ക​ട​ലി​ൽ കാ​ണാ​താ​യ മ​ത്സ്യ​ത്തൊ​ഴി​ലാ​ളി​യെ ക​ണ്ടെ​ത്താ​നാ​യി​ല്ല

എ​ല​ത്തൂ​ർ: പു​തി​യാ​പ്പ ഹാ​ർ​ബ​റി​ൽ​നി​ന്ന് മ​ത്സ്യ​ബ​ന്ധ​ന​ത്തി​നു പോ​യി ക​ട​ലി​ൽ കാ​ണാ​താ​യ മ​ത്സ്യ​ത്തൊ​ഴി​ലാ​ളി​യെ ക​ണ്ടെ​ത്തി​യി​ല്ല. ശ​നി​യാ​ഴ്ച വൈ​കീ​ട്ട് ‘സി​ദ്ധി​വി​നാ​യ​ക’ എ​ന്ന ബോ​ട്ടി​ൽ 12 പേ​രോ​ടൊ​പ്പം മ​ത്സ്യ​ബ​ന്ധ​ന​ത്തി​നു പോ​യ ആ​ല​പ്പു​ഴ സ്വ​ദേ​ശി ര​തീ​ഷി​നു (40) വേ​ണ്ടി​യു​ള്ള തി​ര​ച്ചി​ൽ ചൊ​വ്വാ​ഴ്ച​യും തു​ട​ർ​ന്നു.

മ​ത്സ്യ​ത്തൊ​ഴി​ലാ​ളി​ക​ളും കൊ​യി​ലാ​ണ്ടി​യി​ൽ​നി​ന്നു​പോ​യ മ​റൈ​ൻ എ​ൻ​ഫോ​ഴ്സ്​​മെ​ന്റും തി​ര​ച്ചി​ൽ തു​ട​രു​ക​യാ​ണെ​ന്ന് എ​ല​ത്തൂ​ർ തീ​ര​ദേ​ശ പൊ​ലീ​സ് എ​സ്.​ഐ ബാ​വ​ര​ഞ്ജി​ത്ത് അ​റി​യി​ച്ചു.

ശ​നി​യാ​ഴ്ച അ​ർ​ധ​രാ​ത്രി​യോ​ടെ വ​ല​വി​രി​ച്ച് മ​റ്റു തൊ​ഴി​ലാ​ളി​ക​ൾ​ക്കൊ​പ്പം വി​ശ്ര​മി​ച്ച​താ​യി​രു​ന്നു ര​തീ​ഷ്. പു​ല​ർ​ച്ച എ​ഴു​ന്നേ​റ്റു നോ​ക്കു​മ്പോ​ൾ ര​തീ​ഷി​നെ ബോ​ട്ടി​ൽ ക​ണ്ടി​ല്ല. അ​ദ്ദേ​ഹ​ത്തി​ന്റെ വ​സ്ത്ര​വും മ​റ്റും ബോ​ട്ടി​ൽ ത​ന്നെ ഉ​ണ്ടാ​യി​രു​ന്നു. ഇ​തേ​ത്തു​ട​ർ​ന്ന് എ​ല​ത്തൂ​ർ തീ​ര​ദേ​ശ​ പൊ​ലീ​സി​ൽ അ​റി​യി​ക്കു​ക​യാ​യി​രു​ന്നു. കൊ​യി​ലാ​ണ്ടി​ക്കു സ​മീ​പം 20 നോ​ട്ടി​ക്ക​ൽ മൈ​ൽ അ​ക​ലെ​വെ​ച്ചാ​ണ് കാ​ണാ​താ​യ​ത്.