ജി​ല്ല​യി​ലെ സ്വ​കാ​ര്യ ട്യൂ​ഷ​ൻ സെ​ന്റ​റു​ക​ളി​ൽ അധ്യാപകരിലേറെ​യും സ​ർ​ക്കാ​ർ ഉ​ദ്യോ​ഗ​സ്ഥ​ർ

കോ​ഴി​ക്കോ​ട്: ഉ​ന്ന​ത വി​ദ്യാ​ഭ്യാ​സ​ത്തി​ന്റെ മ​റ​വി​ൽ ലീ​വെ​ടു​ത്ത സ​ർ​ക്കാ​ർ​ശ​മ്പ​ളം പ​റ്റു​ന്ന അ​ധ്യാ​പ​ക​ർ ഏ​റെ​യും എ​ത്തു​ന്ന​ത് സ്വ​കാ​ര്യ ട്യൂ​ഷ​ൻ സെ​ന്റ​റു​ക​ളി​ൽ. ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി സ്കൂ​ളി​ലെ അ​ധ്യാ​പ​ക​രാ​ണ് സ്വ​കാ​ര്യ ട്യൂ​ഷ​ൻ സെ​ന്റ​റു​ക​ളി​ൽ എ​ത്തു​ന്ന​തി​ൽ ഏ​റെ​യും. ഔ​ദ്യോ​ഗി​ക ശ​മ്പ​ള​ത്തേ​ക്കാ​ൾ മൂ​ന്നി​ര​ട്ടി​യി​ല​ധി​കം ശ​മ്പ​ളം ല​ഭി​ക്കു​ന്ന​താ​ണ് ഇ​വ​രെ സ്വ​കാ​ര്യ സ്ഥാ​പ​ന​ങ്ങ​ളി​ലേ​ക്ക് ആ​ക​ർ​ഷി​ക്കു​ന്ന​ത്. വി​വി​ധ ജി​ല്ല​ക​ളി​ൽ​നി​ന്നു​ള്ള​വ​രാ​ണി​വ​ർ.

ജി​ല്ല​യി​ലെ 12 ​േബ്ലാ​ക്കു​ക​ളി​ൽ ബാ​ലു​ശ്ശേ​രി, പേ​രാ​മ്പ്ര,​ കു​ന്ദ​മം​ഗ​ലം, വ​ട​ക​ര, കോ​ഴി​ക്കോ​ട് ​േബ്ലാ​ക്കു​ക​ളി​ലാ​ണ് കൂ​ടു​ത​ൽ സ്വ​കാ​ര്യ ട്യൂ​ഷ​ൻ സെ​ന്റ​റു​ക​ളു​ള്ള​ത്. ലോ​ക്ക​ൽ ട്യൂ​ഷ​ൻ സെ​ന്റ​റു​ക​ളി​ൽ ഏ​റെ​യും അ​ധ്യാ​പ​ക​ർ​ത​ന്നെ ന​ട​ത്തു​ന്ന​താ​ണ്. ഓ​രോ ​േബ്ലാ​ക്കു​ക​ളി​ലും അ​മ്പ​തോ​ളം ബാ​ച്ചു​ക​ളു​ണ്ട്.

ഇ​വി​ടെ പ​ഠി​പ്പി​ക്കാ​ൻ 1500നും 2000​ത്തി​നും ഇ​ട​യി​ൽ അ​ധ്യാ​പ​ക​രു​മു​ണ്ട്. ഇ​തി​നു പു​റ​മെ 1000ത്തി​ല​ധി​കം അ​ധ്യാ​പ​ക​രു​​ള്ള വ​ൻ​കി​ട എ​ൻ​ട്ര​ൻ​സ് കോ​ച്ചി​ങ് സെ​ന്റ​റു​ക​ളു​മു​ണ്ട്. സ്വ​കാ​ര്യ ട്യൂ​ഷ​ൻ സെ​ന്റ​റു​ക​ളി​ലും എ​ൻ​ട്ര​ൻ​സ് കോ​ച്ചി​ങ് സെ​ന്റ​റു​ക​ളി​ലും പ​രി​ശീ​ല​ന​ത്തി​നെ​ത്തു​ന്ന​വ​രി​ൽ ഉ​ന്ന​ത പ​ഠ​ന​ത്തി​ന്റെ ​മ​റ​വി​ൽ ലീ​വെ​ടു​ത്ത​വ​രും ഏ​റെ​യാ​ണ്.

മി​ക​ച്ച അ​ധ്യാ​പ​ക​ർ ഉ​ണ്ടാ​യി​രി​ക്കെ ഇ​വ​രു​ടെ സേ​വ​നം വി​ദ്യാ​ഭ്യാ​സ വ​കു​പ്പി​നോ സ്കൂ​ളു​ക​ളി​ലെ സാ​ധാ​ര​ണ കു​ട്ടി​ക​ൾ​ക്കോ ല​ഭി​ക്കാ​തെ വ​രു​ന്ന​ത് വി​ദ്യാ​ഭ്യാ​സ​ത്തി​ന്റെ നി​ല​വാ​ര​ത്ത​ക​ർ​ച്ച​ക്ക് ഇ​ട​യാ​ക്കു​ക​യാ​ണ്. പ​ഴ​ക്ക​വും ത​ഴ​ക്ക​വു​മു​ള്ള അ​ധ്യാ​പ​ക​ർ​ക്ക് വ​ൻ പ്ര​തി​ഫ​ലം ന​ൽ​കി സ്വ​കാ​ര്യ സ്ഥാ​പ​ന​ങ്ങ​ൾ നേ​ട്ടം കൊ​യ്യു​ക​യാ​ണ്.

ലീ​വെ​ടു​ത്ത് പി​എ​ച്ച്.​ഡി ചെ​യ്യു​ന്ന​വ​രും ആ​രോ​ഗ്യ പ്ര​ശ്ന​ങ്ങ​ൾ ചൂ​ണ്ടി​ക്കാ​ണി​ച്ച് ലീ​വെ​ടു​ത്ത​വ​രും ജി​ല്ല​യി​ലെ സ്വ​കാ​ര്യ ട്യൂ​ഷ​ൻ സ്ഥാ​പ​ന​ങ്ങ​ളി​ൽ രാ​വ​ന്തി​യോ​ളം ജോ​ലി ചെ​യ്യു​ക​യാ​ണ്. വി​ജി​ല​ൻ​സി​ന് ഇ​തു സം​ബ​ന്ധി​ച്ച് വി​വ​ര​മു​ണ്ടെ​ങ്കി​ലും സ​ർ​ക്കാ​ർ തീ​രു​മാ​നം ന​ട​പ​ടി​ക​ൾ വൈ​കി​പ്പി​ക്കു​ക​യാ​ണ്. പ​രി​ച​യ​സ​മ്പ​ന്ന​രാ​യ ഇ​വ​ർ സ്വ​കാ​ര്യ സ്ഥാ​പ​ന​ങ്ങ​ളി​ൽ​നി​ന്ന് പി​ൻ​വ​ലി​യു​ന്ന​തോ​ടെ പ്ര​തി​സ​ന്ധി നേ​രി​ടു​മെ​ന്ന ആ​ശ​ങ്ക​യും സ്ഥാ​പ​ന ഉ​ട​മ​ക​ൾ​ക്കു​ണ്ട്.