സാഹിത്യ നഗരപ്രഖ്യാപനം ഞായറാഴ്ച

കോ​ഴി​ക്കോ​ട്: യു​നെ​സ്കോ സ​ർ​ഗാ​ത്മ​ക ന​ഗ​ര ശൃം​ഖ​ല​യു​ടെ ല​ക്ഷ്യ​ങ്ങ​ൾ കൈ​വ​രി​ക്കാ​ൻ ഉ​ത​കു​ന്ന രീ​തി​യി​ൽ പ്രാ​ദേ​ശി​ക ത​ല​ത്തി​ലും അ​ന്ത​ർ​ദേ​ശീ​യ ത​ല​ത്തി​ലും വി​വി​ധ പ്ര​വ​ർ​ത്ത​ന​ങ്ങ​ളും പ​രി​പാ​ടി​ക​ളും സം​ഘ​ടി​പ്പി​ക്കു​മെ​ന്ന് മേ​യ​ർ ഡോ. ​ബീ​ന ഫി​ലി​പ്പ്​ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

ര​ണ്ടു​വ​ർ​ഷം വീ​തം നീ​ണ്ടു​നി​ൽ​ക്കു​ന്ന നാ​ലു​ഘ​ട്ട​ങ്ങ​ളാ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. മാ​നാ​ഞ്ചി​റ, ബീ​ച്ച്, കു​റ്റി​ച്ചി​റ, ത​ളി ക്ഷേ​ത്രം, ല​യ​ൺ​സ് പാ​ർ​ക്ക് തു​ട​ങ്ങി​യ ഇ​ട​ങ്ങ​ളും പാ​ർ​ക്കു​ക​ളും സാ​ഹി​ത്യ പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന ഇ​ട​ങ്ങ​ൾ കൂ​ടി​യാ​ക്കി മാ​റ്റും. ലി​റ്റ​റേ​ച്ച​ർ മ്യൂ​സി​യം, വാ​യ​ന​ത്തെ​രു​വ്, മ​ല​ബാ​ർ ലി​റ്റ​റ​റി സ​ർ​ക്യൂ​ട്ട്, കോ​ലാ​യ സം​സ്കാ​ര​ത്തി​ന്റെ പു​നഃ​സ്ഥാ​പ​നം, സ്വ​ത​ന്ത്ര വാ​യ​ന മൂ​ല​ക​ൾ തു​ട​ങ്ങി​യ​വ​യും ന​ട​പ്പാ​ക്കും. വാ​രാ​ന്ത്യ വാ​യ​ന​ക​ൾ​പോ​ലു​ള്ള പ​ദ്ധ​തി​ക​ളു​ണ്ടാ​വും. ഡ​യ​സ്പോ​റി​ക് ചി​ൽ​ഡ്ര​ൻ​സ് പാ​ർ​ല​മെ​ന്റ്, സാ​ഹി​ത്യ മ​ത്സ​ര​ങ്ങ​ൾ, പു​സ്ത​ക കൈ​മാ​റ്റ കേ​ന്ദ്ര​ങ്ങ​ൾ, എ​ഴു​ത്തു​ശി​ൽ​പ​ശാ​ല​ക​ൾ, സാ​ധാ​ര​ണ​ക്കാ​ർ​ക്ക് പ്രാ​പ്യ​മാ​വു​ന്ന പു​സ്ത​ക​മേ​ള​ക​ൾ, ഗൃ​ഹ​ലൈ​ബ്ര​റി സ​ന്ദ​ർ​ശ​ന​ങ്ങ​ൾ, സ​ഞ്ച​രി​ക്കു​ന്ന പു​സ്ത​ക പ്ര​ദ​ർ​ശ​ന​ങ്ങ​ൾ തു​ട​ങ്ങി​യ​വ സം​ഘ​ടി​പ്പി​ക്കും. ഇ​ന്ത്യ​യി​ലെ ആ​ദ്യ സാ​ഹി​ത്യ ന​ഗ​ര​മാ​യി യു​നെ​സ്കോ കോ​ഴി​ക്കോ​ടി​നെ തി​ര​ഞ്ഞെ​ടു​ത്ത​തി​ന്റെ പ്ര​ഖ്യാ​പ​നം 23ന് ​വൈ​കീ​ട്ട് 5.30ന് ​മ​ന്ത്രി എം.​ബി. രാ​ജേ​ഷ് നി​ർ​വ​ഹി​ക്കും.

ക​ണ്ടം​കു​ളം മു​ഹ​മ്മ​ദ് അ​ബ്ദു​റ​ഹി​മാ​ൻ സ്മാ​ര​ക ജൂ​ബി​ലി ഹാ​ളി​ൽ ന​ട​ക്കു​ന്ന ച​ട​ങ്ങി​ൽ കോ​ർ​പ​റേ​ഷ​ന്റെ വ​ജ്ര​ജൂ​ബി​ലി പു​ര​സ്‌​കാ​രം എം.​ടി. വാ​സു​ദേ​വ​ൻ നാ​യ​ർ​ക്ക് സ​മ്മാ​നി​ക്കും. സാ​ഹി​ത്യ ന​ഗ​ര​ത്തി​ന്റെ ലോ​ഗോ പ്ര​കാ​ശ​ന​വും വെ​ബ്സൈ​റ്റ് ഉ​ദ്ഘാ​ട​ന​വും മ​ന്ത്രി പി.​എ. മു​ഹ​മ്മ​ദ് റി​യാ​സ് നി​ർ​വ​ഹി​ക്കും.

ആ​ന​ക്കു​ളം സാം​സ്കാ​രി​ക നി​ല​യ​ത്തി​ൽ സ​ജ്ജ​മാ​ക്കു​ന്ന സാ​ഹി​ത്യ​ന​ഗ​ര കേ​ന്ദ്ര​ത്തി​ന്റെ പ്ര​ഖ്യാ​പ​നം കൈ​ത​പ്രം ദാ​മോ​ദ​ര​ൻ ന​മ്പൂ​തി​രി ന​ട​ത്തും. വാ​ർ​ത്ത​സ​മ്മേ​ള​ന​ത്തി​ൽ ഡെ​പ്യൂ​ട്ടി മേ​യ​ർ സി.​പി. മു​സാ​ഫി​ർ അ​ഹ​മ്മ​ദ്, ഡോ. ​എ​സ്. ജ​യ​ശ്രീ, കൃ​ഷ്ണ​കു​മാ​രി, സെ​ക്ര​ട്ട​റി കെ.​യു. ബി​നി എ​ന്നി​വ​രും പ​ങ്കെ​ടു​ത്തു.