി.സി പാർസൽ സർവിസ്; സൂക്ഷിക്കാൻ ഇടമില്ല

കോ​ഴി​ക്കോ​ട്: കെ.​എ​സ്.​ആ​ർ.​ടി.​സി​ക്ക് വ​രു​മാ​നം വ​ർ​ധി​പ്പി​ക്കാ​ൻ ആ​വി​ഷ്ക​രി​ച്ച് ന​ട​പ്പാ​ക്കി​യ ലോ​ജി​സ്റ്റി​ക് പാ​ർ​സ​ൽ സ​ർ​വി​സ് ഹി​റ്റാ​യെ​ങ്കി​ലും സാ​ധ​ന​ങ്ങ​ൾ സൂ​ക്ഷി​ക്കാ​ൻ അ​ധി​കൃ​ത​ർ മ​തി​യാ​യ സു​ര​ക്ഷ സം​വി​ധാ​ന​ങ്ങ​ൾ ഒ​രു​ക്കു​ന്നി​ല്ലെ​ന്ന് ആ​ക്ഷേ​പം. കോ​ഴി​ക്കോ​ട് കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ൽ പാ​ർ​സ​ൽ അ​യ​ക്കാ​നെ​ത്തി​യാ​ൽ പെ​ട്ടി​ക​ളി​ൽ ത​ട​ഞ്ഞു​വീ​ഴു​ന്ന അ​വ​സ്ഥ​യാ​ണ്.

സ്റ്റേ​ഷ​ൻ മാ​സ്റ്റ​റു​ടെ റൂ​മി​ലേ​ക്കു​ള്ള വ​ഴി​യി​ലും പു​റ​ത്ത് അ​ന്വേ​ഷ​ണ കൗ​ണ്ട​റി​ന​ടു​ത്തും കൊ​റി​യ​ർ പാ​ക്ക​റ്റു​ക​ൾ അ​ല​ക്ഷ്യ​മാ​യി വാ​രി​വ​ലി​ച്ചി​ട്ട​ത് കാ​ണാം. തി​ര​ക്കേ​റി​യ ബ​സ് സ്റ്റാ​ൻ​ഡി​ൽ കൊ​റി​യ​ർ ബോ​ക്സു​ക​ൾ ആ​രെ​ങ്കി​ലും എ​ടു​ത്ത് മാ​റ്റി​യാ​ൽ​പോ​ലും തി​രി​ച്ച​റി​യാ​ൻ ക​ഴി​യി​ല്ല. നി​ല​വി​ൽ സ്റ്റേ​ഷ​ൻ മാ​സ്റ്റ​റു​ടെ റൂ​മി​നോ​ട് ചേ​ർ​ന്നാ​ണ് ലോ​ജി​സ്റ്റി​ക് യൂ​നി​റ്റ് പ്ര​വ​ർ​ത്തി​ക്കു​ന്ന​ത്. ലോ​ജി​സ്റ്റി​ക്കി​നാ​യി അ​നു​വ​ദി​ച്ച റൂം ​വ​ള​രെ ചെ​റു​താ​യ​ത് കാ​ര​ണം, സാ​ധ​ന​ങ്ങ​ൾ സ്റ്റേ​ഷ​ൻ മാ​സ്റ്റ​റു​ടെ ഓ​ഫി​സി​ന്റെ​യും ലോ​ജി​സ്റ്റി​ക് ഓ​ഫി​സി​ന്റെ​യും പു​റ​ത്തും അ​ല​ക്ഷ്യ​മാ​യി കി​ട​ക്കു​ന്ന കാ​ഴ്ച​യാ​ണ്.

സാ​ധ​ന​ങ്ങ​ൾ സു​ര​ക്ഷി​ത​മാ​യി സൂ​ക്ഷി​ക്കാ​ൻ സൗ​ക​ര്യ​മു​ള്ള മ​റ്റൊ​രു ഭാ​ഗ​ത്തേ​ക്ക് യൂ​നി​റ്റ് മാ​റ്റ​ണ​മെ​ന്ന് ജീ​വ​ന​ക്കാ​ർ നി​ര​വ​ധി ത​വ​ണ ആ​വ​ശ്യ​പ്പെ​ട്ടി​ട്ടും അ​ധി​കൃ​ത​ർ ന​ട​പ​ടി സ്വീ​ക​രി​ച്ചി​ട്ടി​ല്ല. മാ​ത്ര​മ​ല്ല നി​ല​വി​ൽ പാ​ർ​സ​ലു​മാ​യി എ​ത്തു​ന്ന​വ​ർ വാ​ഹ​ന​ങ്ങ​ൾ റോ​ഡി​ൽ നി​ർ​ത്തി സാ​ധ​ന​ങ്ങ​ൾ ലോ​ജി​സ്റ്റി​ക് യൂ​നി​റ്റി​ലേ​ക്ക് ക​യ​റ്റി​ക്കൊ​ണ്ടു​വ​ര​ണം. ഇ​തു​കാ​ര​ണം പ​ല​രും പാ​ർ​സ​ൽ എ​ത്തി​ക്കാ​നും മ​ടി​ക്കു​ന്നു. വാ​ഹ​ന​ങ്ങ​ളി​ൽ സാ​ധ​ന​ങ്ങ​ൾ എ​ത്തി​ക്കാ​ൻ സൗ​ക​ര്യ​മു​ള്ള സ്ഥ​ല​ത്തേ​ക്ക് യൂ​നി​റ്റ് മാ​റ്റി​യാ​ൽ കൂ​ടു​ത​ൽ പാ​ർ​സ​ലു​ക​ൾ ല​ഭി​ക്കും.

വാ​ഹ​ന​ങ്ങ​ൾ ക​യ​റി​വ​ന്ന് സാ​ധ​ന​ങ്ങ​ൾ പാ​ർ​സ​ൽ അ​യ​ക്കു​ന്ന​തി​ന് സൗ​ക​ര്യ​ങ്ങ​ൾ ഏ​ർ​പ്പെ​ടു​ത്ത​ണ​മെ​ന്ന് പ​ല​ത​വ​ണ ആ​വ​ശ്യ​പ്പെ​ട്ടെ​ങ്കി​ലും തീ​രു​മാ​ന​മാ​യി​ട്ടി​ല്ല. ദി​നം​പ്ര​തി 18,000 രൂ​പ വ​രെ​യാ​ണ് കോ​ഴി​ക്കോ​ട് ലോ​ജി​സ്റ്റി​ക് യൂ​നി​റ്റി​ന്‍റെ വ​രു​മാ​നം. മി​ക​ച്ച വ​രു​മാ​നം ല​ഭി​ച്ചി​ട്ടും യൂ​നി​റ്റി​നോ​ട് അ​ധി​കൃ​ത​ർ ചി​റ്റ​മ്മ ന​യം കാ​ണി​ക്കു​ന്ന​ത് ആ​ക്ഷേ​പ​ത്തി​ന് ഇ​ട​യാ​ക്കി​യി​ട്ടു​ണ്ട്. സ്വ​കാ​ര്യ കൊ​റി​യ​ർ സ​ർ​വി​സു​ക​ളെ അ​പേ​ക്ഷി​ച്ച് കു​റ​ഞ്ഞ ചെ​ല​വാ​ണ് കെ.​എ​സ്.​ആ​ർ.​ടി.​സി ഈ​ടാ​ക്കു​ന്ന​ത്. അ​തി​നാ​ൽ​ത​ന്നെ പാ​ർ​സ​ൽ അ​യ​ക്കാ​ൻ എ​ത്തു​ന്ന​വ​രും കൂ​ടു​ത​ലാ​ണ്.