മു​ക്കം ന​ഗ​ര​സ​ഭ ബ​ജ​റ്റ്; പ​ശ്ചാ​ത്ത​ല സൗ​ക​ര്യ-​മാ​ലി​ന്യ​മു​ക്ത പ​ദ്ധ​തി​ക​ള്‍ക്ക് മു​ന്‍ഗ​ണ​ന

മു​ക്കം: പ​ശ്ചാ​ത്ത​ല സൗ​ക​ര്യ​ങ്ങ​ള്‍ക്കും ശു​ചി​ത്വ-​മാ​ലി​ന്യ സം​സ്ക​ര​ണ പ​ദ്ധ​തി​ക​ള്‍ക്കും മു​ന്‍ഗ​ണ​ന ന​ല്‍കി മു​ക്കം ന​ഗ​ര​സ​ഭ​യു​ടെ ബ​ജ​റ്റ്. 63.13 കോ​ടി രൂ​പ വ​ര​വും 60.49 കോ​ടി രൂ​പ ചെ​ല​വും പ്ര​തീ​ക്ഷി​ക്കു​ന്ന, മി​ച്ച ബ​ജ​റ്റാ​ണ് ഡെ​പ്യൂ​ട്ടി ചെ​യ​ര്‍പേ​ഴ്സ​ൻ കെ.​പി. ചാ​ന്ദ്നി അ​വ​ത​രി​പ്പി​ച്ച​ത്. മു​ക്കം ന​ഗ​ര​സ​ഭ​യെ മാ​ലി​ന്യ​മു​ക്ത ന​ഗ​ര​സ​ഭ​യാ​യി നി​ല​നി​ര്‍ത്തു​ന്ന​തി​നാ​യി 1.23 കോ​ടി രൂ​പ ബ​ജ​റ്റി​ല്‍ വ​ക​യി​രു​ത്തി​യി​ട്ടു​ണ്ട്. ന​ഗ​ര​സ​ഭാ ഓ​ഫി​സ് സ​മു​ച്ച​യ​ത്തി​ന് ഒ​രു കോ​ടി രൂ​പ​യും പു​തി​യ ബ​സ് സ്റ്റാ​ൻ​ഡി​ന് 50 ല​ക്ഷം രൂ​പ​യും ശ്മ​ശാ​ന​ത്തി​ന് 50 ല​ക്ഷം രൂ​പ​യും നീ​ക്കി​വെ​ച്ചു. ന​ഗ​ര​ത്തി​ല്‍ പേ ​പാ​ര്‍ക്കി​ങ്, ഷീ ​ലോ​ഡ്ജ് പ​ദ്ധ​തി​ക​ൾ ആ​രം​ഭി​ക്കാ​നും തു​ക വ​ക​യി​രു​ത്തി​യി​ട്ടു​ണ്ട്.

വ്യ​വ​സാ​യ പാ​ര്‍ക്ക് ആ​രം​ഭി​ക്കു​ന്ന​തി​ന് 50 ല​ക്ഷം രൂ​പ​യും തെ​രു​വു വി​ള​ക്കു​ക​ള്‍ക്കാ​യി 35 ല​ക്ഷം രൂ​പ അ​നു​വ​ദി​ച്ചി​ട്ടു​ണ്ട്. ഭൂ​ര​ഹി​ത-​ഭ​വ​ന​ര​ഹി​ത​ര്‍ക്ക് ഫ്ലാ​റ്റ് സ​മു​ച്ച​യം അ​നു​വ​ദി​ക്കു​ന്ന​തി​നാ​യി 1.75 കോ​ടി രൂ​പ​യും ഇ​രു​വ​ഴി​ഞ്ഞി​പ്പു​ഴ​യോ​ര​ത്തി​ന്റെ സം​ര​ക്ഷ​ണ​ത്തി​നാ​യി ചെ​റു​കി​ട ജ​ല​സേ​ച​ന വ​കു​പ്പി​ന്‍റെ സ​ഹ​ക​ര​ണ​ത്തോ​ടെ പ​ദ്ധ​തി ന​ട​പ്പാ​ക്കു​ന്ന​തി​നാ​യി ഒ​രു കോ​ടി രൂ​പ​യും മാ​റ്റി​വെ​ച്ചി​ട്ടു​ണ്ട്.

കാ​ര്‍ഷി​ക മേ​ഖ​ല​ക്കാ​യി 40 ല​ക്ഷ​വും മൃ​ഗ​സം​ര​ക്ഷ​ണ മേ​ഖ​ല​യി​ല്‍ 18 ല​ക്ഷ​വും ക്ഷീ​ര വി​ക​സ​ന​ത്തി​നാ​യി 24 ല​ക്ഷ​വും വ​ക​യി​രു​ത്തി​യ ബ​ജ​റ്റി​ല്‍ മ​രാ​മ​ത്ത് പ്ര​വൃ​ത്തി​ക​ള്‍ക്കാ​യി എ​ട്ടു കോ​ടി രൂ​പ​യും അ​നു​വ​ദി​ച്ചു. വ​നി​ത ക്ഷേ​മ​ത്തി​നാ​യി 56 ല​ക്ഷ​വും വ​യോ​ജ​ന ക്ഷേ​മ​ത്തി​നാ​യി 13.5 ല​ക്ഷ​വും നീ​ക്കി​വെ​ച്ച​പ്പോ​ൾ ശാ​രീ​രി​ക-​മാ​ന​സി​ക വെ​ല്ലു​വി​ളി നേ​രി​ടു​ന്ന​വ​ര്‍ക്കാ​യി 40.75 ല​ക്ഷം രൂ​പ​യു​മു​ണ്ട്.

മു​ക്കം ന​ഗ​ര​സ​ഭ​യു​ടെ 2025-26 വ​ർ​ഷ​ത്തെ ബ​ജ​റ്റ് മു​ൻ​വ​ർ​ഷ​ങ്ങ​ളി​ലെ ബ​ജ​റ്റി​ന്റെ ആ​വ​ർ​ത്ത​നം മാ​ത്ര​മാ​ണെ​ന്ന് പ്ര​തി​പ​ക്ഷ കൗ​ൺ​സി​ല​ർ​മാ​ർ ആ​രോ​പി​ച്ചു. പൊ​തു​ശ്മ​ശാ​നം നി​ർ​മി​ക്കാ​നു​ള്ള ശ്ര​മ​മി​ല്ലെ​ന്നും പ്ര​തി​പ​ക്ഷ കൗ​ൺ​സി​ല​ർ​മാ​രാ​യ വേ​ണു ക​ല്ലു​രു​ട്ടി, ഗ​ഫൂ​ർ ക​ല്ലു​രു​ട്ടി, എ. ​അ​ബ്ദു​ൾ ഗ​ഫൂ​ർ എ​ന്നി​വ​ർ പ​റ​ഞ്ഞു.

ദീ​ർ​ഘ​വീ​ക്ഷ​ണ​മി​ല്ലാ​ത്ത ബ​ജ​റ്റ് –വെ​ൽ​ഫെ​യ​ർ പാ​ർ​ട്ടി

ജീ​വ​ൽ പ്ര​ശ്ന​ങ്ങ​ളെ അ​ഭി​മു​ഖീ​ക​രി​ക്കാ​ത്ത​തും ദീ​ർ​ഘ​വീ​ക്ഷ​ണ​മി​ല്ലാ​ത്ത​തു​മാ​ണ് മു​ക്കം ന​ഗ​ര​സ​ഭ ബ​ജ​റ്റെ​ന്ന് വെ​ൽ​ഫെ​യ​ർ പാ​ർ​ട്ടി മു​ക്കം ന​ഗ​ര സ​ഭ ക​മ്മി​റ്റി ആ​രോ​പി​ച്ചു. കാ​ർ​ഷി​കം, വി​ദ്യാ​ഭ്യാ​സം, സാ​മൂ​ഹി​ക നീ​തി, ആ​രോ​ഗ്യ മേ​ഖ​ല​ക​ളി​ൽ പ​തി​വ് പ​രി​പാ​ടി​ക​ൾ ന​ട​ത്തു​ക എ​ന്ന​തി​ന​പ്പു​റം ദീ​ർ​ഘ വീ​ക്ഷ​ണ​ത്തോ​ടെ​യു​ള്ള പ​ദ്ധ​തി​ക​ളി​ല്ല.

മു​ക്കം ന​ഗ​ര​സ​ഭ പ്ര​സി​ഡ​ൻ​റ് കെ. ​അ​ബ്ദു​ൽ റ​ഹീം അ​ധ്യ​ക്ഷ​ത വ​ഹി​ച്ചു. സെ​ക്ര​ട്ട​റി എ. ​അ​ബ്ദു​ൽ ഗ​ഫൂ​ർ, ഗ​ഫൂ​ർ പൊ​റ്റ​ശ്ശേ​രി, റൈ​ഹാ​ന ക​ല്ലു​രു​ട്ടി, മ​നോ​ജ് കാ​ഞ്ഞി​ര​മു​ഴി, അ​നു​പ​മ പൊ​റ്റ​ശ്ശേ​രി, കെ. ​ഉ​ബൈ​ദ്, സ​ലീ​ന എ​ന്നി​വ​ർ സം​സാ​രി​ച്ചു.