കാ​റി​നു​മു​ക​ളി​ൽ മ​തി​ൽ ത​ക​ർ​ന്നു​വീ​ണു; അ​ക​ത്തു​ള്ള​വ​ർ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു

കു​റ്റ്യാ​ടി: നി​ർ​ത്തി​യി​ട്ട കാ​റി​ന്​ മു​ക​ളി​ൽ സ്​​കൂ​ൾ മ​തി​ൽ ത​ക​ർ​ന്നു​വീ​ണ്​ കാ​റി​ന​ക​ത്തു​ണ്ടാ​യി​രു​ന്ന വി​ദ്യാ​ർ​ഥി​യും ബ​ന്ധു​വും അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. കാ​ർ ത​ക​ർ​ന്നു. കു​റ്റ്യാ​ടി കെ.​ഇ.​ടി പ​ബ്ലി​ക്ക്​ സ്കൂ​ളി​ന്റെ ചെ​ങ്ക​ൽ മ​തി​ലാ​ണ്​ ചൊ​വ്വാ​ഴ്ച രാ​വി​ലെ 10ന്​ ​മ​ഴ​യി​ൽ ത​ക​ർ​ന്നു​വീ​ണ​ത്. അ​രി​കി​ൽ നി​ർ​ത്തി​യി​ട്ട കാ​റി​ന്റെ മു​ക​ളി​ലാ​ണ് ഏ​താ​ണ്ട്​ അ​ഞ്ചു​ മീ​റ്റ​ർ ഉ​യ​ര​മു​ള്ള മ​തി​ലി​ന്റെ ക​ല്ലു​ക​ളും കോ​ൺ​ക്രീ​റ്റ്​ ബെ​ൽ​റ്റു​ക​ളും മ​റ്റും പ​തി​ച്ച​ത്.

കു​ട്ടി​ക​ളു​മാ​യി എ​ത്തി​യ​താ​യി​രു​ന്നു കാ​ർ. ത​ളീ​ക്ക​ര കൊ​ട​ക്ക​ൽ നി​ഹാ​ദ്, സ​ഹോ​ദ​രl​പു​ത്ര​ൻ സ​മീം എ​ന്നി​വ​രാ​ണ്​ കാ​റി​ന​ക​ത്തു​ണ്ടാ​യി​രു​ന്ന​ത്. മൂ​ത്ത കു​ട്ടി​യു​മാ​യി നി​ഹാ​ദി​ന്റെ സ​ഹോ​ദ​രി സ്കൂ​ളി​ലേ​ക്ക്​ ക​യ​റി​യി​രു​ന്നു. എ​ൽ.​കെ.​ജി വി​ദ്യാർ​ഥി​യാ​യ സ​മീ​മി​ന്​ പ​നി​യാ​യ​തി​നാ​ൽ ക്ലാ​സി​ൽ പോ​യി​ല്ല.

സ​ഹോ​ദ​രി തി​രി​ച്ചു​വ​രു​ന്ന​തും കാ​ത്തി​രി​ക്കു​ന്ന​തി​നി​ട​യി​ലാ​ണ്​ മ​തി​ൽ വീ​ഴു​ന്ന​ത്. കാ​റി​ന്റെ മേ​ൽ​ക്കൂ​ര​യും വ​ശ​ങ്ങ​ളും ചെ​രി​ഞ്ഞ​മ​ർ​ന്നു. വാ​തി​ൽ തു​റ​ക്കാ​നാ​യി​ല്ല. കു​ട്ടി കാ​റി​ന്റെ പി​ൻ​സീ​റ്റി​ലാ​ണു​ണ്ടാ​യി​രു​ന്ന​തെ​ന്നും ഗ്ലാ​സ്​ താ​ഴ്​​ത്താ​നാ​യ​തി​നാ​ൽ അ​തി​നി​ട​യി​ലൂ​ടെ കു​ട്ടി​യു​മാ​യി ഉ​ട​ൻ പു​റ​ത്തി​റ​ങ്ങാ​നാ​യെ​ന്നും നി​ഹാ​ദ്​ പ​റ​ഞ്ഞു. മ​ണ്ണു​മാ​ന്തി കൊ​ണ്ടു​വ​ന്നാ​ണ്​ കാ​ർ പു​റ​ത്തെ​ടു​ത്ത​ത്. അ​പ​ക​ടം കു​ട്ടി​ക​ൾ ക്ലാ​സി​ൽ ക​യ​റും മു​മ്പാ​യി​രു​ന്നെ​ങ്കി​ൽ വ​ലി​യ ദു​ര​ന്തം സം​ഭ​വി​ക്കു​മാ​യി​രു​ന്നു​വെ​ന്ന് പ​രി​സ​ര​വാ​സി​ക​ൾ പ​റ​ഞ്ഞു. ഒ​രാ​ൾ​ക്കും ഒ​രു പോ​റ​ൽ പോ​ലും ഏ​ൽ​ക്കാ​ത്ത​തി​ലു​ള്ള ആ​ശ്വാ​സ​ത്തി​ലാ​ണ്​ സ്കൂ​ൾ അ​ധി​കൃ​ത​രും നാ​ട്ടു​കാ​രും.