അഗസ്ത്യമുഴി തോട്ടിൽ പെയിന്റ് കലർത്തി മലിനമാക്കി

മു​ക്കം: പ​ഴ​കി​യ പെ​യി​ൻ​റ്​ ക​ല​ർ​ത്തി തോ​ട് മ​ലി​ന​മാ​ക്കി. മു​ക്കം ന​ഗ​ര​സ​ഭ​യി​ലെ പ്ര​ധാ​ന ജ​ല​സ്രോ​ത​സ്സു​ക​ളി​ളൊ​ന്നാ​യ മാ​മ്പ​റ്റ- അ​ഗ​സ്ത്യ​മു​ഴി തോ​ട്ടി​ലാ​ണ് പെ​യി​ൻ​റ് ഒ​ഴു​ക്കി​യ​ത്. ഇ​ന്ന​ലെ ഉ​ച്ച​യോ​ടു​കൂ​ടി വെ​ളു​ത്ത നി​റ​ത്തി​ൽ വെ​ള്ള​മൊ​ഴു​കാ​ൻ തു​ട​ങ്ങി​യ​ത് നാ​ട്ടു​കാ​ർ​ക്കും ആ​ശ്ച​ര്യ​മാ​യി.

മാ​മ്പ​റ്റ ഭാ​ഗ​ത്തു​നി​ന്ന് ര​ണ്ട​ര കി​ലോ​മീ​റ്റ​റോ​ളം ദൂ​ര​ത്തി​ൽ പാ​ലു​പോ​ലെ വെ​ളു​ത്ത നി​റ​ത്തി​ലാ​ണ് തോ​ട് ഒ​രു​മ​ണി​ക്കൂ​റോ​ളം ഒ​ഴു​കി​യ​ത്. വി​വ​ര​മ​റി​ഞ്ഞെ​ത്തി​യ ന​ഗ​ര​സ​ഭ സം​ഘം ന​ട​ത്തി​യ പ​രി​ശോ​ധ​ന​യി​ൽ, തോ​ട്ടി​ലേ​ക്ക് പ​ഴ​കി​യ പെ​യി​ന്റ് വ​ൻ​തോ​തി​ൽ ഒ​ഴു​ക്കി വി​ട്ട​താ​ണ് വെ​ള്ള​ത്തി​ന്റെ നി​റം​മാ​റ്റ​ത്തി​ന് കാ​ര​ണ​മെ​ന്ന് ക​ണ്ടെ​ത്തി. കു​ളി​ക്കാ​നും അ​ല​ക്കാ​നും ഉ​ൾ​പ്പെ​ടെ ഉ​പ​യോ​ഗി​ക്കു​ന്ന തോ​ട് നാ​ശ​മാ​യ​തി​നു​പു​റ​മെ, പെ​യി​ൻ​റ് ക​ല​ർ​ന്ന തോ​ട്ടി​ലെ ജ​ലം ഒ​ഴു​കി​യെ​ത്തി ഇ​രു​വ​ഞ്ഞി​പ്പു​ഴ​യും മ​ലി​ന​മാ​ക്കി.

സ​മീ​പ​വാ​സി​ക​ളി​ൽ​നി​ന്ന് വി​വ​ര​ശേ​ഖ​ര​ണം ന​ട​ത്തി​യ ന​ഗ​ര​സ​ഭ സം​ഘം പെ​യി​ൻ​റ് ഒ​ഴു​ക്കി​യ സ്ഥ​ല​വും ക​ണ്ടെ​ത്തി. കു​റ്റ​ക്കാ​രെ ക​ണ്ടെ​ത്തു​ന്ന​തി​ന് മു​ക്കം പൊ​ലീ​സി​ൽ പ​രാ​തി ന​ൽ​കി. പൊ​തു​ജ​ന​ങ്ങ​ൾ​ക്കും പ​രി​സ്ഥി​തി​ക്കും ഏ​റെ ദ്രോ​ഹം ചെ​യ്യു​ന്ന ഈ ​പ്ര​വൃ​ത്തി ചെ​യ്ത​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന് ന​ഗ​ര​സ​ഭാ​ധി​കൃ​ത​ർ വ്യ​ക്ത​മാ​ക്കി.

ന​ഗ​ര​സ​ഭ ചെ​യ​ർ​മാ​ൻ പി.​ടി. ബാ​ബു, സെ​ക്ര​ട്ട​റി എ​ൻ.​കെ. ഹ​രീ​ഷ്, ആ​രോ​ഗ്യ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​പേ​ഴ്സ​ൻ പ്ര​ജി​ത പ്ര​ദീ​പ്, വി​ദ്യാ​ഭ്യാ​സ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ ഇ. ​സ​ത്യ​നാ​രാ​യ​ണ​ൻ, കൗ​ൺ​സി​ല​ർ പി. ​ജോ​ഷി​ല, ഹെ​ൽ​ത്ത് ഇ​ൻ​സ്പെ​ക്ട​ർ റോ​ഷ​ൻ ലാ​ൽ എ​ന്നി​വ​ർ പ​രി​ശോ​ധ​ന​ക്ക് നേ​തൃ​ത്വം ന​ല്കി.