സ്​കേറ്റിങ്​ ബോർഡിൽ ഇന്ത്യ ചുറ്റാൻ മോഹവുമായി മധു

കക്കോടി (കോഴിക്കോട്​): കണ്ണൊന്നു പിഴച്ചാലും കാലിടറിയാലും അപകടമുറപ്പാണ്​. പക്ഷേ, അങ്ങനെ മരിച്ചാലും എനിക്ക്​ പ്രശ്​നമല്ല, എനിക്ക്​ ഈ സ്​കേറ്റിങ്​ റോളറിൽ ഇന്ത്യ ചുറ്റണം. അതിനുള്ള കഠിന പരിശ്രമമാണ്​- 18കാരനായ കക്കോടി മാമ്പറ്റത്താഴത്ത്​ മധുവി​െൻറ തീരുമാനത്തിന്​ ഉറപ്പുണ്ട്​. സ്​കേറ്റിങ്​ പരിശീലനം തലക്കുപിടിച്ചപ്പോൾ ആദ്യമൊക്കെ നാട്ടുകാരെപ്പോലെ വീട്ടുകാരും പറഞ്ഞു ഭ്രാന്താണെന്ന്​.

വീട്ടിൽനിന്ന്​ പുറത്തിറങ്ങിയുള്ള ഏതൊരു യാത്രക്കും ത​െൻറ വാഹനമാകുന്നത്​ കൈയിൽ കരുതുന്ന നാലു ചെറിയ ചക്രങ്ങൾ പിടിപ്പിച്ച മരപ്പലകയാണ്​.

സാധനങ്ങൾ വാങ്ങാനും സുഹൃത്തുക്കളെക്കാണാനും കോഴിക്കോട്​ ബീച്ചിൽ വൈകീട്ടുള്ള​ കടലവിൽപനക്ക്​ പോകു​ന്നതുമെല്ലാം ഇൗ മരപ്പലകയിലാണ്​. ഒറ്റക്കാലിൽ തള്ളിനീക്കി വേഗത്തിൽ പായുന്ന ഈ വാഹനത്തെ സ്​നേഹിക്കാൻ തുടങ്ങിയതോടെ മധുവി​െൻറ കഷ്​ടകാലമാണ്​. കുട്ടി വഴിതെറ്റുമെന്നും അപകടം പിണയുമെന്നും കരുതി ഒരുകുട്ടിക്കും കിട്ടാത്ത ശിക്ഷയാണ്​ മധു രക്ഷിതാക്കളിൽനിന്ന്​ ആദ്യം നേടിയ അവാർഡുകൾ. എത്ര അടി കിട്ടിയാലും റോളിങ്​ സ്​കേറ്ററിനെ കെട്ടിപ്പിടിച്ചും തലക്കുവെച്ചും കിടന്നുറങ്ങുന്ന മക​െൻറ അടക്കാനാവാത്ത ആഗ്രഹത്തിനുമുന്നിൽ അലിവുതോന്നിയ രക്ഷിതാക്കൾ മക​െൻറ തീരുമാനത്തിന്​ പിന്നീട്​ തടസ്സം നിന്നില്ല.

12 വയസ്സുമുതൽ പരിശീലനം ഗൗരവമായി എടുത്തു. ഗ്രൗണ്ടിൽ വെച്ചുള്ള പരിശീലനം നടത്തിയാൽ പോരെ ​ എന്തിനാണ്​ തിരക്കേറിയ റോഡിലൂ​െടയുള്ള യാത്ര എന്ന്​ ചോദിക്കുന്നവരും മനസ്സിൽ കരുതുന്നവരുമുണ്ട്​, എന്നാൽ മധുവിന്​ ലക്ഷ്യമുണ്ട്​- തിരക്കേറിയ ഇന്ത്യൻ റോഡുകളിലുടെ ഒരു ട്രിപ്. ത​െൻറ അടങ്ങാത്ത ആഗ്രഹം കണ്ടറിഞ്ഞ്​ ഒരു കായികപ്രേമി 4000 രൂപ വിലയുള്ള ബോർഡ് വാങ്ങി നൽകിയപ്പോഴാണ്​​ മധു ജീവിതത്തിൽ ഏറ്റവും കൂടുതൽ സന്തോഷിച്ചത്​.​ പത്താം ക്ലാസ്​ പാസായെങ്കിലും പ്ലസ്​ടുവിന്​ മൂന്നു വിഷയത്തിൽ പരാജയ​െപ്പട്ട മധു, സ്​​േകറ്റിങ്​ മത്സരത്തിനുള്ള ഏതു​ കടമ്പയും മറികടക്കാനുള്ള ആത്​മവിശ്വാസമുണ്ടെന്ന്​ പറയുന്നു.

കഴിഞ്ഞ ദിവസം ഐ.ടി.ഐ പ്രവേശനത്തിന്​ വടകരക്കടുത്ത്​​ പോയത്​ സ്​കേറ്റിങ്​ ബോർഡിലാണ്​​. വരുന്ന ആഴ്​ച തൃശൂരിലേക്ക്​ പോകാനൊരുങ്ങുകയാണ്​. കോഴിക്കോട്​ ബീച്ചിൽ കടല വിൽപനയാണ്​ മധുവിനും കുടുംബത്തിനും. ആഗ്രഹങ്ങൾ പൂവണിയാൻ ഒരുപാട്​ പണച്ചെലവ്​ ഉള്ളതിനാൽ അവയെല്ലാം ചക്രത്തിൽ തിരിഞ്ഞ്​ വൈകുകയാണ്​.