മ​ല​യോ​ര ഹ​ർ​ത്താ​ലി​ലെ അതിക്രമം; പ്രതികളെ തിരിച്ചറിയാനാവാതെ അന്വേഷണോദ്യോഗസ്ഥർ​

കോ​ഴി​ക്കോ​ട്: മ​ല​യോ​ര ഹ​ർ​ത്താ​ലി​ൽ താ​മ​ര​ശ്ശേ​രി ഫോ​റ​സ്റ്റ് ഓ​ഫി​സും ഫ​യ​ലു​ക​ളും തീ​വെ​ച്ച് ന​ശി​പ്പി​ച്ച കേ​സി​ന്റെ വി​ചാ​ര​ണ​ക്കി​ടെ കേ​സ​ന്വേ​ഷി​ച്ച പൊ​ലീ​സും വ​നം​വ​കു​പ്പും പ്ര​തി​ക​ൾ​ക്ക് അ​നു​കൂ​ല​മാ​യി മൊ​ഴി​ന​ൽ​കി​യ​ത് സ​ർ​ക്കാ​റി​ന് നാ​ണ​ക്കേ​ടാ​യി.

കേ​സ് ഡ​യ​റി കാ​ണാ​താ​യ​തി​ന് പി​ന്നാ​ലെ​യാ​ണ് കോ​ഴി​ക്കോ​ട് സ്‌​പെ​ഷ​ൽ അ​ഡീ​ഷ​ന​ൽ സെ​ഷ​ൻ​സ് കോ​ട​തി​യി​ൽ ന​ട​ന്ന വി​ചാ​ര​ണ​ക്കി​ടെ കേ​സി​ലെ ഒ​ന്നാം സാ​ക്ഷി​യും അ​ന്ന​ത്തെ താ​മ​ര​ശ്ശേ​രി ഡി​വൈ.​എ​സ്.​പി​യു​മാ​യ ജെ​യ്‌​സ​ൺ കെ. ​എ​ബ്ര​ഹാ​മും അ​ക്ര​മം നേ​രി​ട്ട് ക​ണ്ട വ​നം​വ​കു​പ്പ് ഉ​ദ്യോ​ഗ​സ്ഥ​രും ​​പ്ര​തി​ക​ളെ തി​രി​ച്ച​റി​യാ​നാ​വു​ന്നി​ല്ലെ​ന്ന് മൊ​ഴി ന​ൽ​കി​യ​ത്. കേ​സി​ലെ ര​ണ്ടാം സാ​ക്ഷി​യാ​യ ഡെ​പ്യൂ​ട്ടി ഫോ​റ​സ്റ്റ് റേ​ഞ്ച് ഓ​ഫി​സ​റും താ​മ​ര​ശ്ശേ​രി ഫോ​റ​സ്റ്റ് ഓ​ഫി​സി​ലെ ര​ണ്ട് ബീ​റ്റ് ഫോ​റ​സ്റ്റ് ഓ​ഫി​സ​ർ​മാ​രും പ്ര​തി​ക​ളെ തി​രി​ച്ച​റി​യാ​ൻ ക​ഴി​ഞ്ഞി​ല്ലെ​ന്ന് കോ​ട​തി​യി​ൽ പ​റ​ഞ്ഞ​തോ​ടെ സ​ർ​ക്കാ​ർ ഓ​ഫി​സും ഫ​യ​ലു​ക​ളും ആ​ക്ര​മി​ക​ൾ തീ​യി​ട്ട് ക​ത്തി​ച്ച കേ​സി​ന്റെ ഗ​തി​യെ​ന്താ​വു​മെ​ന്ന കാ​ര്യ​ത്തി​ൽ ആ​ശ​ങ്ക​യു​യ​ർ​ന്നി​രി​ക്കു​ക​യാ​ണ്.

2013 ന​വം​ബ​ർ 15നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ക​സ്തൂ​രി​രം​ഗ​ൻ റി​പ്പോ​ർ​ട്ട് ന​ട​പ്പാ​ക്കു​ന്ന​തി​നെ​തി​രെ ന​ട​ന്ന മ​ല​​യോ​ര ഹ​ർ​ത്താ​ലി​നി​ടെ ആ​ക്ര​മി​ക​ൾ ഫോ​റ​സ്റ്റ് റേ​ഞ്ച് ഓ​ഫി​സി​ലേ​ക്ക് അ​തി​ക്ര​മി​ച്ചു ക​യ​റി തീ​യി​ട്ടു ന​ശി​പ്പി​ച്ചു​വെ​ന്നാ​യി​രു​ന്നു കേ​സ്. സു​പ്ര​ധാ​ന​മാ​യ ഫ​യ​ലു​ക​ൾ ക​ത്തി​ന​ശി​ച്ച സം​ഭ​വ​ത്തി​ൽ 77.09 ലക്ഷം രൂ​പ​യു​ടെ ന​ഷ്ടം ഉ​ണ്ടാ​യെ​ന്നാ​ണ് സ​ർ​ക്കാ​ർ ക​ണ​ക്ക്. അ​ന്ന് താ​മ​ര​ശ്ശേ​രി ഡി​വൈ.​എ​സ്.​പി​യാ​യി​രു​ന്ന ജെ​യ്സ​ൻ കെ. ​അ​ബ്ര​ഹാ​മാ​യി​രു​ന്നു അ​ന്വേ​ഷ​ണ ഉ​ദ്യോ​ഗ​സ്ഥ​ൻ. അ​ദ്ദേ​ഹം സ​ർ​വി​സി​ൽ​നി​ന്ന് വി​ര​മി​ച്ച​താ​ണ്.

കേ​സി​ൽ 37 പ്ര​തി​ക​ളാ​ണു​ള്ള​ത്. 13 പേ​ർ പ്രാ​യ​പൂ​ർ​ത്തി​യാ​കാ​ത്ത​വ​രാ​യി​രു​ന്നു.

പ്ര​തി​ക​ളി​ലൊ​രാ​ൾ പ​ഞ്ചാ​യ​ത്ത് അം​ഗ​മാ​യി​രു​ന്നു. അ​ദ്ദേ​ഹ​ത്തെ പോ​ലും തി​രി​ച്ച​റി​യാ​നാ​വു​ന്നി​ല്ലെ​ന്ന് മു​ഖ്യ​സാ​ക്ഷി​ക​ൾ മൊ​ഴി​ന​ൽ​കി​യി​രി​ക്കു​ക​യാ​ണ്. താ​മ​ര​​ശ്ശേ​രി പൊ​ലീ​സ് സ്റ്റേ​ഷ​നി​ലും ഡി​വൈ.​എ​സ്.​പി ഓ​ഫി​സി​ലും സൂ​ക്ഷി​ച്ച കേ​സ് ഡ​യ​റി​യാ​ണ് കാ​ണാ​താ​യി​രി​ക്കു​ന്ന​ത്. കേ​സ് അ​ട്ടി​മ​റി​ക്കാ​നു​ള്ള ഗൂ​ഢാ​ലോ​ച​ന​യാ​ണ് ഇ​തെ​ല്ലാം ന​ൽ​കു​ന്ന സൂ​ച​ന. പ​രി​സ്ഥി​തി​ലോ​ല മേ​ഖ​ല​യി​ലെ കൈ​യേ​റ്റ​വു​മാ​യി ബ​ന്ധ​പ്പെ​ട്ട നി​ര​വ​ധി ഫ​യ​ലു​ക​ളാ​ണ് ക​ത്തി​ന​ശി​ച്ച​ത്. 77 ല​ക്ഷം രൂ​പ​യു​ടെ പൊ​തു​മു​ത​ൽ ന​ശി​പ്പി​ച്ച ആ​ക്ര​മ​ണ​ത്തി​ൽ ഔ​ദ്യോ​ഗി​ക വാ​ഹ​ന​ങ്ങ​ളും ഔ​ഷ​ധ​ത്തോ​ട്ട​വും ന​ശി​പ്പി​ച്ചു.