കുറ്റ്യാടി വലതുകര മെയിൻ കനാൽ തുറന്നു

കു​റ്റ്യാ​ടി: കാ​ത്തി​രി​പ്പി​നൊ​ടു​വി​ൽ കു​റ്റ്യാ​ടി ജ​ല​സേ​ച​ന പ​ദ്ധ​തി വ​ല​തു​ക​ര മെ​യി​ൻ ക​നാ​ൽ തു​റ​ന്നു. വെ​ള്ളി​യാ​ഴ്ച രാ​വി​ലെ ഒ​മ്പ​ത​ര​ക്ക്​ പെ​രു​വ​ണ്ണാ​മൂ​ഴി​ക്ക്​ സ​മീ​പം പ​ട്ടാ​ണി​പ്പാ​റ​യി​ലെ ഷ​ട്ട​ർ തു​റ​ന്നാ​ണ്​ വെ​ള്ളം വി​ട്ട​ത്. ഇ​ട​തു​ക​ര മെ​യി​ൻ ക​നാ​ൽ ക​ഴി​ഞ്ഞ മാ​സം 26ന്​ ​തു​റ​ന്നി​രു​ന്നു. ക​നാ​ലി​ൽ വ​ൻ​തോ​തി​ൽ അ​ഴു​ക്കു​ക​ളു​ള്ള​തി​നാ​ൽ പ​തു​ക്കെ​യാ​ണ്​ വെ​ള്ള​മൊ​ഴു​ക്ക്. ക​നാ​ലി​ൽ വെ​ട്ടി​യി​ട്ട ലോ​ഡു​ക​ണ​ക്കി​ന് പു​ല്ല്, ചെ​ടി​ക​ൾ എ​ന്നി​വ​യും വെ​ള്ള​ത്തോ​ടൊ​പ്പം ഒ​ഴു​കു​ക​യാ​ണ്. ഓ​രോ 15 കി​ലോ​മീ​റ്റ​ർ ഇ​ട​വി​ട്ട്​ വെ​ള്ള​ത്തി​ലെ അ​ഴു​ക്ക്​ വൃ​ത്തി​യാ​ക്കാ​ൻ ക​രാ​ർ ന​ൽ​കി​യി​ട്ടു​ണ്ട്. ഇ​വ​രാ​ണ്​ അ​ഴു​ക്കു​ക​ൾ വാ​രു​ന്ന​ത്.

34.27 കി​ലോ​മീ​റ്റ​റു​ള്ള ക​നാ​ലി​ന്റെ അ​വ​സാ​ന ഭാ​ഗ​മാ​യ വി​ല്യാ​പ്പ​ള്ളി​യി​ൽ വെ​ള്ള​മെ​ത്താ​ൻ ശ​നി​യാ​ഴ്ച വൈ​കു​ന്നേ​ര​മാ​വു​മെ​ന്ന്​ പ​ദ്ധ​തി വി​ഭാ​ഗം അ​സി. എ​ൻ​ജി​നീ​യ​ർ അ​റി​യി​ച്ചു.

വെ​ള്ളി​യാ​ഴ്ച രാ​വി​ലെ പ​ട്ടാ​ണി​പ്പാ​റ​യി​ൽ നി​ന്നൊ​ഴു​കി​യ വെ​ള്ളം കു​റ്റ്യാ​ടി​പ്പു​ഴ​ക്കു​ കു​റു​കെ നീ​ർ​പ്പാ​ല​വും ക​ട​ന്ന്​ മ​രു​തോ​ങ്ക​ര പ​ഞ്ചാ​യ​ത്തി​ലെ ജാ​ന​കി​ക്കാ​ടി​ലെ​ത്താ​ൻ ഉ​ച്ച​യാ​യി.

കാ​യ​ക്കൊ​ടി പ​ഞ്ചാ​യ​ത്തി​ലെ ക​ള്ളാ​ട്​ നീ​ർ​പ്പാ​ല​ത്തി​ലെ​ത്തി​യ​ത്​ വൈ​കീ​ട്ട്​ അ​ഞ്ചി​ന്. കാ​യ​ക്കൊ​ടി​യി​ലെ​ത്താ​ൻ രാ​ത്രി​യാ​യി. കു​ന്നു​മ്മ​ൽ, പു​റ​മേ​രി പ​ഞ്ചാ​യ​ത്തു​ക​ളി​ലൂ​ടെ​യാ​ണ്​ വി​ല്യാ​പ്പ​ള്ളി​യി​ലെ​ത്തേ​ണ്ട​ത്. അ​തും​ക​ഴി​ഞ്ഞ്​ അ​ഴി​യൂ​ർ, മ​ണി​യൂ​ർ ബ്രാ​ഞ്ച്​ ക​നാ​ലി​ലും വെ​ള്ളം വി​ട​ണം. കു​റ്റ്യാ​ടി മ​ണ്ഡ​ല​ത്തി​ലെ മി​ക്ക പ​ഞ്ചാ​യ​ത്തു​ക​ളി​ലും കു​ടി​വെ​ള്ള​ക്ഷാ​മം പ​രി​ഹ​രി​ക്കു​ന്ന​ത്​ ക​നാ​ൽ മു​ഖേ​ന​യാ​ണ്.

ക​നാ​ലി​ൽ​നി​ന്ന്​ കി​ണ​റി​ലേ​ക്കും ജ​ലാ​ശ​യ​ങ്ങ​ളി​ലേ​ക്കും വെ​ള്ളം അ​രി​ച്ചി​റ​ങ്ങി​യാ​ണ്​ ഇ​ത്​ സാ​ധി​ക്കു​ന്ന​ത്. ക​ഴി​ഞ്ഞ വ​ർ​ഷം വ​ല​തു​ക​ര ക​നാ​ൽ മ​രു​തോ​ങ്ക​ര പ​ഞ്ചാ​യ​ത്തി​ലെ മു​ണ്ട​ക്കു​റ്റി​യി​ൽ ത​ക​ർ​ന്ന്​ ക​നാ​ൽ ജ​ല​വി​ത​ര​ണം ഏ​താ​നും ആ​ഴ്ച നി​ല​ച്ചി​രു​ന്നു. അ​ടി​യ​ന്ത​ര അ​റ്റ​കു​റ്റ​പ്പ​ണി ന​ട​ത്തി ജ​ല​സേ​ച​നം പു​നഃ​സ്ഥാ​പി​ക്കു​ക​യും ഈ ​വ​ർ​ഷം 84 ല​ക്ഷം രൂ​പ ചെ​ല​വി​ൽ ക​നാ​ൽ പു​ന​ർ​നി​ർ​മി​ക്കു​ക​യും ചെ​യ്തി​ട്ടു​ണ്ട്. ക​നാ​ൽ തു​റ​ന്ന​തോ​ടെ പ​രി​സ​ര​ങ്ങ​ളി​ലു​ള്ള​വ​ർ ആ​ഹ്ലാ​ദ​ത്തി​ലാ​ണ്. വെ​ള്ളം വ​ര​വ്​ കാ​ണാ​ൻ സ്ത്രീ​ക​ളും കു​ട്ടി​ക​ളു​മു​ൾ​പ്പെ​ടെ ക​നാ​ൽ ക​ര​യി​ൽ ത​ടി​ച്ചു​കൂ​ടി.