പ്രാദേശിക ടൂറിസത്തിൽ ഇടംപിടിക്കാതെ ഈ സംഗമസ്ഥാനം

കു​റ്റ്യാ​ടി: ദേ​ശ​ത്തെ ച​രി​ത്ര​മു​റ​ങ്ങു​ന്ന ര​ണ്ടു​ പു​ഴ​ക​ളു​ടെ സം​ഗ​മ​സ്ഥാ​നം ഇ​നി​യും പ്രാദേശിക

ടൂ​റി​സ​ത്തി​ൽ​പോ​ലും ഇ​ടം​പി​ടി​ച്ചി​ല്ല. ചെ​റു​പു​ഴ എ​ന്ന തൊ​ട്ടി​ൽ​പാ​ലം പു​ഴ​യും കു​റ്റ്യാ​ടി പു​ഴ​യു​മാ​ണ്​ കു​റ്റ്യാ​ടി കൊ​യി​ലോ​ത്തും​ക​ട​വി​ൽ സം​ഗ​മി​ക്കു​ന്ന​ത്. കു​റ്റ്യാ​ടി​പാ​ലം വ​രു​ന്ന​തി​നു​മു​മ്പ്​ കോ​ഴി​ക്കോ​ട്​ ഭാ​ഗ​ത്തു​നി​ന്നു​ വ​രു​ന്ന ബ​സു​ക​ൾ ച​ങ്ങ​രോ​ത്ത്​ പ​ഞ്ചാ​യ​ത്തി​ന്റെ ഭാ​ഗ​ത്തു​ള്ള ഈ ​ക​ട​വി​നു സ​മീ​പം വ​രെ വ​ന്ന്​ തി​രി​ച്ചു​പോ​കു​മാ​യി​രു​ന്നു. ഈ ​ക​ട​വ്​ ക​ട​ന്നാ​ണ്​ ആ​ളു​ക​ൾ കു​റ്റ്യാ​ടി ടൗ​ണു​മാ​യി ബ​ന്ധ​പ്പെ​ട്ടി​രു​ന്ന​ത്.

വേ​ന​ലി​ൽ വെ​ള്ളം കു​റ​യു​മ്പോ​ൾ ഇ​റ​ങ്ങി​ക്ക​ട​ക്കാ​മാ​യി​രു​ന്നു. കൊ​യി​ലോ​ത്തും​ക​ട​വി​ൽ​നി​ന്ന്​ നേ​രെ അ​ടു​ക്ക​ത്ത്​ ഭാ​ഗ​ത്തേ​ക്കു​ ക​ട​ന്ന്​ അ​വി​ടെ​നി​ന്ന്​ കു​റ്റ്യാ​ടി ഭാ​ഗ​ത്തേ​ക്കു ക​ട​ക്കു​മാ​യി​രു​ന്നു. കു​റ്റ്യാ​ടി പു​ഴ​യി​ൽ വ​ലി​യ ക​യ​ങ്ങ​ളു​ള്ള​താ​ണ്​ നേ​രെ കു​റ്റ്യാ​ടി ഭാ​ഗ​ത്തേ​ക്കു​ ക​ട​ക്കാ​തി​രി​ക്കാ​ൻ കാ​ര​ണം. വ​ൻ ആ​ഴ​മു​ള്ള മു​ക്ക​ണ്ണ​ൻ​ക​യം ഈ ​ക​ട​വി​ലാ​ണ്. പ​ഴ​ശ്ശി രാ​ജാ​വി​ന്​ കോ​ട്ട പ​ണി​യാ​ൻ മ​ര​ത്ത​ടി വ​ലി​ച്ചു​വ​ന്ന ആ​ന ഈ ​കു​ഴി​യി​ൽ മു​ങ്ങി​പ്പോ​യെ​ന്നാ​ണ് പ​റ​യ​പ്പെ​ടു​ന്ന​ത്. പ​ഴ​ശ്ശി​യു​ടെ ച​രി​ത്ര​വു​മാ​യി ബ​ന്ധ​പ്പെ​ട്ടാ​ണ്​ കൊ​യി​ലോ​ത്തും ക​ട​വെ​ന്ന പേ​രും ല​ഭി​ച്ച​ത​ത്രെ. കു​റ്റ്യാ​ടി പു​ഴ​യി​ൽ ചെ​റു​പു​ഴ സം​ഗ​മി​ക്കു​ന്ന​തി​ന്​ തൊ​ട്ട​ടു​ത്താ​യി ക​മ്പി​പ്പാ​ലം (തൂ​ക്കു​പാ​ലം) ഉ​ണ്ടാ​യി​രു​ന്നു. അ​ടു​ക്ക​ത്ത്​ ഭാ​ഗ​ത്തേ​ക്ക്​ കോ​ൺ​ക്രീ​റ്റ്​ പാ​ലം വ​ന്ന​തോ​ടെ ക​മ്പി​പ്പാ​ലം ഇ​ല്ലാ​താ​യി.

കു​റ്റ്യാ​ടി ഭാ​ഗ​ത്ത്​ വി​ശാ​ല​മാ​യ മ​ണ​ൽ​ക്ക​ട​വു​ക​ളു​ണ്ടാ​യി​രു​ന്നു. നി​ര​വ​ധി ലോ​റി​ക​ൾ മ​ണ​ൽ ക​യ​റ്റാ​ൻ വ​രി​നി​ൽ​ക്കു​ന്ന​ത് പ​തി​വാ​യി​രു​ന്നു. പെ​രു​ന്നാ​ളാ​ഘോ​ഷ​വും ക​ലാ​സം​ഘ​ട​ന​ക​ളു​ടെ വാ​ർ​ഷി​കാ​ഘോ​ഷ​ങ്ങ​ളും ഈ ​ക​ട​വി​ലാ​ണ്​ അ​ര​ങ്ങേ​റി​യി​രു​ന്ന​ത്. അ​തി​നു​മു​മ്പ്​ ജി​ല്ല​യി​ലെ അ​റി​യ​പ്പെ​ട്ട ത​ടി​വ്യാ​പാ​ര​കേ​ന്ദ്ര​മാ​യി​രു​ന്നു കു​റ്റ്യാ​ടി​ക്ക​ട​വ്. മ​ല​വാ​ര​ത്ത്​ കൂ​പ്പു​ക​ളി​ൽ​നി​ന്ന്​ മു​റി​ച്ച്​ പു​ഴ​യി​ലൂ​ടെ ത​ടി​ക​ൾ തെ​രു​പ്പ​ങ്ങ​ളാ​ക്കി ക​ട​വി​ലെ​ത്തി​ച്ചി​രു​ന്നു. മ​ല​വാ​ര​ങ്ങ​ളി​ൽ നി​ന്ന്​ നാ​ളി​കേ​ര​വും ഇ​പ്ര​കാ​രം എ​ത്തി​ക്കു​മാ​യി​രു​ന്നു. ജ​ല അ​തോ​റി​റ്റി പ​മ്പ്​ ഹൗ​സ്​ ​സ്ഥാ​പി​ച്ച​തോ​ടെ ഒ​രു ക​ട​വ്​ ഇ​ല്ലാ​താ​യി. കു​റ്റ്യാ​ടി ഗ്രാ​മ​പ​ഞ്ചാ​യ​ത്ത്​ മി​നി​സ്റ്റേ​ഡി​യം സ്ഥാ​പി​ച്ച​തോ​ടെ ചെ​റു​പു​ഴ ഭാ​ഗ​ത്തെ ക​ട​വും ഇ​ല്ലാ​താ​യി. എ​ന്നാ​ൽ, ഈ ​പൈ​തൃ​ക ക​ട​വി​നെ സം​ര​ക്ഷി​ക്കാ​ൻ പ​ഞ്ചാ​യ​ത്തു​ക​ളു​ടെ ഭാ​ഗ​ത്തു​നി​ന്ന്​ ന​ട​പ​ടി​യു​ണ്ടാ​യി​ട്ടി​ല്ല. കു​റ്റ്യാ​ടി, മ​രു​തോ​ങ്ക​ര, ച​ങ്ങ​രോ​ത്ത്​ പ​ഞ്ചാ​യ​ത്ത്​ അ​തി​രു​ക​ളാ​ണ്​ സം​ഗ​മ​സ്ഥാ​ന​ത്തു​ള്ള​ത്.