'കൂലിപ്പണിക്കാരനാണെങ്കിലും എ​‍െൻറ കാലിൽ തൊടാനുള്ള യോഗ്യത ഇപ്പോൾ നിങ്ങൾക്കില്ല ഡോക്​ടറേ'

കോഴിക്കോട്​: മെഡി. കോളജ്​ മാത​ൃ-ശിശു സംരക്ഷണ കേന്ദ്രത്തിൽ കൈക്കൂലി വാങ്ങിയ ഡോക്​ടർക്ക്​ സസ്​പെൻഷൻ. അതിലേറെ ഡോക്​ടർക്ക്​ ശിക്ഷയായത്​ പരാതിക്കാരനും ഡോക്​ടറും തമ്മിലുള്ള ഫോൺ സംഭാഷണത്തി​‍െൻറ ഓഡിയോ സമൂഹമാധ്യമങ്ങളിൽ പ്രചരിച്ചത്​. സ്​ത്രീരോഗവിഭാഗം (മൂന്ന്​) യൂനിറ്റ്​ ചീഫ് പ്രഫ. ഡോ. ശരവണകുമാറിനെയാണ്​ ആരോഗ്യ വിദ്യാഭ്യാസ ഡയറക്​ടർ സസ്​പെൻഡ്​​ ചെയ്​തത്​.

ഐ.എം.സി.എച്ചിൽ കഴിഞ്ഞയാഴ്​ചയാണ്​ സസ്​പെൻഷന്​ ആസ്​പദമായ സംഭവമുണ്ടായത്​. നഗരത്തിനടുത്ത പ്രദേശത്തെ കൂലിപ്പണിക്കാരനായ യുവാവി​നോട്​ ഭാര്യയുടെ​ ശസ്​ത്രക്രിയക്കുശേഷം കൈക്കൂലി വാങ്ങിയെന്നാണ്​ പരാതി. 2000 രൂപയാണ്​ കൈക്കൂലി ചോദിച്ചുവാങ്ങിയത്​. ഇതുസംബന്ധിച്ച്​ ഐ.എം.സി.എച്ച്​ സൂ​പ്രണ്ടിന്​ യുവതിയുടെ ഭർത്താവ്​ പരാതി നൽകി. പരാതി പിൻവലിക്കണമെന്നാവശ്യപ്പെട്ട്​ ഡോക്​ടർ വിളിച്ചപ്പോൾ യുവാവ്​ ഫോൺ റെക്കോഡ്​ ചെയ്​തു.

ഡോക്​ടർ യുവാവിനെ വിളിച്ച്​ പരാതി പിൻവലിക്കണമെന്ന്​ കേണപേക്ഷിക്കുന്ന ഒാഡിയോ സന്ദേശവും മെഡിക്കൽ കോളജ്​ പ്രിൻസിപ്പൽ പ്രാഥമികാന്വേഷണ റിപ്പോർട്ടിനൊപ്പം ആരോഗ്യവകുപ്പിന്​ അയച്ചു. ഇതോടെയാണ്​ ഡോക്​ടർക്ക്​ സസ്​പെൻഷൻ ലഭിച്ചത്​.

പരാതി പിൻവലിക്കണമെന്നും കാൽ തൊട്ട്​ മാപ്പു​ പറയാമെന്നും പറഞ്ഞ ഡോക്​ടറോട്​ യുവാവ്​ പറഞ്ഞ ഡയലോഗും വൈറലായി. ഞാൻ കൂലിപ്പണിക്കാരനാണെങ്കിലും എ​‍െൻറ കാലിൽ തൊടാനുള്ള ഒരു യോഗ്യതയും ഇപ്പോൾ നിങ്ങൾക്കില്ലെന്നായിരുന്നു യുവാവി​‍െൻറ മറുപടി.

പരാതി പിൻവലിക്കണമെന്നാവശ്യപ്പെട്ട്​ മൂന്നര മിനിറ്റിലേറെ നീണ്ട ഫോൺ സംഭാഷണത്തിലുടനീളം യുവാവ്​ ചുട്ട മറുപടിയാണ്​ ഡോക്​ടർക്ക്​ നൽകിയത്​. പണ്ട്​​ കൈക്കൂലിക്കാരനായ ഡോക്​ടറെ മെഡി. കോളജിൽ ചെരിപ്പുമാലയണിയിച്ച സംഭവം ഡോക്​ടറെ ഓർമിപ്പിച്ച യുവാവ്​ ഇന്നങ്ങനെ ചെയ്​താൽ ഞങ്ങളെ ക്രിമിനൽ കേസിൽപെടുത്തുമെന്നും പറയുന്നു.