ആ​യു​സ്സ് അ​ഞ്ച് വ​ർ​ഷം മാ​ത്രം: നി​ർ​മാ​ണ​ത്തി​ലെ അ​ശാ​സ്ത്രീ​യ​ത; എ​യ്റോ​ബി​ക് പ്ലാ​ന്റ് പൊ​ളി​ക്കു​ന്നു

മു​ക്കം: അ​ശാ​സ്ത്രീ​യ​മാ​യ നി​ർ​മാ​ണം​മൂ​ലം ഒ​രു ത​വ​ണ​പോ​ലും ഉ​പ​യോ​ഗി​ക്കാ​ൻ പ​റ്റാ​ത്ത എ​യ​്റോ​ബി​ക് പ്ലാ​ന്റ് പൊ​ളി​ച്ചു​മാ​റ്റു​ന്നു. ജൈ​വ​മാ​ലി​ന്യ സം​സ്ക​ര​ണ​ത്തി​ന് അ​ഞ്ചു ല​ക്ഷ​ത്തോ​ളം രൂ​പ ചെ​ല​വി​ൽ മു​ക്കം ന​ഗ​ര​സ​ഭ നി​ർ​മി​ച്ച എ​യ്റോ​ബി​ക് പ്ലാ​ന്റാ​ണ് പൊ​ളി​ച്ചു​നീ​ക്കു​ന്ന​ത്. മു​ക്കം പ​ഴ​യ ബ​സ് സ്റ്റാ​ൻ​ഡി​ൽ നി​ർ​മി​ച്ച എ​യ്റോ​ബി​ക് പ്ലാ​ന്റ് പൊ​തു​ശൗ​ചാ​ല​യ നി​ർ​മാ​ണ​ത്തി​നാ​യാ​ണ് പൊ​ളി​ച്ചു​മാ​റ്റു​ന്ന​ത്. നി​ല​വി​ൽ ന​ഗ​ര​സ​ഭ​യു​ടെ ശു​ചീ​ക​ര​ണ ഉ​പ​ക​ര​ണ​ങ്ങ​ൾ സൂ​ക്ഷി​ക്കാ​നാ​ണ് പ്ലാ​ന്റ് ഉ​പ​യോ​ഗി​ക്കു​ന്ന​ത്. അ​തി​നി​ടെ പു​തി​യ ര​ണ്ട് പ്ലാ​ന്റു​ക​ൾ നി​ർ​മി​ക്കാ​ൻ ന​ഗ​ര​സ​ഭ അ​നു​മ​തി​യും ന​ൽ​കി​ക്ക​ഴി​ഞ്ഞു.

2019ലാ​ണ് മു​ക്കം ബ​സ് സ്റ്റാ​ൻ​ഡി​ൽ ഉ​ൾ​പ്പെ​ടെ പ്ലാ​ന്റ് നി​ർ​മി​ച്ച​ത്. ശു​ചീ​ക​ര​ണ തൊ​ഴി​ലാ​ളി​ക​ളു​ടെ നേ​തൃ​ത്വ​ത്തി​ൽ ന​ഗ​ര​ത്തി​ൽ​നി​ന്ന് ശേ​ഖ​രി​ക്കു​ന്ന ജൈ​വ​മാ​ലി​ന്യം ശാ​സ്ത്രീ​യ​മാ​യി സം​സ്ക​രി​ക്കു​ക​യാ​യി​രു​ന്നു പ​ദ്ധ​തി​യു​ടെ ല​ക്ഷ്യം. ഇ​തി​നാ​യി, ഒ​ന്ന​ര ട​ൺ ജൈ​വ​മാ​ലി​ന്യ സം​സ്ക​ര​ണ ശേ​ഷി​യു​ള്ള പ്ലാ​ന്റാ​ണ് ബ​സ് സ്റ്റാ​ൻ​ഡി​ന് സ​മീ​പം സ്ഥാ​പി​ച്ച​ത്. പ്ലാ​ന്റി​ൽ​നി​ന്നു​ള്ള ക​മ്പോ​സ്റ്റ് ഉ​പ​യോ​ഗി​ച്ച് പ​രി​പാ​ലി​ക്കു​ന്ന​തി​ന് പ​ച്ച​ക്ക​റി തോ​ട്ട​വും ഒ​രു​ക്കി​യി​രു​ന്നു. എ​ന്നാ​ൽ, ഉ​ദ്ഘാ​ട​നം പോ​ലും ന​ട​ത്താ​ൻ ഭ​ര​ണ​സ​മി​തി​ക്കാ​യി​ല്ല. മ​ണ്ണു​ത്തി കാ​ർ​ഷി​ക യൂ​നി​വേ​ഴ്സി​റ്റി വി​ക​സി​പ്പി​ച്ചെ​ടു​ത്ത ബാ​ക്ടീ​രി​യ മി​ശ്രി​തം ഉ​പ​യോ​ഗി​ക്കാ​നാ​യി​രു​ന്നു തീ​രു​മാ​നം.

പ്ലാ​ന്റ് പൊ​ളി​ച്ചു​നീ​ക്കു​ന്ന​തി​നു​ള്ള ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​യ​താ​യി ന​ഗ​ര​സ​ഭ അ​ധി​കൃ​ത​ർ പ​റ​ഞ്ഞു. 34,000 രൂ​പ ന​ൽ​കി​യാ​ണ് പ്ലാ​ന്റ് പൊ​ളി​ച്ചു​മാ​റ്റു​ന്ന​ത്. ഇ​ത്, മ​റ്റൊ​രി​ട​ത്ത് സ്ഥാ​പി​ക്കാ​ൻ ക​ഴി​യി​ല്ലെ​ന്നും അ​ധി​കൃ​ത​ർ പ​റ​ഞ്ഞു.

2019ൽ ​മു​ക്കം ന​ഗ​ര​സ​ഭ​യു​ടെ ആ​ഭി​മു​ഖ്യ​ത്തി​ൽ ന​ഗ​ര​സ​ഭ പ​രി​ധി​യി​ൽ നാ​ല് എ​യ്റോ​ബി​ക് പ്ലാ​ന്റു​ക​ളാ​ണ് നി​ർ​മി​ച്ചു​ന​ൽ​കി​യ​ത്. മ​ണാ​ശ്ശേ​രി ഗ​വ. യു.​പി സ്കൂ​ളി​ലും നീ​ലേ​ശ്വ​രം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലും മു​ക്കം സി.​എ​ച്ച്.​സി​യി​ലും നി​ർ​മി​ച്ച എ​യ്റോ​ബി​ക് പ്ലാ​ന്റു​ക​ളും ഇ​തു​വ​രെ ഉ​പ​യോ​ഗി​ച്ചി​ട്ടി​ല്ല. പ്ലാ​ന്റു​ക​ൾ നി​ർ​മി​ച്ച​തി​ൽ അ​ശാ​സ്ത്രീ​യ​ത​യു​ണ്ടെ​ന്ന പ​രാ​തി ഉ​യ​ർ​ന്നി​രു​ന്നു. മു​ക്ക​ത്തെ പ്ര​മു​ഖ വി​ദ്യാ​ഭ്യാ​സ സ്ഥാ​പ​ന​ത്തി​ലാ​ണ് പു​തി​യ ര​ണ്ട് പ്ലാ​ന്റു​ക​ളും നി​ർ​മി​ക്കു​ന്ന​ത്. അ​ടു​ത്ത ദി​വ​സം​ത​ന്നെ നി​ർ​മാ​ണം ആ​രം​ഭി​ക്കു​മെ​ന്നാ​ണ് വി​വ​രം.