മേയർകാലം കഴിഞ്ഞു; തോട്ടത്തിൽ രവീന്ദ്രൻ ഇനി ഇവിടെയൊക്കെയുണ്ടാവും

കോഴി​േക്കാട്​: സഫലമായ മേയർകാലം കഴിഞ്ഞ്​ തോട്ടത്തിൽ രവീന്ദ്രൻ ഇനി ജീവിതത്തിരക്കിൽ​. മൂന്നു​ തവണ കോഴിക്കോടി‍െൻറ മേയർപദവി അലങ്കരിച്ച്​ ആത്മ സംതൃപ്​തിയിൽ പടിയിറങ്ങിയ ശേഷം കൃഷിയിലും ബിസിനസിലും സജീവമാവാനുള്ള തീരുമാനത്തിലാണദ്ദേഹം​.

നഗരത്തിലെ യു.കെ ശങ്കുണ്ണിറോഡിൽ ത​െൻറ ഉടമസ്ഥതയിലുള്ള 'വണ്ടർ ക്ലീൻ' എന്ന സ്ഥാപനത്തിൽ തെരഞ്ഞെടുപ്പ്​ ഫലം വന്ന പിറ്റേന്നുതന്നെ അദ്ദേഹമെത്തി.ഇനി ഇൗ സ്ഥാപനത്തിലും കൃഷിയിലുമൊക്കെ കൂടുതൽ ശ്രദ്ധ ചെലുത്തണം. കുറെ കാലമായി സ്വന്തം കാര്യങ്ങളിലൊന്നും ശ്രദ്ധിക്കാനായില്ല. പൊതുജീവിതത്തിരക്കിനിടയിൽ ഏക്കർ കണക്കിന്​ ഭൂമിയാണ്​ വിറ്റത്. കൃഷിയും ബിസിനസും നോക്കിനടത്താനായില്ല​ -അദ്ദേഹം പറഞ്ഞു.

1998, 2000, 2015 കാലയളവുകളിലാണ്​ കോഴി​േക്കാടി‍െൻറ മേയറാവാൻ തോട്ടത്തിൽ രവീന്ദ്രന്​ അവസരം ലഭിച്ചത്​. ഇത്തവണ കോഴിക്കോട്​ കോർപറേഷനിൽ അമ്പതിലേറെ സീറ്റുകൾ നേടുമെന്ന്​ താൻ പറഞ്ഞിരുന്നു. ത​െൻറ വാർഡായ ചക്കോരത്തുകുളം ബി.ജെ.പി പിടിച്ചതിൽ അത്ഭുതമില്ല. നേരത്തേ ബി.ജെ.പിക്ക്​ അനുകൂല വാർഡാണത്​.

37 വോട്ടിനാണ്​ കഴിഞ്ഞ തവണ താൻ ജയിച്ചത്​. അതു​ ത​െൻറ വ്യക്തിബന്ധത്തിൽ ലഭിച്ച വോട്ടാണ്​. 1998ൽ എപ്രിൽ 21 മുതൽ മേയ്​ 28 വരെയായിരുന്നു ഇൗ ചരിത്രനഗരത്തി‍െൻറ മേയറാവാൻ തോട്ടത്തിൽ രവീന്ദ്രന്​ അവസരം ലഭിച്ചത്​. അന്ന്​ മേയറായിരുന്ന എ.കെ. പ്രേമജം പാർലമെൻറ്​ തെരഞ്ഞെടുപ്പിൽ മത്സരിക്കാൻ പോയപ്പോഴായിരുന്നു അത്​.

പിന്നീട്​ 2000 മുതൽ 2005 വരെ മേയറായി. 2015 ൽ വി.കെ.സി. മമ്മദ്​ കോയയാണ്​ മേയറായത്​. വി.കെ.സി നിയമസഭയിലേക്ക്​ മത്സരിച്ചതോടെ വീണ്ടും മേയർ പദവി തോട്ടത്തിലിനെ തേടിയെത്തി. കോഴിക്കോടി‍െൻറ സൗമ്യമുഖമായാണ്​ രവീ​ന്ദ്രൻ വിശേഷിപ്പിക്കപ്പെട്ടത്​.

സഭ എത്ര പ്രക്ഷുബ്​ധമാവു​േമ്പാഴും മേയറുടെ വാക്കുകളിൽ പ്രതിപക്ഷവും വീണുപോവും. കൃത്യനിഷ്​ഠയുടെയും ഉദാഹരണമായിരുന്നു. നഗരത്തിലെ ഏതു​ പരിപാടിക്കും കൃത്യസമയത്ത്​ അദ്ദേഹമെത്തും. കലാ-സാംസ്​കാരിക കൂട്ടായ്​മകളിൽ സംഘാടകനായും ഭാരവാഹിയായും സജീവമാണ്.