കെ.എസ്.ആർ.ടി.സി ടെർമിനൽ അലിഫ് തന്നെ ബലപ്പെടുത്തണം; നിലപാടിലുറച്ച് സർക്കാർ

കോ​ഴി​ക്കോ​ട്: ബ​ല​ക്ഷ‍യ​മു​ണ്ടെ​ന്ന് മ​ദ്രാ​സ് ഐ.​ഐ.​ടി സം​ഘം ക​ണ്ടെ​ത്തി​യ കോ​ഴി​ക്കോ​ട് കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡ് ടെ​ർ​മി​ന​ൽ പാ​ട്ട​ത്തി​നെ​ടു​ത്ത അ​ലി​ഫ് ബി​ൽ​ഡേ​ഴ്സ് ത​ന്നെ ബ​ല​പ്പെ​ടു​ത്ത​ണ​മെ​ന്ന നി​ല​പാ​ടി​ലു​റ​ച്ച് സ​ർ​ക്കാ​ർ.

ത​ങ്ങ​ളു​ടെ തീ​രു​മാ​ന​ത്തി​ൽ​നി​ന്ന് പി​ന്നോ​ട്ടി​ല്ലെ​ന്നാ​ണ് തി​ങ്ക​ളാ​ഴ്ച അ​ലി​ഫ് ബി​ൽ​ഡേ​ഴ്സു​മാ​യു​ള്ള കൂ​ടി​ക്കാ​ഴ്ച​ക്കി​ടെ ചീ​ഫ് സെ​ക്ര​ട്ട​റി അ​റി​യി​ച്ച​ത്. കെ​ട്ടി​ടം ബ​ല​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട് വ്യാ​ഴാ​ഴ്ച മു​ഖ്യ​മ​ന്ത്രി, ഗ​താ​ഗ​ത​മ​ന്ത്രി, കെ.​ടി.​ഡി.​എ​ഫ്.​സി എം.​ഡി, ചീ​ഫ് സെ​ക്ര​ട്ട​റി എ​ന്നി​വ​ർ പ​ങ്കെ​ടു​ത്ത യോ​ഗ​ത്തി​ലെ തീ​രു​മാ​നം അ​റി​യി​ക്കു​ന്ന​തി​നാ​യി അ​ലി​ഫ് പ്ര​തി​നി​ധി​ക​ളെ തി​രു​വ​ന​ന്ത​പു​ര​ത്തേ​ക്ക് വി​ളി​പ്പി​ച്ചാ​ണ് സ​ർ​ക്കാ​ർ അ​ന്തി​മ തീ​രു​മാ​നം അ​റി​യി​ച്ച​ത്. എ​ന്നാ​ൽ, ചെ​ല​വ് ഏ​റ്റെ​ടു​ക്കാ​ൻ ക​ഴി​യി​ല്ലെ​ന്ന് അ​ലി​ഫും വ്യ​ക്ത​മാ​ക്കി.

ടെ​ർ​മി​ന​ൽ ബ​ല​പ്പെ​ടു​ത്താ​നു​ള്ള 32 കോ​ടി സ​ർ​ക്കാ​റി​ന് ഏ​റ്റെ​ടു​ക്കാ​ൻ ക​ഴി​യി​ല്ലെ​ന്നാ​യി​രു​ന്നു ക​ഴി​ഞ്ഞ നാ​ലി​ന് ന​ട​ന്ന മ​ന്ത്രി​ത​ല യോ​ഗ​ത്തി​ലെ തീ​രു​മാ​നം. കെ​ട്ടി​ടം ഏ​റ്റെ​ടു​ക്കു​മ്പോ​ൾ ബ​ല​ക്ഷ‍യം ഉ​ണ്ടാ​യി​രു​ന്ന​ത് മ​റ​ച്ചു​വെ​ച്ചെ​ന്നും കെ​ട്ടി​ടം ബ​ല​പ്പെ​ടു​ത്തി ന​ൽ​കാ​മെ​ന്നാ​ണ് അ​ന്ന​ത്തെ മ​ന്ത്രി ആ​ന്റ​ണി രാ​ജു അ​റി​യി​ച്ചി​രു​ന്ന​തെ​ന്നും അ​ലി​ഫ് പ്ര​തി​നി​ധി ചീ​ഫ് സെ​ക്ര​ട്ട​റി​യെ അ​റി​യി​ച്ചെ​ങ്കി​ലും നി​ല​പാ​ടി​ൽ മാ​റ്റ​മി​ല്ലെ​ന്ന് ചീ​ഫ് സെ​ക്ര​ട്ട​റി അ​റി​യി​ക്കു​ക​യാ​യി​രു​ന്നു. കെ​ട്ടി​ടം അ​ലി​ഫ് ബ​ല​പ്പെ​ടു​ത്ത​ണ​മെ​ന്ന് നേ​ര​ത്തേ കെ.​ടി.​ഡി.​എ​ഫ്.​സി ആ​വ​ശ്യ​പ്പെ​ട്ടി​രു​ന്നു.

നി​യ​മ​ന​ട​പ​ടി​യു​മാ​യി അ​ലി​ഫ്

സ​ർ​ക്കാ​ർ നി​ല​പാ​ട് അ​റി​യി​ച്ചെ​ങ്കി​ലും ക​രാ​റി​ൽ​നി​ന്ന് പി​ന്മാ​റാ​ൻ ആ​വ​ശ്യ​പ്പെ​ട്ടി​ട്ടി​ല്ലെ​ന്ന് അ​ലി​ഫ് പ്ര​തി​നി​ധി ക​ലാം പ​റ​ഞ്ഞു. ക​രാ​റി​ൽ​നി​ന്ന് എ​ളു​പ്പ​ത്തി​ൽ പി​ന്മാ​റാ​ൻ അ​ലി​ഫ് ത​യാ​റാ​വി​ല്ലെ​ന്നാ​ണ് വി​വ​രം. എ​ന്നാ​ൽ 17 കോ​ടി​ക്ക് ലേ​ല​ത്തി​നെ​ടു​ത്ത കെ​ട്ടി​ട​ത്തി​ൽ ഇ​നി 32 കോ​ടി ചെ​ല​വ​ഴി​ക്കാ​നും ഇ​വ​ർ ത​യാ​റ​ല്ല. കെ​ട്ടി​ടം ബ​ല​പ്പെ​ടു​ത്തി ന​ൽ​കു​ന്നി​ല്ലെ​ന്ന് കാ​ണി​ച്ച് ഹൈ​കോ​ട​തി​യെ സ​മീ​പി​ച്ച അ​ലി​ഫ് നി​യ​മ​ന​ട​പ​ടി​യു​മാ​യി മു​ന്നോ​ട്ട് പോ​വും. ഷെ​യ​ർ ഹോ​ൾ​ഡ​ർ​മാ​രു​മാ​യി കൂ​ടി​യാ​ലോ​ചി​ച്ച് ഭാ​വി പ​രി​പാ​ടി​ക​ൾ തീ​രു​മാ​നി​ക്കു​മെ​ന്ന് അ​ലി​ഫ് അ​റി​യി​ച്ചു.

ത​ർ​ക്ക​വും നി​യ​മ​ന​ട​പ​ടി​യു​മാ​യി നീ​ളു​ന്ന​തി​നി​ടെ ഒ​രു സ​ർ​ക്കാ​ർ കെ​ട്ടി​ടം പ്രേ​താ​ല​യം പോ​ലെ നോ​ക്കു​കു​ത്തി​യാ​യി നി​ൽ​ക്കും. ന​ഗ​ര​മ​ധ്യ​ത്തി​ൽ ക​ണ്ണാ​യ സ്ഥ​ല​ത്ത് സ്ഥി​തി​ചെ​യ്യു​ന്ന കെ​ട്ടി​ടം തു​ച്ഛ​മാ​യ വ​ട​ക​ക്ക് ന​ൽ​കി​യ​ത​ട​ക്കം അ​ലി​ഫി​ന് കേ​ര​ള ട്രാ​ൻ​സ്പോ​ർ​ട്ട് ഡെ​വ​ല​പ്മെ​ന്‍റ് ഫി​നാ​ൻ​സ് കോ​ർ​പ​റേ​ഷ​നി​ൽ​നി​ന്ന് (കെ.​ടി.​ഡി.​എ​ഫ്.​സി) വ​ഴി​വി​ട്ട് സ​ഹാ​യം ല​ഭി​ച്ചി​രു​ന്ന​താ​യി ആ​ക്ഷേ​പം നി​ല​നി​ൽ​ക്കു​ന്നു​ണ്ട്. കെ​ട്ടി​ടം ഏ​റ്റെ​ടു​ക്കു​ന്ന​യാ​ൾ കെ​ട്ടി​ട​ത്തി​ന്‍റെ അ​വ​സ്ഥ പ​രി​ശോ​ധി​ച്ച് ഉ​റ​പ്പു​വ​രു​ത്ത​ണ​മെ​ന്നാ​യി​രു​ന്നു ലേ​ല​ത്തി​ൽ കൊ​ടു​ക്കു​മ്പോ​ഴു​ള്ള ധാ​ര​ണ. ഇ​ക്കാ​ര്യം പ​രി​ശോ​ധി​ച്ച​താ​യി അ​ലി​ഫും കെ.​ടി.​ഡി.​എ​ഫ്.​സി​യും ക​രാ​റി​ൽ വ്യ​ക്ത​മാ​ക്കി​യി​ട്ടു​ണ്ടെ​ന്നും ഉ​ന്ന​ത ഉ​ദ്യോ​ഗ​സ്ഥ​ർ വ്യ​ക്ത​മാ​ക്കു​ന്നു. ഇ​ക്കാ​ര്യ​ങ്ങ​ൾ മ​റ​ച്ചു​വെ​ച്ചാ​ണ് ബ​ല​പ്പെ​ടു​ത്തു​ന്ന​തി​നു​ള്ള തു​ക ക​ണ്ടെ​ത്താ​ൻ കെ.​എ​സ്.​ആ​ർ.​ടി.​സി ഭൂ​മി കെ.​ടി.​ഡി.​എ​ഫ്.​സി​ക്ക് കൈ​മാ​റു​ന്ന​ത​ട​ക്ക​മു​ള്ള ന​ട​പ​ടി​ക​ളി​ലേ​ക്ക് സ​ർ​ക്കാ​ർ നീ​ങ്ങി​യ​ത്.