പോക്സോ കേസിൽ വിമുക്തഭടൻ റിമാൻഡിൽ

എലത്തൂർ: പ്രായപൂർത്തിയാകാത്ത പെൺകുട്ടിയോട് മോശമായി പെരുമാറിയ വിമുക്തഭടനെ റിമാൻഡ് ചെയ്തു. മൊകവൂർ കാമ്പുറത്ത് ക്ഷേത്രോത്സവത്തോടനുബന്ധിച്ച് പെൺകുട്ടിയോട് മോശമായി പെരുമാറിയ കേസിലാണ് കക്കോടി മക്കട വടക്കേത്തൊടിക സുബീഷിനെ (38) എലത്തൂർ പൊലീസ് അറസ്റ്റ് ചെയ്തത്. പെൺകുട്ടി വിവരം ബന്ധുക്കളോട് പറയുകയായിരുന്നു. പൊലീസ് ഇൻസ്​പെക്ടർ എ. സായൂജ്കുമാറാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.