ശാന്തിനഗറിൽ ആറുപേർക്ക്​ തേനീച്ചകളുടെ കുത്തേറ്റു

കു​റ്റ്യാ​ടി: വേ​ളം ശാ​ന്തി​ന​ഗ​ർ തി​രു​വ​ഞ്ചേ​രി​ച്ചി​റ​ക്കു സ​മീ​പം കൂ​ടി​ള​കി എ​ത്തി​യ കാ​ട്ടു​തേ​നീ​ച്ച​ക്കൂ​ട്ട​ത്തി​ന്റെ കു​ത്തേ​റ്റ്​ ആ​റു പേ​ർ​ക്ക്​ പ​രി​ക്ക്. എ​ട​മ​ണ്ണി​ൽ സൂ​പ്പി(72), മേ​നോ​ക്കി​മ​ണ്ണി​ൽ നി​സാ​ർ (36), വേ​ളം ഹ​യ​ർ സെ​ക്ക​ൻ​ഡ​റി സ്​​കൂ​ൾ അ​ധ്യാ​പ​ക​ൻ വ​ണ്ണാ​റ​ത്ത്​ വി. ​യാ​സി​ർ (38), എ​ട​ത്തി​ൽ കൃ​ഷ്​​ണ​ൻ മാ​സ്​​റ്റ​ർ (75), അ​യ​നോ​ളി ബി​ജേ​ഷ്​ (35), ത​റ​വ​ട്ട​ത്ത്​ അ​ദ്​​നാ​ൻ(18) എ​ന്നി​വ​ർ​ക്കാ​ണ്​ കു​ത്തേ​റ്റ​ത്. തി​ങ്ക​ളാ​ഴ്​​ച രാ​വി​ലെ പ​ത്ത​ര​ക്കാ​ണ്​ സം​ഭ​വം.

ആ​ശു​പ​ത്രി​യി​ൽ പോ​കാ​ൻ വീ​ട്ടി​ൽ​നി​ന്ന്​ ശാ​ന്തി​ന​ഗ​ർ ഭാ​ഗ​ത്തേ​ക്ക്​ ന​ട​ക്കു​ന്ന​തി​നി​ട​യി​ൽ സൂ​പ്പി​ക്കാ​ണ്​ ആ​ദ്യം കു​ത്തേ​റ്റ​ത്. ഇ​യാ​ളെ ര​ക്ഷി​ക്കാ​നു​ള്ള ശ്ര​മ​ത്തി​ലാ​ണ്​ മ​റ്റു​ള്ള​വ​രെ​യും ആ​ക്ര​മി​ക്കു​ന്ന​ത്.​ നൂ​റു​ക​ണ​ക്കി​ന് തേ​നീ​ച്ച​ക​ൾ ഇ​ര​ച്ചെ​ത്തി കു​ത്തി​യ​തോ​ടെ സൂ​പ്പി സ​മീ​പ​ത്തെ ചി​റ​യി​ലെ വെ​ള്ള​ത്തി​ൽ ചാ​ടി.

തേ​നീ​ച്ച​ക​ൾ അ​വി​ടെ​യും പി​ന്തു​ട​ർ​ന്നെ​ത്തി. ര​ക്ഷാ​പ്ര​വ​ർ​ത്ത​ക​ർ മു​ണ്ടു​ക​ളും ചൂ​ട്ടു​ക​ളും വീ​ശി തേ​നീ​ച്ച​ക​ളെ തു​ര​ത്തി സൂ​പ്പി​യെ ക​ര​ക്കു​ക​യ​റ്റി. ദേ​ഹ​ത്ത്​ ഒ​രി​ട​വും ബാ​ക്കി​വെ​ക്കാ​തെ ഇ​യാ​ൾ​ക്ക്​ കു​ത്തേ​റ്റു. പു​റ​ത്തെ​ടു​ക്കാ​ൻ വൈ​കി​യി​രു​ന്നെ​ങ്കി​ൽ അ​ദ്ദേ​ഹ​ത്തി​ന്റെ ജീ​വ​ൻ ന​ഷ്ട​പ്പെ​ടു​മാ​യി​രു​ന്നെ​ന്ന്​ ര​ക്ഷാ​പ്ര​വ​ർ​ത്ത​ക​ർ പ​റ​ഞ്ഞു.

തേ​നീ​ച്ച​ക​ളെ അ​ക​റ്റാ​ൻ ചൂ​ട്ട്​ ക​ത്തി​ക്കു​ന്ന​തി​നി​ട​യി​ലാ​ണ്​ സ​മീ​പ​ത്ത്​ ചാ​യ​ക്ക​ട ന​ട​ത്തു​ന്ന നി​സാ​റി​ന്​ കു​ത്തേ​റ്റ​ത്. എ​ല്ലാ​വ​രെ​യും കു​റ്റ്യാ​ടി ഗ​വ. താ​ലൂ​ക്ക്​ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സാ​ര​മാ​യി പ​രി​ക്കേ​റ്റ സൂ​പ്പി​യെ മ​ല​ബാ​ർ മെ​ഡി​ക്ക​ൽ കോ​ള​ജി​ലേ​ക്ക​യ​ച്ചു.

നി​ര​വ​ധി മു​ള്ളു​ക​ളാ​ണ്​ സൂ​പ്പി​യു​ടെ ശ​രീ​ര​ത്തി​ൽ​നി​ന്ന്​ പ​റി​ച്ചെ​ടു​ത്ത​ത്. മ​റ്റു​ള്ള​വ​രെ പ്ര​ഥ​മ​ശു​ശ്രൂ​ഷ ന​ൽ​കി വി​ട്ട​യ​ച്ചു. തേ​നീ​ച്ച​ക​ളി​ൽ​നി​ന്ന്​ ബൈ​ക്ക്​ യാ​ത്രി​ക​രെ​യും കാ​ൽ​ന​ട​ക്കാ​രെ​യും ര​ക്ഷി​ക്കാ​ൻ നാ​ട്ടു​കാ​ർ ര​ണ്ടു മ​ണി​ക്കൂ​റോ​ളം റോ​ഡി​ൽ കാ​വ​ൽ​നി​ന്നു.

വ​ണ്ണാ​റ​ത്ത്​ യാ​സി​ർ, റി​സ്​​വാ​ൻ ഒ​റ്റ​ക്ക​ണ്ട​ത്തി​ൽ, പ​റ​മ്പ​ത്ത്​ ഹാ​ഷിം, പൊ​യി​ല​ങ്കി മ​നോ​ജ​ൻ, ഇ.​എം. ന​ന്ദ​കു​മാ​ർ, അ​നീ​ഷ്​ എ​ള​വ​നി​ട​ത്തി​ൽ, സി.​എം. വി​ജ​ഷ്, ജി.​കെ. സ​ജീ​വ​ൻ തു​ട​ങ്ങി​യ​വ​ർ ര​ക്ഷാ​പ്ര​വ​ർ​ത്ത​നം ന​ട​ത്തി. വാ​ർ​ഡ്​ മെം​ബ​ർ എം.​സി. മൊ​യ്​​തു ആ​ശു​പ​ത്രി​യി​ലെ​ത്തി. എ​വി​ടെ​നി​ന്നാ​ണ്​ തേ​നീ​ച്ച​ക​ൾ എ​ത്തി​യ​തെ​ന്ന്​ ക​ണ്ടെ​ത്താ​നാ​യി​ട്ടി​ല്ല.