കു​റ്റ്യാ​ടി സി.പി.എമ്മിലെ അ​ച്ച​ട​ക്ക ന​ട​പ​ടി​ പൊ​തു​വേ​ദി​യി​ൽ അറിയിച്ചതി​ൽ അ​മ​ർ​ഷം

കു​റ്റ്യാ​ടി: സി.​പി.​എം കു​റ്റ്യാ​ടി ലോ​ക്ക​ൽ പ​രി​ധി​യി​ലെ ഏ​താ​നും പ്ര​വ​ർ​ത്ത​ക​ർ​ക്കെ​തി​രെ പാ​ർ​ട്ടി എ​ടു​ത്ത അ​ച്ച​ട​ക്ക ന​ട​പ​ടി​ ലോ​ക്ക​ൽ ക​മ്മി​റ്റി ജ​ന​റ​ൽ ബോ​ഡി വി​ളി​ച്ച് വി​ശ​ദീ​ക​രി​ക്കും മു​മ്പ് പൊ​തു​സ​മ്മേ​ള​ന​ത്തി​ൽ പ​റ​ഞ്ഞ​തി​ൽ ചി​ല കേ​ന്ദ്ര​ങ്ങ​ളി​ൽ അ​മ​ർ​ഷം പു​ക​യു​ന്നു. ബ്രാ​ഞ്ച് അം​ഗ​ങ്ങ​ൾ മു​ത​ൽ ഏ​രി​യ ക​മ്മി​റ്റി അം​ഗ​ങ്ങ​ൾ ഉ​ൾ​പ്പെ​ടെ​യു​ള്ള 42 പേ​ർ​ക്കെ​തി​രെ​യാ​ണ് പു​റ​ത്താ​ക്ക​ൽ മു​ത​ൽ ശാ​സ​ന വ​രെ​യു​ള്ള ന​ട​പ​ടി​ക​ൾ എ​ടു​ത്ത​ത്. ന​ട​പ​ടി​ക​ളും ന​ട​പ​ടി​ക്കി​ര​യാ​യ​വ​രെ​ക്കു​റി​ച്ചും ടൗ​ണി​ൽ ന​ട​ന്ന പൊ​തു​സ​മ്മേ​ള​ന​ത്തി​ൽ ജി​ല്ല ക​മ്മി​റ്റി അം​ഗ​മാ​ണ് വി​ശ​ദീ​ക​രി​ച്ച​ത്. ന​ട​പ​ടി​ക്കി​ര​യാ​യ പ​ല​രും സ​മ്മേ​ള​ന ന​ഗ​രി​ക്ക് പു​റ​ത്തു​നി​ന്ന് ഇ​ത് കേ​ട്ട​ത് പ്ര​യാ​സ​ത്തോ​ടെ​യാ​ണെ​ന്ന് പ​റ​യു​ന്നു.

ലോ​ക്ക​ൽ ജ​ന​റ​ൽ ബോ​ഡി വി​ളി​ക്കു​മ്പോ​ൾ ഇ​ത് ചോ​ദ്യം ചെ​യ്യാ​ൻ കാ​ത്തി​രി​ക്കു​ക​യാ​ണ് അ​ണി​ക​ളി​ൽ ചി​ല​ർ. കു​റ്റ്യാ​ടി​യി​ൽ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​െൻറ മു​ന്നോ​ടി​യാ​യി പാ​ർ​ട്ടി​ക്കാ​ര​നെ സ്ഥാ​നാ​ർ​ഥി​യാ​ക്കാ​ത്ത​തി​ൽ പ്ര​തി​ഷേ​ധി​ച്ച് ന​ട​ന്ന പ്ര​ക​ട​ന​ത്തി​െൻറ പേ​രി​ലാ​ണ് അ​ച്ച​ട​ക്ക ന​ട​പ​ടി​ക​ളു​ണ്ടാ​യ​ത്. ഇ​തി​ൽ ഏ​രി​യ​യി​ൽ​നി​ന്ന് ബ്രാ​ഞ്ചി​ലേ​ക്ക് ത​രം​താ​ഴ്ത്തി​യ ഒ​രു വ​നി​ത നേ​താ​വ് ഇ​ക്ക​ഴി​ഞ്ഞ ലോ​ക്ക​ൽ സ​മ്മേ​ള​ന​ത്തി​ൽ ബ്രാ​ഞ്ച് പ്ര​തി​നി​ധി​യാ​യി എ​ത്തി​യി​രു​ന്നു. സ​മ്മേ​ള​ന പ്ര​സീ​ഡി​യ​ത്തി​ൽ ഇ​വ​രെ ഉ​ൾ​പ്പെ​ടു​ത്തി​യി​രു​ന്നെ​ങ്കി​ലും ചി​ല​ർ എ​തി​ർ​ത്ത​തി​നാ​ൽ ഒ​ഴി​വാ​ക്കു​ക​യാ​ണു​ണ്ടാ​യ​തെ​ന്നും പ​റ​യു​ന്നു. അ​തി​നി​ടെ, പ​ഞ്ചാ​യ​ത്തി​നു പു​റ​ത്തു​ള്ള പ്ര​വ​ർ​ത്ത​ക​നെ ലോ​ക്ക​ൽ സെ​ക്ര​ട്ട​റി​യാ​ക്കി​യ​തി​ൽ പ്ര​തി​ഷേ​ധി​ച്ച് ഊ​ര​ത്ത്, വ​ള​യ​ന്നൂ​ർ ഭാ​ഗ​ത്തു​ള്ള ചി​ല​ർ സി.​പി.​ഐ​യി​ൽ പോ​കു​മെ​ന്ന് ഭീ​ഷ​ണി മു​ഴ​ക്കി​യ​താ​യും പ​റ​യ​പ്പെ​ടു​ന്നു.